مشروع نقل معلمات وطالبات مرخص ؟

بين السماءوالارض · #1 (**permalink**) 26-01-2013, 12:31 AM

راح استثمر في مشروع نقل معلمات وطالبات مرخص

ابي اعرف ايش افضل السيارات اجيبها وماهي اسعارها
ايضا المكتب بنجيب فيه سعودي يستلم الادارة
ايش شهادته وكم راتبه

وكيف الترتيبات والتنسيق لكي افتح الشركة هذه

واحتاج معقب يخلص لي الاوراق كلها

ارائكم واقتراحاتكم وتجاربكم

سلامص · #2 (**permalink**) 26-01-2013, 12:39 AM

مشروع حلو وخاصتن عليه طلبات
وين المدينة لمكان المشروع ؟

انا افضل تستاجر سيارات من الافراد وتشغلها بالسوواويق
النوع ع حسب المزانيه

بالتوفيق لك

بين السماءوالارض · #3 (**permalink**) 26-01-2013, 01:30 AM

الميزانيه 500 الف

حيرتني · #4 (**permalink**) 26-01-2013, 06:28 AM

انا نزلت موضوع اخوي قبل فتره هنا اتكلم عن هذي الفكره

ومن الافكار الي داخله مزاجي

الفكره ناجحه لكن تحتاج حسن اداره

طبعاً نصيحتي كتالي:

تجيب عدد سيارات قليل بالبدايه عشان حتى لو خسرت ماتخسر كثير

مع ان المشروع مافيه خساره كبيره

تقول لي كيف وانا بدفع بالسيارات .؟

السيارات اذا ما جاا ضرر تقدر تبيعها وبخساره وبكذا تقلل خسايرك

المهم فكرتي لك :

تجيب باص صغير 15 شخص مرتب ونظيف ومقاعد مريحه

وتبحث عن اطفال روضه او ابتدائي

السياره الثانيه تكون من الصغيره اكسنت او كيا او هذي السيارات

وتكون لتعاقد الفردي مثال شخص عند بنات بالجامعه او معلمات منطقتهم قريبه عددهم قليل

والسياره الثالثه تكون عائليه

وتكون سواء تعاقد مع طالبات جامعه او معلمات

ثانياً بعد انتهاء الدوامات وبالتحديد من العصر

يكون عندك مكتب يتم فيه طلب سيارة النقل للمشاوير وتحسب بالساعه ( افضل لك )

واذا الافراد اكثر من 5 تاخذ السياره العائليه اقل تاخذ الصغيره

ومع الوقت تحاول تكسب العملاء وتنوع التوصيل من نقل داخلي الى خارجي

مثل ايام الاربعاء والخميس يكثر السفر الخارجي ويقدرون عملائك يطلبون نقلهم

واذا زاد ضغط العمل تقدر تزيد عدد السيارات

وتقدر بعد تتعاقد مع روضة اطفال او مدارس خاصه او غيرها

المشروع مميز لكن يحتاج حسن اداره

قميش · #5 (**permalink**) 26-01-2013, 04:21 PM

توكل على الله ومشروعك إنشالله لن يخسر

بين السماءوالارض · #6 (**permalink**) 26-01-2013, 10:55 PM

هل اجيب سيارات من نوع جي ام سي سافانا الموديل الجديد اربع سيارات

ولا ايش نوع السيارات الي اجيبها ؟

رائدالودعاني · #7 (**permalink**) 27-01-2013, 05:55 PM

مشروع ناجح واهم حاجه السايق الامين

saadgu · #8 (**permalink**) 27-01-2013, 07:21 PM

اقتباس:

المشاركة الأصلية كتبت بواسطة بين السماءوالارض

هل اجيب سيارات من نوع جي ام سي سافانا الموديل الجديد اربع سيارات

ولا ايش نوع السيارات الي اجيبها ؟

الله يوفقك ويرزقك من واسع فضله اخوي
بخصوص السيارات انا اشوف انكــ تجيب
1/باص صغير 15 راكب (مخصصه للطالبات )
2/سياراه عائلية 7 مقاعد (مخصصه للمعلمات )
3/سيارة صغيره من اي نوع مخصصه للمشاوير الخاصه
وممكن تجيب سيارة رابعه صغيره ايضاء وتكون تحت الخدمه في اي وقت .
انا اشوف من ناحية السواقين ممكن السودانيين هم الافضل مع الهنود .
السواقين المصارية والباكستنين اغلبهم مشاكلهم كثيره مع البنات .
والافضليه دائما للسعوديين.
على فكره الــ 500 الف انا اشوفه كثيره في هذا المشروع وممكن تبدا في البداية بسيارات مستعملة ونظيفة وليست جديده .
200 الف راح تسوى المشروع وزياده
بالتوفيق اخوي مره اخرى .

نون دال · #9 (**permalink**) 28-01-2013, 09:08 AM

وعليكم السلام ورحمه الله وبركاًته
والله نفس الفكره براسي وناوي اطرح موضوع بخصوص هالفكرهه ، بس دامك فتحت الموضوع نستفيد جميعاً
وأتمنى طرح اسم المكاتب الي تقبل التأجير
قيمه السياره نوعها سعرهها
اجارها الشهري
الخخ ..

واي معلومه راح توصلني راح أفيدك وافيد الأخوان
بالتوفيق للجمييييييييييع ..