السلام عليكم ورحمة الله وبركاته

يا جماعة الربع اشكوا الى الله والشكوى لغير الله مذله
واستفسر منكم
انا رسبت بقياس والحمد لله على كل حال....وبقي لي ترم واتخرج....بس جاني تحطيييييييييييم ......يعني الان لازم انتظر سنه حتى اختبر قياس

لكن الحمد لله الخيره فيما اختارها الله...وما اصابنا لم يكن ليخطئنا..

بس حبيت اسال الان اذا تخرجت وش اسوي!
انا افكر اسجل اداري وادرس تربوي ثم اختبر قياس....بس هل اقدر احول بعدين او اقدم عادي؟

الاستفسار الثاني وشهو صك الاعاله؟.....وكيف اطلعه.

والاستفسار الاخير هل لو اقدم على التدريس وانا غير تربوي يقبلوني ولا لازم اخذ دبلوم


والله يرزق الجميع بالوظيفه الطيبه....ويغننى بحلاله عن حرامه وبفضله عمن سواه.

اذا شرط دخولك المفاضله اجتياز القياس كيف تقدم على التدريس؟؟؟



خيره لك ان شاء الله

ربي يقدملك الخير

نصيحة اذا كنت طموح فكرك بمشروع وخلك رجل اعمال
و على فكرة القياس مدته 3 سنوات اذا نجحت و لسا ماجاك التعين تختبر مرة ثانية

الله يوفقكم جميع
ومع احترامي لمن وضع هالعقدهـ
اشبهها بنظام ساهر
لا فرق بينهما

صك الاعاله تطلعه من المحكمة بس ماله دخل بالتدريس

اخوي

اذا كان تخصصك احتياج مثل ( رياضيات , انجليزي , بعض التخصصات العلمية ) ما تحتاج تكون تربوي

الحين بسبب رسوبك راح تنتظر سنة كاملة عشان تختبر مره ثانية
لذلك انصحك تاخذ دبلوم تربوي وتبذل كل جهدك في الأختبار الجاي وتنجح وأن شاء الله تتوظف
وطبعاً انت عارف أن التقديم للوظائف التعليمية لا يشترط الا النجاح في قياس وتطابق نوع الاختبار مع الشهادة التي تملكها

الدنيا ماوقفت عند اختبررررررررررررررررر
بتختبر مره ثانيه وان شاء الله تتوفق
انت اختر لا تعليمي على بال ماتختبر السنه الجايه ان شاء الله

اذا وظفوك اداري ماراح تقدر تحول تعليمي
هذي معلومة وانا متأكد منها

اللي يقدر يحول هم اول دفعة وظفوهم اداريين فقط

بيض الله وجيهكم فردا فردا

طيب هل اذا جتني اداري وانا على راس العمل اقدر اسجل بالخدمه المدنيه .تعليمي طبعا بعد ما اعدي بقياس ولا لازم اكون عاطل

والشي الثاني هل المدارس الخاصه رفعوا رواتبهم...ولا بس كلام

واكرررررر شكرياتي لكم