السلام عليكم ورحمة الله وبركاته

بدخل بالموضوع باختصار بس اتمنى من اهل الخبرة يفيدوني

انا انسانة جامعية سعيت 3 سنين وماحصلت وظيفة مناسبة

وحاليا وجدت شغلة كول سنتر ترددت كم مرة قبل ماشتغل يعني تعبانه في شهادتي

والنهاية كول سنتر

بس قلت يالله احسن من الجلسة والانتظار

وحاليا لي 6 شهور اشتغل ومتحملة بس عشان اخذ خبرة سنة واطلع واطور نفسي في اشياء ثانية

مثل دورات او دبلوم راح يفيدني اكثر

لكن سمعت من احدى الموظفات اللي معي ان الشركة ماتقدم خبرة للي تستقيل قبل سنتين

واحس انه مره ظلم يعني سنة ماهي قليلة عشان ماخذ فيها خبرة

سؤالي /

لو رفضو يعطوني خبرة كيف اخذ حقي ؟

مع العلم اني مسجلة في التامينات الاجتماعية هل ممكن اطلب منهم برنت كحل بديل في حال رفضو

اعطائي خبرة عملية

اتمنى مساعدتكم ؟

والله الى اعرفه انو الخبرة هي عبارة عن برنت من التامينات الاجتماعيه انك اشتغلت من تاريخ ---- الى تاريخ -----
واتركك منهم والله يوفقك انشاء الله والحال من بعضه واختي نفس الشي جامعيه وفى النهايه استقبال

مشكور اخوي عالرد

انتظر باقي الردود

غصب عنهم يعطونك خبره حتى لو 6 شهور هذا نظام مكتب العمل ولا عليك منهم


بس هاه مو تتركينهم وتقولي 6 شهور تكفي لا أستمري

وفقك الله

يعطم العافية عالردود

بس لقيت اجابة شافية لسوالي هل برنت من التامينات يعطي خبرةفي حال لو رفضو واستنفذت خياراتي

استمري يا اختي عشان تاخذي خبرة سنة ...
بس ما قلتي اش سبب انك ماتبي تكملي معاهم
هل التعامل تبعهم او يضغطوك بالشغل او ايش ؟

اختي اذا معك انتي مسجلينك بالتأمينات الاجتماعيه روح الحين سجلي بالاون لاين لازم تعرفين رقم الاشتراك حقك اذا سجلتي روح فيه خيار مكتوب اصدار الشهادات هذي الان هي شهاده الخبره وفيه شهاده الأجور يعني راتبك
اتمنى اني افدتك

1- زي ما ذكروا اللي قبلي اذا احد طلب منك اثبات ان معك خبره
بكل بساطه اطبعي صورة من التامينات الاجتماعيه (ممكن تروحين لهم او تسجلين الان في الموقع
ويرسلون لك نسخه الكترونيه في ثواني تطبعينها في البيت ومعتمده)

2- بالنسبه لشهادة الخبره من مقر عملك هي عباره عن ورقه مكتوب فيه

نفيدكم ان الموظفه ×××××× - رقم بطاقه الاحوال 1234567890 - تعمل لدينا بمسمى وظيفي
×××××× من تاريخ 00-00-00 بمعدل 00 ساعات في الاسبوع ،بمرتب شهري قدره 0000 وبدل 0000 .
(هذه دباجه الخطاب)

اذا رفضوا يعطونك ورقة خبره .. اطلبيهم ورقه تعريف لان الخطابين نفس الشي ما في فرق
اهم شي ورقه التعريف لا تكون موجه الى جهه معينه اذا قالوا لازم جهه قولي اكتبوا الى من يهمه الامر

واخيراً هذا حق من حقوقك كموظفه يعطونك ورقه خبره حتى لو ما اشتغلتي الا يوم واحد واخذتي عليه اجر (فلوس)


وبالتوفيق
والله يرزقك بالذريه الصالحه والمال الحلال

مشكورين ردودكم طمنتني

الله يوفقكم ومشكور ستة نفر عالدعوة الحلوة الله يسعدك وكل من رد