21-04-2013, 10:21 PM
|
عضو متواصل
|
|
تاريخ التسجيل: Apr 2013
المشاركات: 77
معدل تقييم المستوى: 24
|
|
جاتني رساله بخصوص المطابقه رحت وزاره النقل والمواصلات بمنطقه مكه المكرمه طلعت للدور الثالث حصلت رجال جالس على الكرسي وكلمته بخصوص انه جاتني رساله من وزاره النقل بالمطابقه قلي روح للمكتب الثاني رحت للشخص شايف نفسه مدري على ايش قلت له جاتني رساله من وزاره النقل بخصوص المطابقه يطالع فيا كانه ماهو عجبني قالي اسف قصدك وزاره النقل والمواصلات قالي ايش مقدم على وظيفه قلت مراقب طرق قالي للاسف التخصص ماهو عندنا قلت شوف شهاداتي وخبراتي قالي مسجل في التامينا قلت ايوه قالي طيب عندك شهادات خبره 5 سنوات قلت ايوه قالي اولا طالبين ثانويه معهد المراقبين قلت عندي وتخصص انشاءات معماريه شهاداه كليه التقينه تخصص مدني افضل من الثانويه قالي انا طلبت ثانويه قلت طيب اجيب اليوم او بكره قالي براحتك تعال في اي وقت قلت بالنسبه للموعد قالي مايحتاج تعال عندي . والله اني طلعت شوي وابكي من القهر حصلت رجال لابس ثوب بني باين انه جداوي وابن حلال قلت له الموضوع قالي مين هو الشخص قلت والله مدري ولد شباب اسمر مسوي ***وكه قالي وين شهاداتك قلت هاذي وخبراتي وعندي دوره حاسب سته شهور قالي تعال طلع الرجال سكرتي للمدير جالس اطقطق على الجوال وافكر في الوظيفه ماصدقت انها جاتني رساله والله فرحت فجئه جاء الرجال ماشفت شكله وهو ماشي معطيني ظهره دخل وسكر الباب الرجال اللي لابس بوني قالي جيب ملفاتك قلت هاذي الاصليه وهاذي صور منها اخذ الاصليه دخل وسكر الباب وادعي من كل قلبي انه يوافق جلس حوالي 5 دقائق جاء الرجال قالي خلاص روح للرجال الي قبل شوي اللي قلك مافي قلت عادي اروحله قالي المدير كلمه بالتلفون وراح ياخذ ملفاتك رحت للرجال اعطيته ملفاتي والله العظيم زي البس ماله وجه يطالع فيا اخذ اوراقي ودبسها قالي كم رقم جوالك اعطيته رقمي قالي خلاص انتظر اتصال . هاذا شهر 5 المهم جلست اسبوع كلمت عمي قلت له الموضوع قالي اعرف شخص كلمته بالجوال اعطيته السالفه كاامله نفس الكلام الي كتبته قالي اتصل بكره عليا الساعه 11 الصباح اتصلت عليه قالي ذحينا في الوزاره بعد 5 دقائق اتصل عليا واتصلت قالي المتقدمين 200 شخص والوزاره طالبين 14 شخص والله خفت وتحطمت قالي لاتخاف اني شاء الله راح اساعدك الدعوه يبغالها واسطه وانت موهلك حلو وخبراتك وهو يدورون دوره حاسب قبل اسبوع هاذا التاريخ 8 جمادي كلمته عن طريق الوات ساب قالي سوينا فرز 100 شخص وطلع لنا 14 ملف وطالبين الوزاره 6 واسمك موجود من ظمنهم وسويت وصيه في وزاره النقل بالرياض مع اني مقدم بجده قالي اللي عليا سويته قلت مقصرت ومدري الوزاره طالبين 6 والملفات 14 يعني راح يوظفوونا كلنا او على قولته 6 اشخاص
والله العظيم الكلام اللي قلته انه صحيح ومابغي احطمكم بقوولكم الصراحه لما عرفت الدعوه كذا والله حزنت على المتقدمين عمري 30 سنه ماني قادر اتزوج يارب تكوني من نصيبي دعواااااااااااااتكم
|
العرض العادي
