السلام عليكم ورحمة الله وبركاته ......

هذه اول مشاركة لي في هذا المنتدى الرائع حيث كنت من المتابعين فقط .
حبيت تشاركوني وتعطوني رأيكم في مشروع كنت احلم فيه منذ زمن وكنت متردد جداً فيه وهو عمل كشك عصيرات طازجة سيار بمعنى تطلب طلبك وانت بالسيارة زي اغلب الكشكات الخاصة بالقهوة والشاي المغربي .
بداية اود ان اخبركم انني مبتدئ ليس لدي اي تجارب تجارية ولكن كثير ما افكر بالتجارة ولكن هناك عائق وهو المال . والان جمعت مبلغ انا واخوي لعمل مشروع كشك عصيرات ، وتم تحويل العائق من المال الى الاحباط من الغير بالتخويف من الخسارة .
ندخل بصلب الموضوع: الموقع وهو اهم شي بالنسبالي و وجدت موقع بشارع تجاري كبير والشارع ماشاءالله مزدحم 24 ساعة وهو معروف بمدينة جدة مارأيكم بموقع كهذا ويوجد منافسين على الموقع مثل بون كافيه و بارنيز واحد كشكات الشاي المغربي وسوف يكون التأجير عن طريق افضل عرض حيث ان مبلغ الايجار قد تصل 100 الف بالسنة .
هنا يكمن السؤال هل 100 الف تعتبر مخاطرة في ايجار مساحة كشك .
وهل مشروع العصيرات مربح .
اتمنى مشاركتكم ...

بلنسبه لي مشروع العصيرات ممتااااااااااز جدا
وفكرتك ممتازه الله يوفقك

عزيزي العصيرات مربح بالصيف والشتاء ورطة..

اسالني انا عدي محل عصير...

الحل ؟

اجعل نشاطك الاساسي عصائر...ونشاط فرعي قهوة...

اصحاب محلات القهوة السيارة..نشاط اساسي قهوة..نشاط فرعي عصائر

انت اعمل العكس...لوحتك وديكوراتك والشكل الخارجي اجعلها تدل على أن المحل محل عصائر...

والله يوفقك...

واي سؤال في العصائر انا جاهز ،،،

الله يوفقك

انظر كل ردودي في جميع الصفحات على هذا الرابط

https://www.btalah.com/t386922.html

مشرووووع مربح بشرط توفر اسباب النجاح اهتم بجودة منتجك وراح تحصل خير باذن الله

اخوي انا انضم بي رايي مع اخي الحارث بن همام

واتمنى لك كل التوفيق والنجاح

الله يوفقك دنيا واخرة اخي ...

اقتراحات اتمنى تتقبلها مني بصدر رحب ...

اول شي انا اتمنى لك الخير واتمنى انك تسوي شي يشتغل كويس لفترة طويلة ويشتهر اسم محلك ويكون اسم منتشر في اكثر من مدينة مستقبلا بإذن الله ... مو بس محل عصير يكسب عالناس اللي تمر مصادفة والا عشان محل جنبك انا ابغى الناس تجي لمحلك مخصوص

وعشان يصير الشي هذا اقترح عليك تسوي افكار مبتكرة وماتكون عادية انا ماعندي خبرة بالعصيرات ولكن اعطيك تلميحات ممكن تفيدك بشكل عام

١- اختار اسم سهل ومميز وبسرعة الواحد يتذكره يعني ماتسمي اسامي تخبيص مثل عالم العصيرات والا عرائسي المميز والا الفواكه الطازجة والا عصيرات جدة والا عصيرات البرد (شوف اسم سهل مثلا اسمك عدل عليه سمي مثلا يوسفو او اليوسف

٢- اللوحة ماتكون لوحة خنفشارية ومليانة كل انواع الفواكه والخضروات مع شلال واشجار (مثل اغلب المحلات) لا افضل اللوحة تكون رايقة وبتصميم خارج على المألوف عشان اللوحة تكون مميزة الناس تمشي وتعجب باللوحة

٣- حاول تنوع في العصيرات وماتسوي زي الناس ... يعني اسامي زي ركب النمل وعرائسي وسحلب وفياجرا ومدري ايش احسها مستخدمة كثير ... افضل انك تستخدم وتبتكر اسماء جديدة من عندك ومابغى اعطيك اقتراحات عشان ابغاك تبدع وتتخيل انت وماتحد تفكيرك بالاقتراحات

٤- حاول كل عصيراتك طازجة وبالطعم الاصلي للعصير يعني لاتستخدم تانج الجاهز او القوالب المثلجة حاول قدر الامكان تكون عصيراتك طازجة لو تشتريها فواكه وتزبطها افضل

٥- ايوة لاتنسى لو انت بتشتغل خليك ذهين اللي داخل واعرف طلبه دا تمام زبون دام لكن ترى الزباين وانا منهم وخاصة الجدد على المحل ترى يدخل ومايعرف ايش يختار يعني يكون محتار انت مع الخبرة تعرف ايت زبون يزبط معاه اي خلطة لأنه حيدخل صدقني دي بتسمعها كثير الزبون يسألك ايش رايك افضل شي عندك ... طبعا الناس اذواق افضل شي للزبون هو اكثر شي يزبط على مزاجه وتقدر تسأله مثلا انت تحب الحوامض والا العصيرات الحلوة والا مثلا تسأله عن عصير مثلا ليمون تقوم تعطيه عصير مخلط وبه ليمون وحوامض اتمنى تكون فهمت صدقني الزبون راح يحبك وحيجيك تاني ولاتنسى الزبائن الدائمين زبطهم تخفيض خاص فيهم وماتنسى طلباتهم ابدا ابدا هذول اهم من اللي يجي اول مرة

٦- العصيرات اللي تكون عاصرها جاهز ياليت مايشوفها الزبون لأنك لما تعطيه من القارورة الكبيرة يحس انك شاريها جاهزة وماهي معصورة جاهزة اتمنى منطقة العصر والخلط تكون مخفية

٧- خذ رأي الزباين وامشي على الاغلب يعني لو قالو لك البرتقال حقك حامض حاول تعدله وتسأل مرة ثانية
اقلك شي انا قعدت كم سنة كل ماشتهي عصير امر على طريقي محل مخصوص رغم كثرة المحلات اللي حواليه ولكن دا المحل كان عنده البرتقال موزووووون صح والله كنت ماشتري الا منه الين الله يسامحه غير الوزنية حقته وخبص

٨- لاتنسى كاسات صغيرة حشان الزبون يذوق قبل مايشتري ويختار ...

هذا اللي عندي الان ولو افتكرت شي رجعت لك والله يوفقك ...

الله يوفقك ويسهلك امرك

بالتووووووووفيق