مشكور اخوي د. محمد القويز احنا محنا بحاجة القصيبي احنا محتاجين لواحد يقول وينفذ
واحنا عاطلين لكن بعزة نفس قالوا سعودة لكن وين تكون كل ما قالوا سعودة تجينى مصيبه من غازي القصيبي لكن لو ماخذ الوزارة امير كان الحال تحسن وكان ماتحصل واحد عاطل
حتى اللي مو محتاج وظيفة تحصله موظف

عاطل بقوووووة
لك جزيل الشكر على ردك وفيت وكفيت

احسن
في ظل رفض الشركات الخاصه والحكوميه لكل عاطل محتاج
وفي ظل الواسطه السحريه التي تجعل من صاحب شهادة المتوسطه مدير عام
تستحق كل القطاعات مايأتيها من استهتار موظفين او غيره
انسان لم يتعب للحصول على وظيفه واعتمد على واسطته كيف يريدون منه التزام
وانسان تعب وشقي ومحتاج لتامين مستقبله ولايريد اضاعة فرصته ورفضوه كيف يتبجحون الان ويقولون الشباب مستهتر
هذا ذنبهم في كل عاطل وعاطلة تم رفضهم والتعييب فيهم وتشكيكهم في انفسهم بانهم لم يفلحوا في مقابله ولا اختبار مع ان العكس صحيح

وعلى طاري الكسل
مين يتكلم بالله
والله مافيه احد يلقى له شغله محترمه ويتركها في هذا الوقت بالذات
احنا عندنا من النشاط والشجاعه مايكفي لمواجهة كل وزير في هذا البلاد ومحاجته في تضييع الفرص على ابناء البلد المؤهلين

اهااا شكراً على اهتمامك بمشاكل الشباب والى ما تهدف الية يا د. محمد ناهض القويز

خليهم يعطون رواتب زينه أول
رواتب مغرية ولجيت لمهم طلع 1500 أو 2000 هذي بس قيمة المواصلات

ثانياً
الشباب السعودي يستحمل الضغط بس رجال الاعمال ما يرضون إلا بالهنود واللبنانين وغيرهم من الاجانب لا وراتبهم اعلى من مرتبات ابناء البلد

ثالثاً
الي يده بالنار مو زي اليده بالماء


رابعاً
عقبال ما نشوف عيالك مثلنا عشان تعرف إن الله حق


بعدين قبل لتتكلم شف الجهتين ما يسير انك تكتب كذا
وإن دل على شيء دل على انك صحفي فاشل استقيل وخل غيرك من الي يخافون على عيال البلد يتوظفون مكانك لان مركزك حساس وما يصلح فيه واحد مثلك اناني

واخيراً
حسبي الله عليك وعلى امثالك

بسم الله الرحمن الرحيم
بالنسبه يا دكتور محمد لهذا الطرح الجميل انا اشكرك جدا جدا ولكن الا تعتقد ان رجال الأعمال السعوديين مهما كانت خبراتهم او مؤهلاتهم او او يتحكم فيهم عنصر الواسطه انا اعمل حاليا بشركه وقد شارفت على انهاء عقدي مع هذه الشركه ولكن اول ما قرأت ما كتبته قلت خليني اصبر الين ما الدكتور يفيدني بهاذا الموضوع علما بأن موضوعي انا كتبته يوم الخميس على امل تقديم استقالتي يوم السبت وردك يا دكتور وش بيكون على هالموضوع
اولا انا اعمل بشركه لخدمات عملاء شركه سعوديه برأسمال سعودي لها اكثر من مشرع متعاقده معاه منها هيئه السياحه والخطوط نحن ممن تخرجنا من الجامعات بالتخصصات المطلوبه والمرغوبه مثل الحاسب الالي واللغه الانجليزيه بدرجه البكالوريوس نعمل كموظف خدمة عملاء بسيط براتب لا يتجاوز 3400 بينما منهم الذين يعملون بالرواتب المغريه هم من خريجي الثانويه العامه وبدون خبرات سابقه ولكن بوجود الواسطه اصبحوا مشرفين هل هاذا من العدل وتلوم الشباب السعوديين . اساسا السعوديين كلهم فيهم صفه سيئه يحبون يكشخون على بعضهم تخيل يا دكتور انه يجي المشرف اما الكل يقول شف وش فايدة الجامعه بدون واسطه انت الحين بمؤهل بكالوريوس بس انت عندي موظف خدمة عملاء
ولو تشوف عمل المشرف يا دكتور بدون تنظيم ولا اداء كويس ولا تحفيز للموظفين انما مثل الشخص الذي وضع في مكان وماهو مصدق كيف صار يشوف في التلفزيون المسئول وش يسوي مع موظفيه ويقوم يطبق على الواقع .....
هل فيه نظام العمل والعمال ماده تنص على انه لا يجوز تنصيب منهو بمؤهل اقل وايضا خبرة اقل او تطبيق نظام النقاط مثل فكرة الجنسيه .... على موظفي الشركات يكون من الاشياء اللي ممكن تنصف موظفين القطاع الخاص وتخليهم يستمرون في اعمالهم . ....
وشكرا لكم أأمل الرد على موضوعي لكل الاعضاء وبالأخص الدكتور محمد