[align=center][align=center]السلام عليكم

مساكم الله بالخير جميعاً




اخواني بختصر الكلام بشكل سريع السالفة صارت مع شخص اعرفه
اعلان في موقع على الانترنت لوظيفة وكان المطلوب كالعاده ارسال السيرة الذاتية
طبعا الشخص هذا ارسل السيرة الذاتيه وبعد كم اسبوع قالوا له مانقدر نوظفك
الى هنا مافيه مشكله المشكله والمصادفه الغريبة اللي حصلت وهذا بفضل الله
كان فيه شخص يعرفه موظف بهذي الشركه ولقى اسمه مدرج كموظف عندهم
اتصل فيه وقاله السالفه طبعاً صارت المشكله ان الرجال لما ارسل السيرة الذاتية
ارسل معها رقم الهوية وهنا المشكله حصلت وهذي منتشره بالشركات هذي الايام
يستغلون اسمك ورقم الهوية وبياناتها بدون علمك ويستخدمونها بنسبة السعودة
فرجاءاً اللي راح يرسل سيرته الذاتيه لايرسل معها رقم الهوية الوطنية
لان بعض هالشركات ماتخاف الله وتستغلك بدون علمك

وبالتوفيق للجميع[/align][/align]

جزاك الله خير

من صآلحكك خلهم يوظفونكك
وكلم المدير يعطيكك روآتبكك ولآ اشتكي عليه
ورآح يرضى ويعطيكك مكافئة . .

الزقرت الي يبي رقم الهوية ويوظفني بدون ادري حيآه يعطيني بس ايميله ولآ وسيلة اتصآل وآنآ ارسلهآ له . .

الله يجزاك خير
نصيحة من تتجنبو الايميلات الغير الرسمية (الشخصية)