مرحبا أخواني وأخواتي

متفرغه لعالم النت

حابه أشتغل مسوقة عقار

وش شروط المطلوبه

وكيف اضمن حقي

ياليت الجميع يفيدني

والله انا دخلت هالمجال والصراحه مانجحت لان ماتلقيت من يضمن حقك وعالمه عالم ذئاب مع ان تواصلي مع الرجال بالرسائل فقط
لكن ياما. راحت علي فلوس نخيلي. اكثر من سنه ونص في هالمجال وماأخذت ريال خساير فلوس وشحن جوال اذا اتفقوا سحبوا علي حرمه ما اقدر اسوي شيء
عموما جربي واتفقي مع مكتب ثقه تسوقين له

مشكوره على ذكر تجربه

لكن ابي ضمان كيف

....................................

ياريت تعطوني تجاربكم انا افكر بالموضوع هذا ؟؟

عذرا على المداخلة اختي

ماعندي علم بس لاتدخلين شي لين تدرسينه صح
والله يوفقك ..

شوفي يابنت العود

ما راح تضمنين حقك ابد الى اذا كنتي انتي مباشره مع احد الاطراف

اما مباشره مع الشاري او مباشره مع البائع

اي بيعه فيها اكثر من وسيط لا تدخلين فيها لانها مضيعه للوقت وخساير اتصال

اي عرض يكون عندك ارسليه لمن تثقين فيهم من ناحيه التعامل

صدقيني كثير من الرجال ماقدرو ياخذون حقوقهم


بمجرد ما يعرف المشتري البائع وهم في المكتب يفركشون البيعه

ويطلعون ويرجعون لاي مكتب ينفذون البيع بس عشان يضيعون حق الوسيط

اذا عندك امكانيه تسويق

انا عندي كم عرض مباشره من اصحابها لو بغيتي تسوقينها راسليني


بالتوفيق

بالتوفيق لكم

انا محتاج مسوقة ارقام ولك نصيب في كل رقم ينباع عن طريقك ايش رايك تواصلي معي خاص

نصيحه مني ياأختي دوري لك وظيفه أو مشروع ثاني غير مسوقة عقار والله العظيم أنا كنت مسوقة عقار وسوقت عروض كثيييييييييييييييييييييييييييييييير سواء عقار أو سلع أخرى عن طريق النت
لكن والله أكثر من سنه ونص تقريبا سنتين ماجاني أي ربح من التسووووويق مع أن كثيييييييير من العروض جبت لها مشترين وبعضها فنادق وبعضها اراضي وعماير لكن الله لايسامحهم بمجرد ماأوصلهم ببعض يقولون البيعه ماتمت وأكتشف بعدين أن بعضها انباعت بالرغم أنهم يقولون أنهم جادين
وزي ماقال اخونا أنا السعودي الرجال ماقدرو يضمنون حقهم في هذي الشغله أجل كيف أحنا الحريم ويمكن السبب في ضياع حقي أني أسوق بس من النت ففضلت ادور لي شغله ثانيه غير التسويق مع أني ماشاء الله بارعه فيه
الحين الحمدلله يارب لك الحمد وماشاء الله تبارك الله ربي عوضني بوظيفة في أحدى البنوك وأن شاء الله أتوفق فيها