بسم الله الرحمن الرحيم ..

موضوعي ان شاء الله انه بيفيد المتقدمين على مكافحة المخدرات .. وما نبي غير الدعااء

اولا’ ببدأ بالتقديم انا تقدمت على المكافحه قبل انتهاء التقديم بيومين تقريبآآ .. وقتها كنت بقدم لاخواني المنخرجين من الثانوي ولا عندي نيه اقدم بس قلت يالله عن قولة فلان ما يقدم وله سنتين متخرج من الجامعه وعاطل ..

قدمنآآ الحمد لله وماا احد انقبل إلا انااا من اخواني الثلاثه

موعدي كان بتاريخ 2/3/1434

طلعت الرياض ووماا كنت ابطلع قلت يردوني عالطول مثل كل مرره لاني ناقص نص سانتي تقريبآ .. وبآخر لحظه غير رايي .. الوكااد اني رحت لهم وصلت الرياض الساعه 7 الصبآح واوقف ليموزين واوصف له المكان ( الوصف كبري الفحص خلف قاعة اليخت .. قبل القاعه يجيك شارع عاليمين تدخل معاه وتسير القاعه على يسارك تمشي مسافة كيلو تقريبآ وتكون المديريه على يسارك ) المشاوير من 25 إلى 45 وعلى ححسب المسافه تقريبآآ .. وصلت على 8 صباحا لابس بثوب وشمااغ واحصل قدامي 80 شخص تقريبآآ .. انلطعت إلين 11 الظهر وكان فيه لخبطه بس دخلنا الحمد لله كان فيه شخصين بالاستقبال يشيكون على الاوراق المطلوبه إذا اوراقك كامله اللي فالميزان ياخذ ملفك ويقيس الطول والوزن .. طبعا اللي عالميزان رجال حبوب الله يوفقه دنيا واخره ..

إذا عديت طول ووزن كان بها ما عديت يمسكونك الباب ..

بعد ما عدينا الطول والوزن .. طلعونا للدور الثالث جلسوناا في قاعه .. واعطونا الكشف الطبي وكشف السموم ودفتر الإلتحاق وخطاب الجامعه وخطاب للاحوال المدنيه .. وقال وتسلمونها لنا بأقرب وقت ..

خرجنا من عندهم 3 العصر تقريبآآ ..

رجعت الديره وكملت اوراقي الكشف يكون بمستشفى قوى الأمن اخذ اسبوع عندهم وكشف السموم كنسلوه قالو تسوونه بعدين فالمديريه لان قوى الامن ما يسوي كشف سموم .. الأدله الجنائيه تروح لهم تبصم ويعطونك موعد بعد 10 أيآم تستلم النتيجه انت عااد خلك سنافي وزبط امورك ادخل على ضابط ولا دبر حالك وخله يمشيك قبل موعدك .. الاحوال من يومها يخلصك ويعطيك برنت ..

كملنا الأوراق بالنسبه للجامعه اخذو الخطاب وقالو احنا نرسله بالفاكس على المديريه وبعض الجامعات يختمون ويعطونك اياه ..

استلمنا الكشف الطبي من المستشفى واوراق الجنائيه والاحوال وكملنا الدفتر ..

رحنا الرياض سلمنا الأوراق .. وقابلنا واحد رتبته وكيل رقيب ورتب معنا الملف .. على حسب الورقه اللي تاخذها منهم اللي فيها الطلبات وقت المراجعـه .. ويكون الترتيب من تحت ل فوق .. واللي جده متوفي وماعنده بطاقه يكتب اسم جده في صورة بطاقته ويكتب بين قوسين متوفي .. الرخصه لازم تكون سارية المفعول ولو منتهيه يوم واحد لا تحطها لهم ..

دخلنا للمقابله وكاان معي 5 اشخاص تقريبآ اللي سلمو اوراقهم ..
المقابله سهله جداا اسئله عامه ( لقب أبو بكر _ من اول من لقب بأمير المومنين _ من هو سيف الله المسلول _ اين يقع جبل الرحمه ) ومن هالاسئله السهله .. بالنسبه للي يقولون يقيسون الطول ثاني لآآ أخويي إذا عديت من المستشفى إعرف ان امورك تمااام ان شاء الله ولافيه قياس طول بعدهاا .. انتهينا من المقابله واعطوناا موعـد بخصوص يستعلمون عنك وعن بياناتك وبيكون فيه فرز نهائي .. إذا انت ولد كويس يعطونك طلبات الدوره اذا خيطي بيطي يمسكونك الباب ..

بالأخير أتمنى التوفيق لجميع المتقدمين .. ودائما الواحد يدعي إذا فيها خير الله يسهلها وإذا فيها شر ان الله يصرفها ..



تمناتي للجميع بالتوفيق .. وعليكم بالإستغفااار فهو مفتآآح لكل عقده ..

[align=center]بيض الله وجهك وجزأك الله خير ، كآفي ووافي يبعديُ ، الله يوفقك ويسهل امورك

آستغفر الله وأتوب اليه ..
[/align]

بعد المستشفي في اول يوم تحضير الدوره يقاسون طولك الله يوافيق

جاني قبول كان موعدي الاثنين اللي راح لكن مامن نصيب انشغلت ولا رحت
الله يوفقك اخوي

لاهنت اخوي على الطرح والله يوفقكك ويجزاكك خير
تمنياتي لاخواني بالتوفيق

شكرآ لك

ما سمعت منا ولا منا
يقولون طالبين للثانوي نسبة 88
مدري صحيح او لا
وموفق وعقبال الفرز النهائي مقبووول

بيض الله وجهك
انشهد انك ما قصرت جبتها من ططقطق لسلام عليكم

الله يوفقك وعقبال ما اشوفك منزل موضوع في قسم مبروك التعيين

يعطيك العافية وعقبال دخول الدوره

عقبال دخول الدوره