05-02-2013, 01:28 PM
|
 |
عضو مميز
|
|
تاريخ التسجيل: Feb 2013
المشاركات: 780
معدل تقييم المستوى: 66351
|
|
احب اقولك كلنا همنا واحد وانا نفس حالتك بس افضل قليلا 1423ه كل زميلاتي تعينو وكلهم كان حضهم احسن مني خليني افتح لكم قلبي واشكي واحكي عن هم مراودني 10 سنوات واكثر كان ايام العقود بمكاتب الاشراف اذا والله وحده صادت خبر من هالطيبات قالتلنا في تعاقد وحنا نطامر لمكتب هالاشراف مكتب الواسطه والغش والخداع والظلم حسبي الله على كل وحده ظالمه فيه ثم اذا جينا قلنا عندكم عقود تعالي شوفي الرد والاستهزء منهم من قال لكم وووو اوذا شافونا مصرات قالو يالله خذو هالورقه وكل وحده تكتب اسمها وتخصصهاوتقديرها ورقم جوالها وكمان الحاجه المهمة الي ماتفوتهم ابد الخبببببببره وشهادات الحاسب ضروريه عشان تتوضفي وانا لاخبره ولافلوس تخليني احصل شهادة حاسب ولاماجت ادور وضيفه وحنا نكتب ونكتب ونكتب وماعاد الانلصق بالورقه ولكن لاحياة لمن تنادي كنت اتمنى يشوتوني لاخر هجره في منطقتي بس ابي عقد يكفيني ويساعدني على هالحياه القشرا لكن ؟؟؟؟
كان فيه ابواب ثانيه ماندخلها حنا ولانعرف وين طريقها كانت مخصصه للواسطات والحبايب وقرايب المديره ونايبتها والسكرتيره والموضفات كلهم حتى الفراشه معهم وكنت اتفاجا كل شوي القى وحده متعاقده كل شوي القى زميلاتي متعاقدات وبمدارس المنطقه كمان يدرسون اخواتي اوقريباتي هنا انصدمت وبكييييييييييت وبكيت ومازالت دموعي على خدي طوال 10 سنوات ليش امي ماتعلمت ولاابوي صار موضف كبير عشان اعيش لاني بنت سعادة المديره او المدير او صاحب المنصب الفلاني لان هالبلد مايعيش فيها الاالقوي بسع على فكره قابلت وحدة من صديقاتي المقربات انقطعت عنها 7سنوات قلت ها تقدمين بقياس قالت لاتاركته لك انا توسطت لي عمتي بمكتب الاشراف تعاقدت بقريه وشملني الامر الملكي وتثبتت انا الحين معلمه رسميه قال قياس قال .
قلبت علي المواجع من جديد باركت لها قلت اعذريني ماني من اهل الحضوةعشان اتعاقد بديله او معلمه انا انسانه عاديه جدا درست واجتهدت وانتظر دوري المزعومومصداقيه الوزاره .المشكله انها ناجحه بمقبول واقسم لكم بالله اني كنت اجي بدري واذاكر لها عشان تنجح ونراجع لها انا وزميلاتي الباقيات بس عشان تنجح .وحده منقريباتي تقول انه مره معلمات محتمعات بعد التثبيت الملكي للعقود ففيهم البديله وفيهم محو الاميه وغيره فجالسات يسولفون طلعت وحده قالت يابنات انتم الحين كلكم ماشاء الله متعينات وخلاص كل وحده تقول كيف تعينت صدقوني مانحسد احد بالبدايه تقول ترددو يتكلمون بالاخير كل وحده قالت تعاقدت بواسطة فلان وفلانه الي بمكتب الاشراف والي من عند الرجال قريب لها يعرف واحد هنا كانت الطامه لها ولكل وحده تنتظر التعيين فتيقنت ان اغلب المتعاقدات والبديلات كانو بالواسطه فحسبي الله ونعم الوكيل ولاحول ولاقوة الابالله .اللهم اني ادعوك ان توفقني الرزق الحلال الذي لايمن علي احد به لابواسطه ولابرشوه انا واخواتي العاطلات انك على كل شيء قدير .
|
العرض العادي
