بعثه والا تشغيل ..احترت لمن تعبت

سامي بفكري · #1 (**permalink**) 27-01-2013, 10:50 PM

بسم الله الرحمن الرحيم

اخواني الاعزاء حبايب قلبي ..
من بابا ماخاب من استشار
وثقتي فيكم
حبيت اطرح بين ايديكم
موضوع اشغلني كثيرا واثر على نفسيتي ووضعي
هو انني معلق "لازلت فترة انتظار "قدمت على وظيفة بالتشغيل الذاتي بمستشفى منطقتنا وترشحت لها وبقي فقط الرفع للوزارة باعتمادها ..
شهادتي بكالوريوس ادارة اعمال / بدون خبره
وكل يوم من مدير لمدير عشان تتوقع وترفع للوزارة ..

كل ما اروح لهم يقولوا لي انت مرشح بس باقي فلان يوقعها وفلان مدري ايه

وعلما اني خلصت اوراق الابتعاث خلص وطلعت كل شي باقي علي اسافر ..

لكن فضلت اكون قريب من الأهل لاسيما المستشفى بنفس المنطقه وع وشك ملكه وزواج ..

نصيحتكم انتظر هالوظيفة واتزوج وو
ولا اروح للبعثه واكمل ماجستير ..

علما اني ارغب جدا بمواصلة دراسة الماستر حتى لو بعد الوظيفة

مريم الحربي · #2 (**permalink**) 27-01-2013, 11:16 PM

التشغيل الذاتي لا تؤثر على الابتعاث و لا تلغية لانها مو وظيفة حكومية

نصيحتي تستخير و اذا عندك طموح باكمال الدراسة و نظرة لمستقبل افضل انصحك تكمل الماستر لانه الشركات و الجامعات صايرة تستقطب من المبتعثين و المبتعثات

تمنياتي لك بالتوفيق

جوديفا · #3 (**permalink**) 27-01-2013, 11:21 PM

اولا استخير
ثانيا البعثه يعني الدراسة قاعده لك متى ماتبيها اي بمعنى اصح دامك انقلبت بهالبعثه راح تنقبل بالبعثه الجاية ان شا الله
ثالثا انت قارن بين الامرين ،، افضل انك تروح بعثه وانت ظامن وظيفه اذا رجعت كملت وفيها ولادورت اعلى المهم تكون ماسك وظيفه بيدك احسن من انك تروح وترجع تدور لان اللحين اغلب الشباب السعوديين مبتعثين
كل الامرين جيدات لكن في شيء ابدى من الشيء وانت اللي تحدد هالامر من خلال رغبت وايش تبي
اشتغل على الاثنين كلهم وش وش تبي

غريب زمانه · #4 (**permalink**) 27-01-2013, 11:37 PM

توظف ثم تزوج ثم ابتعث ...وصية من واحد دقته الدنيا حتى الخ..

سامي بفكري · #5 (**permalink**) 28-01-2013, 08:24 PM

جزاكم الله كل خير...
معلومات واراء تشكرون عليها ..
افادتني كثيرا ..ولا استغني عنكم الله يجزاكم الجنه ..

مهندس تقني عاطل · #6 (**permalink**) 28-01-2013, 10:03 PM

نصيحتي نفس كلام (غريب زمانه ) جزاه الله خير

سامي بفكري · #7 (**permalink**) 30-01-2013, 01:17 PM

بصراحه تعجز الكلمات والحروف عن تسطير عبارات الشكر والوفاء لكم غمرتوني بارائكم النيره ..وتوجيهاتكم التي اعتز بها كثيرا ..وساعدتني في رسم توجهي بدقه شكرا لكم ..

حاليا اشوف افضل خيار ..

اني اروح للوظيفة ..واعرف الي لي والي علي ..واشوف مميزاتها واخوض تجربتها ..

ربما اجد فرصه ابتعاث عن طريقهم وهذا بلا شك افضل ..

او استمر فتره حتى ارتب امور البعثه ,,ومن ثم طلب اجازة مقطوعه او ماشابه ..

لكن السؤال لاهل الخبره ..في التشغيل الذاتي

هل يحق لي طلب الابتعاث حتى لو ع حسابي ..
ومتى ..؟
وهل يوجد مده معينه ام باي وقت ..

waleed_2006 · #8 (**permalink**) 30-01-2013, 01:24 PM

نصيحة

الحصول على الماجستير ممتاز جداً لكن في حالة لديك خبرة عملية بعد البكالوريوس
نصيحتي لك : توظف وظيفة في مجال تخصصك وخذ خبرة لمدة 3 الى 5 سنوات بعدين فكر في الماجستير
والله يوفقك