اربع سنين وخمسه شهور وثلاث ايام طيش
اعيش وسط المجتمع مدري وشنهي خانتي

اسعى ورى فرصة عمل لكنّ يالايام ويش
حدّك على تطنيشي وعذابي وإهانتي

فالصبح من بعد السهر أفطر على تونه وعيش
وفالليل اعدّ نجوم همي في سما ديّانتي

مدري وش اسوي ووين اروح مدري كيف اعيش
وانا ماعندي غير ثوبي في دروف خزانتي

مارحت ادوّر لي وظيفه غير قالوامعليش
باقي على الطول المناسب لك ثنينه سانتي

يعني ثنينه سانتي فالطول بتهزّ الك جيش
ولا تبا تنقّص على مرّ السنين أمانتي

شهادتي شابت وانا على وشَك والوضع شيش
وابا اتزوّج واتذّرى في ذرى حصانتي

بطير فالدنيا ولكن كيف اطير بدون ريش
نتّف جناحي وقتي وضاعت كذا مكانتي

ياليتني لاعب كره ياناس مثل احمد خريش
في كل قول الفين والف ريال فالبلانتي

ماكان هذا حالي المزري ولا باقول ليش
واكثر ما افكّر فيه كيف ابحترف في نانتي

ارزاق والدنيا حظوظ نعيش ولاّ مانعيش
ورزقي على ضمانة الله ماهي بضمانتي

يالله ياربي وظيفه لو تجي فبو عريش
ولاّ تزوّدني على طولي ثنينه سانتي

الشاعر / فيصل الصواط .

صح لسانك

صــح لــســـــآآآنــــكـ ,,,, وفـــآآآلــــكـ الوظيفة

روووووووووووووووعة ,,, صح الله لسااااانك وفاااالك المليوون

جعلني افداك والله

صح لسانك والله يكون في عونك

صح لسانك ،،

صح لسانك
والله يرزقك بالوظيفة اللي تزوجك وتسعدك
واصبر واحتسب والله يوفقك