السلام عليكم ورحمة الله وبركاته..

قبل 4 أيام شفت اعلان عن وظيفه وطالبين موظفات بشروط معينه وطبعا هالشروط مو كلها متوفره فيني .. ارسلت سيرتي الذاتيه على الإيميل وكان الايميل اللي موجود في الإعلان ايميل مجاني =هوتميل..
المهم جاني ايميل يوم الأربعاء الساعه 1:30صباحا مكتوب فيه ،، اتصلي على هذا الرقم يوم الأربعاء من الساعه 7ص إلى 12 حتى نحدد معك موعد المقابله الشخصيه،، وانا مافتحت ايميلي الا يوم الأربعاء المغرب يعني راحت علي رجعت ارسلت له ايميل واعتذرت فيه وطلبت منه يحددلي وقت ثاني علشان اتصل عليه..
وماجاني رد الا يوم الخميس الساعه 5 العصر كاتب ،،احنا محددين يوم واحد للمقابله وهو يوم الأربعاء وارجو الاتصال على الجوال حتى آخذ منك بعض المعلومات وأضيف اسمك بالقائمه عندنا وانا متواجد على الجوال هذا اليوم_ يوم الخميس،،
وانا ماشفت ايميله الا الساعه 12 باليل لأني كنت طالعه .

بصراحه انا مره مره مستغربه من تصرفاته المفروض اذا بيحدد معي مقابله هو يتصل علي ويعطيني خبر قبل المقابله بيوم واحد على الأقل

وش رايكم باللي صار تحسون الوضع عادي ؟؟
اتصل عليه يوم الجمعه وإلا لا؟؟

ياليت تفيدوني اذا تكرمتو:o

انا اقول اتصلي وتوكلي على الله
وبتعرفين الشخص من اول مايتكلم اذا هو صاحي ولا مشكوك في امره
توكلي على الله والله يسهل لك امورك ويوفقك ويبعد عنك اولاد وبنات الحرام

الله يوفقك ويبعد عنك الناس اللي ما يخافون الله
اختك : أحلام

خلي اخوك ولا ابوك يتصل

ليش انتي خلي عندك شوي ذكاء

شوفي بصراحه أنا أشوفها خيرهـ لك إنك ما اتصلتي الاربعاء


وبرضوا الخميس راح عليك الموعد وما أتصلتي



أكيد في لف ودوران بالموضوع


إذا تبين تتأكدين قولي له أعطيني رقم ثابت وانا بتصل


أو عنوان الشركه وانا اجي << ولا تروحين إلا وأبوك أو أخوك معاكي


غير كذا لا .... ولا تعطينه اي معلومه ولا اي شئ أنتبهي



أكيد واحد يستهبل


هذا من وجهت نظري


لأن المفروض هم يتصلون مو يرسلون رقم وانتي تتصلين تريقه هي ..,,!!



الله يوفقك

وأنا أقول مثل كلام (عاطل من الطائف) الله يجزاه الجنه..
الموضوع ضاع وهذي خيره من رب العالمين..

وبعدين لاتدقين ولا شي أحسن لك وانسي هذي الوظيفه ابرك لك..

وعسى ربي يوفقك..ويسهل امرك.. ويحميك من كل شر..


شريكتك في النجاح..
كلي أمل..

الله يكون في العون استخيري واسالي الله عز وجل وخير من استشرتي
مع التحية