افضل التخصصات كراتب
امن طائرات - عمليات خاصه (امن وحمايه سابقا)
الامن والحمايه يوصل راتب الجندي 9 الاف وهو نايم ! من غير الشيك السنوي لا يقل عن 25 الف
ولكن يعيبها عملها ميداني بحت بس تنفع لاهل الرياض 100%

التخصصات الثانيه راتب الجندي 7400 والجندي اول 7800 هذا اول ما تتعين وفيه تخصصات توصلك ل 8

الله يعطيك العافية أخوي بريطاني ، ممكن سؤال : وش شروط هذي التخصصات ( يعني هل لها شروط ولا عادي اي واحد يدخلها ) ، وهل هذي التخصصات إجباري فيها الصاعقة ولا لا ؟ وشكرا

الصاعقه ليست اجباريه نهائي ولا تخصص يطلبها اجباري

بنسبه للشروطط لا مافيه شروط بامن وحمايه اما امن الطائرات واسطه

الله يوفقك دنيا وآخره ويرزقك من حيث لا تحتسب والله انك ريحتني من هم الصاعقة ، بس طلب أخير اخوي بريطاني ابي صورة العرض حقتك اللي ساجد قل تم والله دورتها ما لقيتها

حط الماوس على الصوره واضغط كلك يسار بتطلعلك قائمه اختر منها حفظ باسم وحطها عرض

الله يعطيك العافية ويبيض وجهك ويوفقك دنيا وآخره ويكثر من أمثالك وشكرا

بريطاني نبي موضوع مخصص للقوات بالتفاصيل من ٤٥ يوم والفرد الاساسي واعمال القوات ونصايحك ( تتكلم من البدايه لين التخرج ) ..


والله يكتبلك الاجر فيها ومشكور على كل جهد تقوم به ، الي يايدني في هالطلب يرفع يده (:

انا معك اخوي خنبله
و وش الجديد بموضوع الاتصال

تفاصيل اليوم كامل من الصحيان الى النوم

الصحيان الساعه 2:30 تصحى تشد السرير وتغسل وتلبس وتتوضى
طبعا كل يوم يكون فيه فصيل علىه نظافه الميدان
بعدها نطلع للمسجد واسوا مرحله هالمرحله انك تجلس بالمسجد
لا تقدر تنام ولا تقدر تسوي شي يلطعونا ساعه بعدها نصلي
ونطلع هروله للميدان تشكيل ورفع تكميل بعدها يسحبونا الى ميدان الترابي عشان الحصه الصباحيه
نشكل ورفع تكميل بعدها تبدي الحصه ناخذ اطالاة خفيفه بعدها نبدا هروله وعلى حسب مرات
لفه وحده ومرات لفتين المهم مقدار الهروله لا يقل عن 1300 متر بعد الهروله ناخذ اطالات متعمقه
فك عضلات بعدها نرجع للكتيبه ندخل الميز للفطور نفطر ونطلع هروله للسكن
نغسل ونلبس الرسمي ونطلع نشكل وتكميل ويسحبونا لميدان العرض عشان حصة المشاة تقريبا من 45 - الساعه بعدها فصول تعليميه الى الظهر بعدها صلاة ظهر بعد الصلاة تشكيل وتكميل ويصرفونا ع الميز للغداء

بعد الغداء ننصرف للسكن اعمال اداريه الى صلاة العصر نصلي العصر ونشكل وتكميل بعدها حصة العصر يسحبونا لمديان العرض هروله لا يقل عن 1200 متر للفه الواحده بس الاغلب ناخذ لفتين بعدها نرجع للكتيبه ونسوي اطالات في الكتيبه بعدها يصرفونا للكانتين حق ابو نص ساعه بعدها صلاة مغرب بعد المغرب تشكيل تكميل بعدها صرف للعشاء نتعشاء ونطلع نتوضى ونتجهز لصلاة العشا نصلي العشا وعلى حسب انضباط الدوره
اذا منضبطين صرفونا وضع النوم بدري واذا لا يلطعونا الى الساعه 10

وهذا هو يومنا بالضبط قبل رمضان
برمضان
صحيان الساعه 8 ونجلس بالمصلى الى 10 بعدها فصول تعليميه الى العصر بعدها صلاة بعدها تشكيل تكميل وحصة مشاه 45 دقيقه بعدها صرف للميز وننتظظر اذان المغرب نفطر ونصلي المغرب والعشاء والتراويح وبعدها تكميل وحصة هروله بميدان العرض لفتين ونرجع للسكن فيه وجبه خفيفه يوزعونها علينا كرسون وربيع ومويا
بعدها ننصرف للنوم وصحيان الساعه 2 تشكيل وتكميل وسحور ونرجع السكن حق ابو نص ساعه بعدها صلاة الفجر بعدها صرف للنوم

هذا هو المختصر لدورتنا بالقوات
فيها تعب وجهد وواجهنا جزاوات كثير بسبة بعض العيناات الوصخه الي جنت على الدوره كامله وبسببهم
صارت بعض الاستقالات لكن ذنب هالمستقيل في رقبة هالجنايه الى يوم الدين

اي سؤال لحد يتردد والله يوفق المتقدمين الجدد واخوي من ضمنهم وان شاء الله انزل لهم تفاصيل التقديم لهم


للأمانة منقول: https://www.btalah.com/showthread.*****..#ixzz31kQ0Rkbn


اذا فيه اضافات ياخوي بريطاني كمل عليها

في إنتظار أخونا بريطاني و الله يجعلها في ميزان حسناتك