السلام عليكم. يالربع متى اخر دفعه حللو سموم شهر كم. أنا محلل شهر أربعة يعني اخر دفعة ولا كيف ؟ ياليت اللي يعرف متى كانت اخر دفعة شهر كم وجزاكم الله كل خير. موفقين ان شاء الله.

انا محلل في تاريخ ٢٣/٧/١٤٣٥ بس فيه واحد محلل معي وجاته رساله هههههههه وانا لا
الله يكتب الي فيه خير والأحد بمرهم واردلكم خبر بإذن الله

ياشباب ان شاء الله راح يرسلو للجميع على دفعات نفس تحليل السموم وتوقع انه يعني هم ماشين على ارقام. بس اصبرو. ما أحد أخذ الى رزقه.
العقيد دحوم انا محلل في تاريخ 23/7/1435 بس فيه واحد محلل معي وجاته رساله هههههههه وانا لا
الله يكتب الي فيه خير والأحد بمرهم واردلكم خبر • يعني اللي حلل معك ما شاء الله كم طوله.؟ وانت كم طولك علشان نعرف هم ماشين على الطول ولا عشوئي ؟ والله يوفقك ان شاء الله والجميع

الله وكيلك ياخوووي

قسم انه الإحباط قتلنننني

شباب تكفى اللي في الرياض يروح يسال ويرد لنا خبر

أنا مكان خوي حلل شهر 5 و أرسلوله موعده 28

أنا محلل من شهر 2 وضامن تحليلي ولسه مارسلولي

شكلهم بادين بالدفعات الاخيرة

الله اعلم

ي سلطان وان اخوك والله أني زيك بس مابيجيك اللي رزقك باقي دفعات مستحيل يرسلون للجميع في أسبوع أكيد ان الرسائل شهر او اكثر مستحيل يرسلون ل 2500 في أسبوع بس اصبر وان شاء الله مابيضيعلك تعب ان شاء الله و للتوفيق للجميع.

أنا محلل سموم في شهر 2
ولا جتني رسالة

فيه أحد جت له رسالة ومقدم على رتبة عريف

الله يستر

ي وحوش صدقوني بأذن الرحمن الرحيم
انكم مقبولين دام تحليلكم كويس
اتذكر ايام تجينا رساييل العهد ههههههههههههههه
كان فيه اخوان شوي ويبكون ويقولون ماجانا شي واخذو ايام وهم منحرقه اعصابهم
وفيه الاخير جتهم الرسايل وانقبلوو والحين عانوهم مستلمين ومندبله تسبودهم ههههههههه
لكن نصيحه للجميع
لاتنسون الدعاء عليكم بالدعاء وقيام الليل ادعو ان الله بس مو يقبلكم وتدخلون الدورة
ادعو الله انه يقبلكم وتدخلون الدورة وتتحملون وتعلقون الصاعقه وترفعون راس والديكم
واللي أهم من كل شي ي أخوان الصلاة الله الله عليكم بالصلاة صدقوني من حافظ على الصلاة
بوقتها وخضع لأمر الله والله ثم والله ليجيه رزقه من حيث لايحتسب ويرفع الله في مناصب ماتوقع
انه بيوم يكون بهالمنصب أو المكانه العاليه لكن الأهم النية الصادقه
والله ي أخواني اني تكلمت كذا لأني حبيت لكم الخير
واعذروني إذا ازعجتكم بكثرة الكلام

( كن مع الله كما يريد يكن معك فوق ما تريد )