30-01-2013, 08:23 AM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901989
|
|
الله يوفقك وأكيد فيه مدارس اخرى ما يبون دورات ابحثي عنها ولو تقدرين تمرين على المدارس اللي عندكم وتسألينهم اذا فيه احتياج فيزياء لأنه في بعض المدارس عندها نقص وما يعلنون عن وظائف ويمكن فيه مدارس عندها نقص في تخصصات اخرى مثلا اعرف مدرس تخصص كيمياء حاطينه مدرس احياء او فيزياء
والعكس
انتظري اسمك يطلع في الديوان وخلال هاذي الفتره لو تقدرين تاخذين دورات يكون افضل
وانا افضل لك دورة انجليزي وحاولي تطورين من نفسك في هذا المجال لا تعتمدين على تدريس المعهد فقط
بصراحه انا اشوف اكثر اللي معاهم دورات حاسب او دبلومات مهمشين في بعض الوظائف وانا واحد منهم
واذا فرضنا إنك بتاخذين دورة حاسب ياليت يكون دبلوم في الصيانة او البرمجة ترى هاذي عليها طلب اكثر من غيرها ( دورة 6 شهور ما تنفع في هذا الوقت دورة 3 شهور كذلك شهادة ICDL مثلها راح وقتها ) هاذي الدورات ما تنفع إلا واحد على راس العمل موظف او تنفع يمكن في المفاضلة في ديوان الخدمة المدنية ...
هذا الحكي من واحد مجرب الدورات والدبلومات .....
عندي دورة حاسب 3 شهور ما نفعتني إلا لما لقيت واسطه ودخلت شركة وحطوني مدخل بيانات ...
ولما خذيت دبلوم ( شبكات تندمت لأني لو خذين دبلوم برمجة كان ازين او صيانة ) ولله الحمد الحين لي 18 يوم متوظف في جمعية وبعد توفيق الله ثم الدبلوم قبلوني .
فيه دبلومات مدتها 9 شهور او سنة او سنتين هاذي افضل من دورة 6 او 3 شهور ولو انك محتاره بين انجليزي وحاسب انا اقلك انجليزي افضل مجالاته اوسع من الحاسب ....
|
العرض العادي
