السلاام عليكم ورحمة الله وبركاته

حاصل على شهادة ثانوية عامه قسم علمي تقدير جيد جدا النسبه 78%

حاصل على شهادة ادخل بينات ست شهور

حاصل على شهادت خبره من شركه خلدا لنصب والاحتيال اشتغلت لديها في احد البنوك
في الرياض وانا شمالي الراتب 3000 مادري هي ايجار تكسي او شقه او مصروف شخصي
حاصل على شهادت مدخل بينات + مصمم لوحات خاصه في مـوئسسة
1000 ريال في الشمال وبعيده عن قريتي


اقرب منطقه لي حائل دورت فيها وظائف
القطاع الحكومي لايوجد وظائف ليش مادري مع العلم ان 70% لايعرفون استخدام الحاسب
حتى في الطباعه بعض المعاريض المهم والله يروحون لاحد المحلات يطبع لهم

في القطاع الخاص قدمت على كذا مؤسسة وكلهم يرفضون

رحت لمكتب العمل والعمال ارسلوني على شركه
قالو الشركه هذا الشخص الي نبحث عنه قلت الحمد لله انفرجت
المهم خذو رقم جوال قالو نرسل لك رساله

الشهاده لله ارسلو لي...

رساله
تم تاجيل موعد الاختبار
الكلام هذا من قبل اربع شهور والى الحين ماجاء موعد الاختبار ولاهو بجاي

دخلت احد الدوائر الحكوميه القبول من المدير
المدير مطوع وقال لايوجد وظائف حاليا

بس الي استغربت انا مشاء الله 80% من الموظفين مطاوعه لي مادري

على قلب رجل واحد


طفشت من حائل وانا كل يووم عند ناس ويطردوني قلت اشوف العاصمه الي هي الرياض ممكن افضل

رحت هنا قدمت على كذا وظيفه وكلهم يعطوني مواعيد تعجيزيه

وبعد ماقدمت على احد الادارات اعجبني بصراحه الموظف صريح معاي

وقال ماعندك واسطه لا تقدم قلت ماعندي قال امسك الباب

رحت ادور وظيفه بسيطه استطيع ارجوع فيها الى الشمال مالقيت ناس قالو ادفع فلوس من وين لي ادفع فلوس افتح مشروع ابرك

قالو لي ادرس قلت اعطوني شي ادرس فيه وابغاء انسان يصرف على حالتي تحت الصفر

لاسياره لادخل شهري لا احد يصرف علي انا تعلمت تصميم مواقع وصرت اصمم وبيع

ولا احد يشتري الحين هذي المشكله

المهم انا طولت عليكم بسالفه

انصحوني اســــــــــــرق او ابيع مخدرات او وش اسووووي

والله خلااااااااص طفشنا وحنا نتجرع الضيم