اريد حل وراي سديد ومن يفزع لي الله يفزع له دنيا واخرة
اختي متزوجه من قريب عطتني جوالها جالكسي افرمته وماقالت انتبهي او احذفي الصور الا بعد ماوديتيه والجوال تفرمت وراح كل الي فيه انا رحت انا واخوي الي اصغر مني واتفاجا تقولي فيه صور والصور كلها حق الزواج او بنات العائله وكيذا وشي ثاني الشريحه مالقيتها دقيت اسال قالوا الشريحه والبطارية والغطاء حق الجهاز مايدخل بالصيانه انا الان عاجزة تماما عن اسوي اي شي راسي انفجر من التفكير وش اسوي بالظبط ادري غلطانه وووو بس الان ابي حل عملي وش اسوي
ماعندي احد استشيرة الا انتم بعد الله وربي عالم بنيتي

اتوقع ترجع الملفات
حقين االاتصلات عندهم برامج تطلع الي انحذف (كذا واحد قالي)
والله اعلمممم

الله يسعدك اخوي مشكلتي مو هنا بس مشكلتي مايكون سحبها فهمت علي

اختي تماني حاولي تهدين نفسك ولا تفكرين كثييير صدقيني حتى لو صاحب المحل سحب صور من الجوال صدقيني ماراح يقدر يسوي شي باي حال من الاحوال لان الوضع الحين مو مثل اول
الحين والله لو حاول ينشر شي او يبتز او اي شي والله ان تجيبه الحكومه من اخر الدنيا يعني الوضع مو مثل زمان كل من حصل له صوره راح حطها بالنت اهم شي حاولي ماتروحين للمحل مره ثانيه ابدا

الله يرفع قدرك يابروسيوس بس مقهورة احسها غلطتي برايك ماروح طيب والشريحه