منقول للفائده من أخوي بريطاني
تفاصيل اليوم كامل من الصحيان الى النوم

الصحيان الساعه 2:30 تصحى تشد السرير وتغسل وتلبس وتتوضى
طبعا كل يوم يكون فيه فصيل علىه نظافه الميدان
بعدها نطلع للمسجد واسوا مرحله هالمرحله انك تجلس بالمسجد
لا تقدر تنام ولا تقدر تسوي شي يلطعونا ساعه بعدها نصلي
ونطلع هروله للميدان تشكيل ورفع تكميل بعدها يسحبونا الى ميدان الترابي عشان الحصه الصباحيه
نشكل ورفع تكميل بعدها تبدي الحصه ناخذ اطالاة خفيفه بعدها نبدا هروله وعلى حسب مرات
لفه وحده ومرات لفتين المهم مقدار الهروله لا يقل عن 1300 متر بعد الهروله ناخذ اطالات متعمقه
فك عضلات بعدها نرجع للكتيبه ندخل الميز للفطور نفطر ونطلع هروله للسكن
نغسل ونلبس الرسمي ونطلع نشكل وتكميل ويسحبونا لميدان العرض عشان حصة المشاة تقريبا من 45 - الساعه بعدها فصول تعليميه الى الظهر بعدها صلاة ظهر بعد الصلاة تشكيل وتكميل ويصرفونا ع الميز للغداء

بعد الغداء ننصرف للسكن اعمال اداريه الى صلاة العصر نصلي العصر ونشكل وتكميل بعدها حصة العصر يسحبونا لمديان العرض هروله لا يقل عن 1200 متر للفه الواحده بس الاغلب ناخذ لفتين بعدها نرجع للكتيبه ونسوي اطالات في الكتيبه بعدها يصرفونا للكانتين حق ابو نص ساعه بعدها صلاة مغرب بعد المغرب تشكيل تكميل بعدها صرف للعشاء نتعشاء ونطلع نتوضى ونتجهز لصلاة العشا نصلي العشا وعلى حسب انضباط الدوره
اذا منضبطين صرفونا وضع النوم بدري واذا لا يلطعونا الى الساعه 10

وهذا هو يومنا بالضبط قبل رمضان
برمضان
صحيان الساعه 8 ونجلس بالمصلى الى 10 بعدها فصول تعليميه الى العصر بعدها صلاة بعدها تشكيل تكميل وحصة مشاه 45 دقيقه بعدها صرف للميز وننتظظر اذان المغرب نفطر ونصلي المغرب والعشاء والتراويح وبعدها تكميل وحصة هروله بميدان العرض لفتين ونرجع للسكن فيه وجبه خفيفه يوزعونها علينا كرسون وربيع ومويا
بعدها ننصرف للنوم وصحيان الساعه 2 تشكيل وتكميل وسحور ونرجع السكن حق ابو نص ساعه بعدها صلاة الفجر بعدها صرف للنوم

هذا هو المختصر لدورتنا بالقوات
فيها تعب وجهد وواجهنا جزاوات كثير بسبة بعض العيناات الوصخه الي جنت على الدوره كامله وبسببهم
صارت بعض الاستقالات لكن ذنب هالمستقيل في رقبة هالجنايه الى يوم الدين

اي سؤال لحد يتردد والله يوفق المتقدمين الجدد واخوي من ضمنهم وان شاء الله انزل لهم تفاصيل التقديم لهم



للأمانة منقول: https://www.btalah.com/showthread.*****..#ixzz35tKg1FhJ

و الله يا أخوي أتصل على التجنيد اللي في ام الحمام
وعطهم العلم وشوف وش يقولون لك واذا انت ما اقتنعت
او حسيت من كلامهم انهم ما عندهم سالفه
دق سلف الموتر ورح للرياض للتجنيد في ام الحمام شخصيا وشوف
وش يقولون لك و الأفضل بعد انك تروح لصلبوخ وقابل الضابط اللي معه
كشوفات الاسماء وعطه علمك لان يمكن التجنيد يقول انك في
الأحتياط او من هذا الكلام ويمكن تروح للضابط ويمشي امورك
يعني احذف عصفورين بحجر واحد و و الله يوفقك وييسر آمرك

الملابس خذو قد م تقدرون المغسله ما تجي الا بعد ما تخيسون نهاية 45
اهتم بالشرابات على اقل تقدير جيبو 60 شراب كل يوم شراب والباقي احتياط

والملابس الداخليه وش وضعها ٦٠ بعد !!!!

ياليت اخوي بريطاني تعطينا نصايحك وش نجيب من بدله الرياضيه والمستلزمات مانستغني عنك ..

ياليت اي واحد عنده علم هل اللي في صلبوخ يداومون في رمضان او لا لإني يمكن اروح الأحد والأحد رمضان هل يداومون. ولا خلاص

يالله من ترجاك ما خاب ( يالله عسى فالأمر خير ويالله عسى خيره)

بريطاني لاهنت يا ليت تعلمنا وش ناخذ وش ما ناخذ