الساعة الحادية عشر ليلا المكان مطارالملك خالد الدولي
اعلان لعموم المسافرين على الرحلة رقم المتجهه الى دبي ومنها الى كوانزوا دخلت الصاله ومنها الى طائرة الخطوط السعوديه وشوي وحنا في دبي اكثر المسافرين سعوديين جلسنا في المطار حتى الصباح وركبت الطائره الكينيه اتلفت يمين وشمال مافيه عرب ابد كلهم افارقه وصينين سبع ساعات على متن الطائره ونزلنا في كوانزو مدينة صينيه الحمدلله على السلامه كانت الرحله مطبات وطياره (مقربعه بجد).المطارجميل والبشرمثل النمل ختمت الجواز ومسكنا الطريق لخارج المطار الجماعه موقفين اشخاص يتفحصون وجيه المسافرين ولما وصلتهم قالو على جنب حطو الشنطه على السيروشافوا شي مابعد شافوه بالجهاز سألني وش معك في الشنطه قلت اغراضي قال اغراضك وهو يبتسم فتح الشنطه قلت رحت فيها وشلون افهم هلافنس طلع كيس التمر وقعد يبربر قلت ياخوي تمر وتجمعوا عليه ويالله فهمتهم المهم فكوني وطلعت وعلى الباص رقم 4 الى وسط كوانزوا طبعا الغرض من الزياره تجاره نزلني الباص في منطقة اسمها شان شلوا مليانه عرب وافارقه يخوفون المهم على مطعم حضرموت واحد مندي وعلى الفندق اونومه الى الصباح والباقي بكره تصبحون على خير

تلقى خير إن شاءالله ،، الله يستر لا يكون بس فيها زلزال و لا شيء قصتك ترى بديت اخاف عليك والله

<<<- بيحرق القصة

بإنتظاأأأأأر الحلقه الثانيه ،،

طابت ليلتك

الساعة الخامسة صباحا قفزت من السريرتوضيت وتقدمت الى نافذة الغرفه القيت نظرة سريعة على الشارع عدت جلست على السريرقمت احوس في الغرفه ابحث عن شي نعم ابحث عن القبله المهم صليت ونزلت جلست شوي في الرسبشن وبعدين خرجت عند الباب ورجعت ياربي متى تطلع الشمس خرجت مرة ثانيه وقلت تمش على الرصيف عدد من الدكاكين الصغيره امامها يجلس عدد من شباب جنوب افريقيا يحتسون قهوتهم ويتمايلون طربا على موسيقى جوالتهم المهم ذبحني الجوع ابي اكل لفت نظري لوحة مكتوب عليها اكل اسلامي جلست على طاولة البوفيه وجاني شاب قلت (عربي معلوم) قال عربوا هزراسه قلت دويوسبيك انقلش قام يبحرفيني قلت اسلام قال مسلم قلت ابي هذا واشرت له على خبز ووصل مشوي طازج المهم كليت لين شبعت طلعت الفلوس .فرداصابع ايديه يعني عشره عطيته ورجعت وهذاني جالس عند باب الفندق انتظر الشمس تطلع امام احد شوارع المدينه شارع فسيح على جنباته ناطحات سحاب ويش الفيصليه والمملكة جسور اربعة فوق بعض سيارات كنك في الحج كلهم مسرعين لكن كنهم يلعبون بلاي استيشن مافيه حوادث ابد ولابواري المهم انا معي كرت واحد صيني اخذته من الرياض ادق على الافنس نايم الشمس طلعت والهيس نايم شوي والا المطاعم تفتح ابي مطعم عربي مسكت الشارع ومعي كرت مطعم عربي اسمه السدة وقفت تاكسي وعطيته الكرت وركبت معه قدام وقام ياعين فيني واخذ الكرت او وررر الا انا عند باب المطعم نزلت ودخلت في المطعم وتكيت وكل شوي ادق على هلافنس ولايرد نايم طبعا اصحاب المطعم يمنيين قلت لهم السالفه قالو المكاتب تداوم الساعة التاسعه بدري عليك .المهم بجلس الين يرد الافنس واروح له كرته معي والجماعه شغالين بالكروت بدون كلام طبعا مايبون صجة عرب وسوالف وبكمل لكم السالفة باي

المشكلة كلهم فطس كيف تقدر تفرق بينهم ؟

الله يوفقكـ في سفرتكـ

ويفتح بوجهكـ ابواب الرزق

بس بشرنا عساكـ لقيت الافنس

والله اني انسجمة مع السالفه لاتتاخر علينا لا بعدين يزيد الحماس عندي وادق سلف واجيك الصين ونتقابل في مطعم السدة حق ابو يمن الي في اخر الشارع عرفته لاتتاخر علينا

تمام الساعه الثامنه والنصف صباحا الجو شوي حر ادق على الافنس ولا ما ادق اخاف ازعجته يسكر تلفونه ثم وين القاه .دخلت عجوز صينيه متحجبه ومعها واحد له لحيه معه شنطه سوداء قالت بطاقه (عمى) تكلم عربي قلت بطاقة ايش تدخل اللي معها قال بطاقة هاتف قلت عندك قال نعم قلت ابي كرت اول وبعدين نشتري منك بطاقه قال موجود طلعت الكرت وركبته في تلفوني واخذت مني مئه وخمسون رمنبي يعني حوالي 75ريال على فكره سعر الدولار(700)رومنبي او ايوان اللي تبون اوه نسيت الافنس بدق عليه دقيت رد قال (وي ني هاو) تسمعها كنه قطو يماوي المهم قلت السلام رد خبرته قال امسك كرسيك جايك جلست حوالي ساعه الاخونا يدخل علي المطعم وهو يلهث قلت سلامات وش فيك واثر الاخ ماخذها مشي يبي يوفر طلعنا قال المكتب قريب ناخذها مشي قلت اقولك وقف تاكسي وشوي وحنا في المكتب دخلنا مكتبه الا عنده افنس وفنسا قلت ابي ماء وشاهي جابوا الجماعه الطلب وجلسنا نتناقش وذبحتهم اسئله المهم الساعه الان عشره صباحا قلت من اللي بيرافقني بروح للاسواق اللي ذكرت لي قال هاذي قلت وش اسمها قال تشين بونق قلت اقولك اسمها الشينه قال اوكيه المهم اخذنا تاكسي وعلى سوق اليوخا يالله وش سوق كبيير مره كبر اربع اسواق من اللي عندنا وادوار تجت وفوق وقباوه والله البضاعه اللي فيه تلبس العالم العربي كله المهم قعدت ادور كم كم ولاشريت ولاشي تصدقون المحل الواحد (2*3) المهم انا تعبان ابريح شوي وكمل لكم السالفه