السلام عليكم ورحمة الله وبركاته

اليوم وقعت عقد انا ومجموعه من الشباب من نمختلف المناطق لشركة تابعة لشركة العلم هذي الشركة تقدم خدمات مقيم وتم وعدد من الخدمات الالكترونية المهم انا وصلنا الرياض عشان دورة لمدة يومين وعلمونا كيف طريقة تسويق الخدمات هذي للعملاء طبعا راتبها الاجمالي 3500 ولك نسبة 2 في الميه من العقود اللي تسويها وبعد كل سنة خمسة في المية الشغلة حلوة ولكن اللي يخوف انه من الممكن ان يجددو للعميل عن طريق الاتصال بالجوال وخلاص مايحتاجوني انا فلما اجيب عدد من العملاء وخلاص مابقي احد اعتقد مايحتاجوني بعد كذا لانهم يتصلوا عليه ويجددوا ابغى رايكم وهل فيه احد جرب معاهم وشكرا لكم

الله يعطيك الف عافية

مراح تخسر شي حتى لو استغنوا عنك انت الكسبان راح تكسب خبرةةة

مالي علم
الله يوفقك
وان شاء الله يكونوا امناء
اهم شي تاكد ان الشغله حلال

يالغالي مافيه الا احل واحد
انك تصلي صلاة استخاره وربي يكتب اللي فيه الخير

الادارة مو فاضين يتواصلون مع العملاء خصوصا لو زاد عليهم الشغل وزاد عدد العملاء بيحتاجون موظفين خدمة عملاء ومسوقين

انت قلت ان مهمتكم هي التسويق وانكم تجيبون عملاء جدد خلاص ركز على هذه الجزئية
وحسب ماقلت ان الشركة جديدة يعني الحين تركيزهم على كسب العملاء اما التجديد يكون بعد سنة
خلاص بعد سنة اكيد بيطورون شغلهم ويحطون موظفين واقسام جديدة . وتقدر تجمع بيانات اللي اشتركوا عن طريقك وتتابعهم بنفسك بعد سنة
اثبت نفسك خلال هذه الفترة عشان تكون بدل مسوق موظف خدمة عملاء او وظيفة اخرى بالشركة
لان واضح انهم مهتمين وشركة تحب الشغل وتهتم بموظفيها واعطوكم دورات

توكل على الله واستمر واجتهد والله يكتب اللي فيه الخير
واذا مو مرتاح استخير

شركة علم حلوووه

شركه العلم شركه قويه وشبه حكوميه
فلا تضيع عليك الفرصه اكيد لما تخلص منه الشغلة بتكون لك شغله ثانيه
وقبل كل شي استخير والله يسهل كل مافيه خير