السلام عليكم

بتكلم عن قصتي مع دعم الموارد
انا قبل اكثر من خمس سنوات دخلت شركة مقاولات
وكانت متنقله وقعت العقد وكانت الشركه فيها موارد
واندعمت من الموارد البشريه وبعدها قدمت استقاله من الشركة لظروف حصلت عندي
وعلى كلام الشباب ان خلاص الموارد البشريه ما راح تدعمني الا بعد خمس سنوات من الدعم السابق
وكل يوم تزيد الشركات الي تكون متعاقده مع الموارد البشريه ولي فتره طويله كل ما اقدم نتأسف منك اخوي لانك مدعوم سابقاً من الموارد !!! طيب والحل ؟؟؟
انا الي عرفته الحين ان شروط الدعم مره ثانيه من الموارد
ان الفتره الي تطلع منها الدعم ما تقل عن 6 اشهر ولا تزيد عن سنتين
وانا تجاوزت السنتين من اخر دعم !!!
اذا كان الكلام هذا صحيح وما فيه حل

يعني الصندوق يقطع الارزاق

وبصراحه البلد الحمدلله فيه وظايف كثيره بس على الرواتب بالنسبه للقطاع الخاص
والله يفرجها على الجميع
والشركات صارت تطبق الموارد عندها بشكل كبير واكثريه

ان شاء الله ما طولت عليكم ولا تنسونا من رايكم ومساعدتكم

صباح الخير
الموارد البشرية يهمها جدا الاستقرار الوظيفي وفتحت المجال للدعم مره اخرى ورفعت المدة المحدده للدعم المسبق ان لايتجاوز السنه
وكثير من الموظفين يجهلون ان الصندوق يحفز الموظف براتب شهر عند مرور السنة الاولى وراتب شهرين عند مرور السنتين وهالشي احيان يكون من المنشأة نفسها تتجاهل رفع دعم حافز الاستقرار الوظيفي

عموما راح يجي قرار جديد قريباً هيكون فيه دعم الرواتب الى 4000 بدلا من 2000 وتكون مدة الدعم خمس سنوات بدل سنتين
وحسب معلوماتي ان الدعم بيكون بالشكل هذا
اول سنة
4000
ثاني سنة
3000
ثالث سنة
2000
رابع سنة
1000