[align=right]فهد ربي يفرج همكَ ويحقق لكَ كل ماتتمنى ويرزقكَ الرضى وأكثررررر
حطيت السجل المدني طلع لي طالب العمل غير مسجل في النظام
وش السوآة ألحين ماأدري [/align]

ياشباب انا رحت لفرع الموارد ( هدف) وسئلت الموظف عن برنامج الاستحاق الزظيفي وقالي

نعطيك حق راتبك كامل شامل الاساسي والبلات بس تكون ماتتجاوز 4000 ريال

ويقول كل سنة راتب يعني لما تكون على راس العمل اول سنة نعطيك راتب واحد وسنتين راتبين وكذا بس ماتتعدى 4000

بس مو انت اللي تستلم الفلوس الشركة هي اللي تاخذ الفلوس وتعطيكيها بس لازم تبلغ الشركة انك تبي الاستحاق الوظيفي

ولازم كل الموظفين اللي مدعومين من هدف يستلمون الفلوس مو موظف ايه وموظف لا

اما الدورة وال5000 فالصندوق يعطي الشركة الخمسة وتدربك فيها وبس

[align=center]
يا شباب خذو العلم النهائي
حوافز الاستقرار الوظيفي تحسب بعد سنة من اجتيازك لفترة التجربة
يعني اول ثلاث شهور لك في الدوام تعتبر تدريب واللي بعدها خدمة
بعد سنة وثلاث شهور من دوامك في المؤسسة تكون قد استحقيت حافز الاستقرار الوظيفي

طبعا هو ما يتجاوز ال 4000 ريال في السنة الاولى ( فيه ناس ياخذون 3000 ريال وفيه ناس ياخذون 4000 ريال على حسب راتبك الاساسي ) وطريقة التقديم يرفع لك مسئول الموارد البشرية في الشركة اللي تداوم فيها معاملة وانت شيك على الرقم المجاني للصندوق وعطهم السجل المدني وخلهم يعطونك رقم معاملة الطلب وتراها تنزل على حسابك البنكي مباشرة
اما بالنسبة للدورة فانت تفاهم مع شئون الموظفين او اطلب من مديرك المباشر دورة تدريبية في مجال عملك بشرط ان لا تتجاوز 5000 ريال ،، تقدر تروح انت لاكاديمية الفيصل وتطلب عرض سعر لدورة مكثفة للغة ثلاثة اشهر بقيمة 5000 ريال او تأخذ دورة في المشتريات بقيمة 4500 وهكذا واذا خذيت عرض السعر قدمه لمديرك المباشر ، المشكلة في الدورة لازم ان الشركة هي اللي تدفع قيمة الدورة وتعطي فواتيرها لصندوق الموارد لتسددها الدولة يعني لازم تكون علاقتك حلوه معهم علشان ما يقولون ما عندنا فلوس هالحين ندفعلك للدورات .

بعد اتمام السنة الثانية لك حد اعلى 8000 ريال ( على حسب راتبك الاساسي يمكن تأخذ 6000 او 8000 ريال ) وهذي بعد تنزل على حسابك البنكي مباشرة لكن لازم تقدم طلب فيها
ولك دورات بقيمة 10000 ريال ونفس الطريقة الشركة هي اللي تدفعها ومن ثم تطالب الدولة تسددها فلازم تكون العلاقة سمن على عسل ، بالنسبة للعشرة الالاف تعتبر مبلغ حلو فانت تروح لاحد المعاهد القوية وتبحث في الدورات الموجودة عندهم وخذ عرض سعر في ورقة واحدة لعدد ثلاث دورات بقيمة 10 الالاف وهم اكيد بيعطونك خصم قوي

ملاحظات /
1- الحوافز كمبالغ مادية تعتبر جيدة .
2- حاول تركز في نوعية الدورات اللي تأخذها بحيث تستفيد منها ، لان الدورات التدريبية تدعم سيرتك الذاتية .
3- العلاقة الجيدة مع المدراء تسهل الكثير من الطلبات .
4- حاول يكون عندك قيم تلتزم فيها مثل الجدية والحضور المبكر ولا تتحسف على التزامك الوظيفي حتى لو كان الراتب غير مقنع لأنك لو تتعود على البزوطه مشكلة .
5- بالحضور المبكر والجدية والانجاز في العمل وتطوير الامكانيات بالدورات ستكون لك فرصة للترقي في شركتك او عروووض افضل في جهات اخرى

وبالتوفيق للجميع
[/align]

السلام عليكم ورحمة الله وبركاتة
حبيت استفسر والى راتبة حول 2700 هل لة شي ولا هذا الكلام قبل سنتين تقريبا ولان عاطل
ومسجل اسمى فى الموارد البشرية ومكتوب الحالة (فعال) وويش بيقصدون الحالة فعالة وعلما يوم استقلت من الشركة ما عطوني ولا ريال
وارجو من الاخوان الي عندة معلومة يبلغنا عنها

[align=center]يا اخوان أنا حطيت رقم هويتي طلع لي أنت غير مدعوم

طيب كيف أسجل وأصير مدعوم [/align]

^^^
تروح لصندوق تنمية الموارد البشرية وتقول لهم ابي اتوظف عن طريقكم وبس وهم يقومون بالواجب