مساكم الله بالخير ياشباب
انا عندي موعد بعد اسبوعين انا معاي ثانويه عامه المعدل التراكمي 83.50 ومعاي شهادة حاسب الي لمدة سنه بمعدل 4.98 من 5 قولو ماشاء الله

انا الحين اروح لهم ولا لا لني قريت ناس يقولون النسبه يبون 88 وفوق وقريت ناس راح يدخلون الدورة بصراحه ماني فاهم فهموني تكفون
يعني لورحت لهم وش يعطوني وكيف الطريقه اذا كملت الملف اسلمه لهم وادخل الدورة ولا كيف
تكفون
ولو رحت عندهم وش الطلبات الي يبونهااااا وش يصير معي

روح الله يوفقك
دام معاك شهادة حاسب طالبين نسبتك بالضبط
واللي بدون ثانوي حاف طالبين 88
الطلبات تحصلها اذا طبعت موعد المقابلة ( مهم طباعة موعد المراجعة )

مع ضرورة اصطحاب الآتي:- 1. بطاقة الهويه الوطنية وصورة مكبرة منها. 2. أساس شهادة المؤهل العلمي الذي تم التقدم على الوظيفه بموجبه وصورة مصدقه منه من الجهه التعليمية الصادر منها أما الوثائق الصادرة من خارج المملكة فتصدق الصورة من وزارة التعليم العالي. 3. اساس السجل الأكاديمي للحاصلين على مؤهل البكالوريوس والدبلوم فقط وصورة مصدقة منه . 4. أحضار أساس شهادات الدورات التدريبية التي تم تسجيلها بالموقع وصورة منها مع ضرورة ان تكون الشهادات التدريبية مصادق عليها من الجهه المشرفة على المعهد او الكلية المصدرة لشهادة 5. أساس دفتر العائلة لوالد المتقدم والذي يتضمن أسم الوالدة وصورة منه. 6. عدد 8 صور شخصية شمسية ملونة خلفية بيضاء مقاس 4*6 كاشف الرأس . 7. طباعة هذه الصفحة التي توضح موعد المراجعه وتقديمها مع المستندات السابقة اثناء المراجعة .
تحياتي

بالتوفيق

سلمت ملفي العام الي راح ولاقبلوني

إلي معه ثانوي فقط وماعنده أي شهاده و نسبته أقل من 88 لآ يروح ولآ يتعب حاله بيكرشونه

أنت معك شهادة حاسب يعني بتمشي أمورك ورتبتك إذا توفقت إن شاء الله بتكون جندي أول

أما بالنسبه للي بيخشون الدوره فهذولي الجامعيين دورتهم بتكون الأسبوع القادم بالكليه الامنيه

بالتوفيق متى موعدك