لولو ياقليي مافهمت عليك من اللي بيختبر الحين الاختبار بشهر اربعه

خخخخ اقصد اللي بيختبرون بشهر 4 >> اعذروني انا برا السعودية وملخبطططة في الشهور ����

طيب ترى التسجيل بمحرم انا بسجل سجلي معنا

السلام عليكم ..
كيفكم حبيباتي ؟


انا ذاكرت قبلكم وسويت نون وما يسطرون واختبرت الحمدلله وبالنهاية
حابه اقول ماجا ولاااااا شيء ابد ابد من اللي قرأته وذاكرته ..

اسئلة الاختبار رح تحلينها فقط اذا كنتي دارسة الاربعة سنين بذمة وضمير
مو عشان شهادة والسلام .!


الاسئلة ماهي صريحة وواضحة
للدرجة اللي تتوقعونها ..


حاولوا تدرسوا من اليوتيوب و تحضروا محاضرات بالجامعة بعد اذن الدكتورة عشان تسترجعوا اللي درستوه قبل و تحضروا حلقات واركان ف أي روضة عشان تشوفوا الموقف التعليمي كامل وكيف معاملة كل طفل ع حده مهما كانت نوع شخصيته , وكمان الفرق بين الطفل العادي والغير عادي .. << المضمون ان درجة التخصص والتربوي هي المطلوبة في اللي اجتاز واللي ما اجتاز عشان كذا مارح تستفيدوا من كتب تتصفحوها على الفاضي لازم مواقف تعيشيها وتحطي نفسك فيها وبالتالي تفهميها وتعرفي تجاوبي عليها بكل بساطه ..

بالنسبة للغوي .. ركزوا على همزات الوصل والقطع والتاء المربوطة والمفتوحة والالف الممدودة والمقصورة وعلامات الترقيم ومواقعها ..

والاحصاء بالذات انا اشوف كثير شايلات همه !!
بالعكس اكثر مادة استمتعت فيها بالجامعة لأني احب الشي اللي يطلع عيني وافرح لا حليت مسألة بعد عذاب وصداع وربي ..!

المهم ركزوا فيه على المتوسط الحسابي والمنوال والوسيط ومعامل الصعوبة والسهولة وكيف تطلعوا المدى والفئات طولها وعددها ..


والله يوفقكم ياقلبي انتوا "

جزاك الله خير العام ما اجتزت واتحطمت والله والان ما املك كتب تايه والخوف ضيعني. الله ياخذهم وياخذ قياس

حبيباتي بما أنكم متجمعين هنا فيه احتياج بمدرسه الارقم أمام سوق غرناطه محتااااجين معلمه رياض اطفال سررريع الي محتاجه تقددددم

[align=center]

صباح الخير ..،
انا اختبرت في المرحلة الثالثة لكفايات والحمدلله اجتزت ..
(في الرياض)


بافيدكم باللي صار بالاختبار .. بكل التفاصيل ..
لانها كان عندي بعض التساؤلات قبل الاختبار ومالقيت لها اجوبة ..
فحبيت اكتب كل شي صار معي ..

ثلاث ارباع اللي يختبرون كانوا بعباياتهم ،
الجوالات عادي دخلت معنا القاعة لكن حطوا لنا اكياس عالطاولة
مع دفتر الاسئلة نحط فيها الجوال وطبعاً نحطه صامت ونحطه بالشنطة
وحذروا اي وحده بيدق جوالها ماراح يكون صامت بيطلعونه برا القاعة
بدون استئذانها ،

الاسئلة مو مقسمة قسم كامل كله عددي او قسم كامل كله تخصصك ( ابدا مو كذا )
لاني من كثر اللي قريته كنت فاهمتها كذا ..
كل قسم منوع بين التخصص والعددي والتربوي واللغوي وهكذا كل الاقسام ..

ابداً لاتخافين ولاتحطين اي شي لرهبة المكان او القاعة او طريقة الاختبار
كل شي مرتب ومنظم بشكل جدا مريح والمشرفين عالاختبار جدا متعاونين

تفائلوا وخلوا ثقتكم بربي كبيرررررة قبل أيّ شي ثاني ..
وتأكدي لو تذاكرين مجلدات الدنيا ربي ماكتب لك تجتازين هالاختبار ماراح تجتازينه
ولو تدخلينه على لاشي .. ومكتوب لك بتجتازين ..

وحطي ببالك ان هالاختبارات تعتمد بشكل كبير على قدراتك وذكاتك وخبرتك السابقة
مهما تذاكرين ماراح يجيك الا سؤالين ثلاثة من اللي ذاكرتيه
واذاااا مرره كثرت 10 اسئله طيب وش 10 اسئله من 120 سؤال !
توكلي على ربي وادعي واستغفري .. وخلي عندك يقين تام انك ماراح تاخذين الا
اللي مكتوب لك وادعي ان ربي يرزقك الرضا بكل مايجيك ان نجحتي او غيره ..


بكتب عن الاختبار نفسه ،،
وان شاءالله تعدون اختباراتكم كلللكم ياارب

انا اول شي واكثر شي كنت خايفه منه ( العددي )،
لان كتاب (قدرات الجامعيين) فيه اشياء رياضيات كثير وكنت شايله همه
وحاولت اذاكره بس ماادري وش اذاكر وش اخلي
وشرحت لي بنت عمي القواعد اللي ببدايه الكتاب ونوعا ما ساعدتني بالاختبار
لكن اللي كانت بالثانوي (علمي) وتخصصها الجامعي ادبي
جد ماراح تتعب في الاختبار لان الاشياء اللي جت احسها تافهه جداً وسهله

في اشياء لغوية ع قولتهم زي علامات الترقيم وهمزات الوصل والتاء المربوطه
أو "قصة" واختاري العنوان المناسب للقصة .. وو
برضو اشياء تافهه وماتشيلين همها و احسها بدييهيه

اكثرررر شي كان في الاختبار الاسئلة التربوية والتخصص ..
اقدر اقول انها ثلاث ارباع الاختبار ،.

بالنسبة لتخصصي رياض اطفال
كان فعلاً مثل ماقريت من اللي اختبروا بـ المرحلة الثانية ..
ان التخصصي يعتمد على : مواقف للطفل وكيف تعاملك معها !
وعن الاركان وعن اشياء مره مرتبطة جداً بالميداني

الاسئلة التربوي مواقف للطالب بشكل عام في الصف !
وكيف تتعاملين معها ! وعن البيئة التربويه وعن الانشطة الصفيه ،
وعن اشياء ماتتذاكر لكن يبغى لها اطلاع بشكل عام
وفي اسئلة مشابهه لها كثير بكتاب كفايات المعلمين .. ( مشابهه )

وفيه كم سؤال من الحاسب الالي
اللي مستخدمة جيدة للحاسب راح تجاوبها
مثل هالاسئلة :
* اذا علق النظام وش تختارين عشان يفك
* اذا بتسوي عندك نشاط فيه صورة وصوت وبتستخدمين برنامج ايش راح تستخدمين
* جت صورة من برنامج الرسام وحددوا على علامات فيها
وقالوا اذا تبغين تمسحين جزء من الصور اي ايقونه تختارين ،


الاختبار بشكل عام .. عن نفسي ماارهقت نفسي بالمذاكرة
كانت اطلاع عالنماذج السابقة وتجمعات تخصصي بالمنتديات ..
اشتريت كتاب قدرات الجامعيين وكتاب يجمع اسئلة كفايات المعلمين ..
وبرضو ماارهقت نفسي فيها
اطلعت عليها بشكل متوسط عشان افهم طبيعة الاختبار وطريقة الاسئلة
بما انه اول اختبار قياس ادخله بحياتي
ماسبق دخلت قدرات ثانوي وغيرها ..


مثل ماقلت بالبداية كان خوفي بالمرتبة الاولى على العددي لان اخر مره درست رياضيات كانت في ثالث متوسط ..
يعني سنوات الثانوي والجامعه وانا ماعرف شي اسمه ارقام ..
كنت متخوفه منها بشكل كبير لكن اللي جاء مو قد خوفي
واحسه شي خفيف مره وواضح انه سهل
يمكن 4 منها اقدر اقول متاكده من حلي فيها ولكن كان الغالب بالتخمين
ومع ذلك احسها سهله واللي فاهمه قواعد بتحلها ومابتاخذ معها وقت ..


بما إني استفدت كثير من كلام البنات والتجمعات ،،
حبيت افيد باللي صار معي واستفدت منه ..

الله يوفقني وياكم ويرزقناا الرضا والقناعة بما يقسمه لنا ..


-

كتبته احدى الاخوات بمنتدى ونقلته ، لكم
لعله يفيدكم .. وكلامها كله صح ..

ودعواتكم لكل المجتازين بالتعيين عاجلا يارب
ودعواتنا لكم بالتوفيق واجتياز هالاختبار والتعيين يارب ..

[/align]

الله يسعدكم اجمعين. ادعولي تكفون.

الاخت نورة ماقصرت كفت ووفت
الله يوفقكم وتجتازون يارب

نبي تجممممممع يااابنااات لاختبار ش4 باذن الله