اخوي انت ما توظفة الا انك بالغ وعـاقل
وباين من كـلامك انك انت كبير اخـوانك
والرسول اللهم صلي وعليه قــال
امك ثم امك ثم امك ثم ابـوك
وش اللي تنتظره دامكـ الكبير بينهم وقـادر تقوم بالبيت وبمصروفه
اثبت شخصيتك وكلامك على الوالد الله يهديه
وخلي لكل شي حــد ما نفع معه الحـوار والنقـاش
ضبط اموركـ واستاجر شقه تكــون بعيده عنه
وغير مقر عملك اذا انقبل بعمل ثاني ولا تقول حتى للوالده فيه وانت ســاكت ضبط كــل شي وتـوكل على الله وخـذ اهلك وروح عيش فيها
وادعي للوالد ان ربي يهديه
الله يوفقك

الله يفرج همكم
مثل ماقالوا الحل إنك تتوظف وتطلع أهلك من هالحالة

الحل الامثل ان امك تتطلق الحياة مرة صعبه مع ابوك
مادري كيف صابره؟
وانت اللي تقرر اذا الوظيفه تناسبك او لا مو ابوك
لازم تقوي شخصيتك

انا اقول لك اصبروا ،، وصل قيام الليل ترا سهام الليل لا تخطئ ،، لكن لا تدعي عليه ادعي ان الله يهديه ويفرج كربكم ،،، ما فيه احد يفيدك اكثر من الله ،، ولك من دعاء ،، مهما كان هذا ابوك وهذي امك كلهم عينين بالراس ،،، ولا تخرب البيت وتزيد الطين بله بالشكاوي وتفضحون انفسكم ،،، كل بيت فيه مصايب وانا اولهم واخر موقف اخوي سحبني للقسم بالدوريه وانا مظلوم من الاساس واثق ان ربي ان دعيت عليهم ما بينها وبين الله حجاب لكن قلت الله يسامحهم ذولي اهلي ،،، وليوم ذا علاقتي مع الوالد والوالده رجعت تمام اخواني اللي تدخلوا كلهم ما اكلمهم زادت الفجوة بيننا ليه بسبب سحبة الدورية عرفت ما فيهم خير ،،، شوووف واااحد يشكي اهله ما فيييييييييه خير ،،، ابوك الحين خسر اخوانه ومقهور وانا عارف احساس ابوك أحتويه انت واخوانك ترا يعبر عن قهره عليكم المشكلة نفسيه اكثر ،،، والانسان الغاضب توقع منه اي شيء

وانت ادخل وظيفه حكوميه الشركات ما تأكلك عيش ولا تضمن مستقبلك تقوم حرب و ينهز الاقتصاد كلكم مفصولين واخرتها المشكلة الاقتصادية الاخيرة يا كثر اللي انفصلوا من الشركات ويقولون السعودية ثابته كله كلام اعلام ،،،

لكن دور لك وظيفه حكوميه مدني أو عسكري والعسكري اسرع وافضل من ناحية الراتب ،، منها تستقل وتقدر تسعد اهلك ،،،

وانا اقول لك احتوي ابوووك احتوي ابوووك لا تقول ما اقدر بيدك حلول وتلقى حلول ،،،

لا تسمع اي شخص يقول لك اشتكي وسوي وافعل لا تخرب بيتكم

أقول حبيب قلبي -


هذا أبوك وهذي امك !! يعني انت بين نارين ، تبي تعدل حال شخص , لكن لا تجعله على حساب الآخر فأنت من صلب هذا ومن رحم تلك , لذلك لا تجعل في نفسك أي غل على والدك ، لأن أي والد بيكون بهالحال يمرّ بضغوط نفسيه يمر ، بحاله ما تعلمها انت ؟ وبالنسبة للوظيفة , أنت رجال لك بطاقة وطنية سعودية ، تستطيع ان تتوظف إلا إذا كنت ( فتاة ) الوظيفة , من حقك ومن حقك المشروع ، لكن أحذر كل الحذر أن تقبع في احد السجون، بتهمة العقوق ( لأن بستطاعته ) رفع قضية عليك يجعلك فيها بالسجون لمدة يحددها هو وليس انت ثم تزيد الحمل اكثر ، على والدتك ..


( اعانك الله ) ولكن وددت أني لم أقرا هذا الموضوع لأن هذه مشاكل آسرية يفترض بك أن لا تفصح عنها بهذه الطريقة , التي اعتقد بأنها ساذجة نوعاً ما ..

فأنت رجل ، ان لم تتحمل أنت وتحاول أن تصبر والدتك , فأنت ساذج جداً !!


الأناس في هذه المنتدى , لا يعلمون كيف طريقة تعاملك مع والدك ولا يعرفون كيف طريقة تعامل والدك ، وما يحب وما يكرهه ، لذلك انت من يحدد الحلْ وليس الناس الذين لا يعيشون معكم تحت نفس السقف ..


ياما تصعلكنا وصرنا صعاليك = ويا ما تحملنا الحمول الثقالي
للمرجلة صرنا عبيداً مماليك = وكفوفنا تندى من اول وتالي

عن أذنك..

احنا تعبنا والله من هالحاله ونتمنى اذا طلع يموت بحادث اي شى بس يفكنا من شره اذا طلع اقسم بالله نرتاح نفسيا وكل شى وناخذ راحتنا ويفكنا من طقه وصراخه علينا ويجي من برى وشايفن نفسوه علينا لدرجه اذا طاح شى منك بدون قصد شب علينا صرنا نخاف ونتوقع يسوي فينا شى والله نفسيتي تعبت وامي طول اليوم زعلان وتبكي من اللي شفناه منه ولدي 3 اخوان متزوجين واختي الكبيره متزوجه وصاروا قليل يجون يزورونا بس يسلمون ويمشون في الوقت يكون مو موجود بالبيت لدرجه كلمت اخوي مره ثانيه وقلتله امي تبكي ومو عارف شسوي وابوي لو شافها على هالحاله بيكمل علينا والله ماطلبت منك شى كبير انا (رد علي وقال انا مالي علاقه بمشاكلكم حلوها بينكم ) اقسم بالله ياعالم مو قادر اوقف بوجهه ابوي وكذا مره قالي ان تلعب معي والله ان تتعب يعني مهما سويت وحاولت راح يسوي اللي براسه عمري الان 22 اخر شهر 4 ادخل 23 سنه علم(ن) اني متخرج من عام 1432هــ ولزم علي ادخل بالسلك العسكري وطولي مايساعدني 155 لمده سنتين على هذا المنوال وكانوا اخواني قبل تكبر السالفه مثل منتوا شايفين كلموه وقالوا له العسكريه مو قابلينه فيه وظائف حلوه ونبي نقدم له ووافق على اساس انه كسب قضيه ثانيه بالمحكمه ورحت مع اخوي وقدمت وكانت الوظيفه بعيده شويه عن البيت وكل ماجت عزيمه ولا ضيوف يجونا ولا يزورونا اخواني يقولهم افصلوه لا راتب زين ولا مكان قريب وصار يضغط على اخواني على انهم يفصلوني وكل ماكلمهم يقولو مشغولين بوظيفتنا وماعندنا وقت نفصله ويجلس يكلمني ليل ونهار علشان افصل منها واقسم بالله كان راتبي 2800 والحمدالله كان يكفيني ويكفي البيت وزياده وكنت ادفع من راتبي لاغراض البيت علشان ماتصير مشاكل ويمعني اني اداوم لما صار مديري يتصل علي وياخذ الجوال ويهاوشه ويهدده يفصلني اسئلكم بالله وش ذنبي انا انا ماشكيت ولا مديت يدي لفلان وعلان علشان يوظفوني هي جات من نفس راضيه واقسم بالله كنت مرتاح بوظيفتي وشغلي كويس وكلمني مديري بعد ماكان شغلي حلو ومرتب عندهم قرروا يحطوني مشرف على القسم قبل تهديد ابوي لمديري وتعقدت وضغط وضغط علي لما جاب صاحبي من مديري ورقه الفصل يبوني اوقع عليها وكلمت مديري اني مابي انفصل ووقفت بوجهه ابوي وطقني لما كرهت حياتي وجاب صاحبي ورقه فصلي نهائيا من وظيفتي سجلت بحافز ولمده سنتين عام 1433هــ-1434هـ غير مؤهل وكل ما الحال يسوء والعياره في كل مكان معاي صبرت لاجل امي وما ابي اسبب مشاكل اكثر من كذا وبدت المشاكل الى هالحين وحالتنا حاله واقسم بالله جتني وظائف ويمنعني بسبب انها بعيده ومايبيني ادور رزقي مثلي مثل العالم راحت وجات ماقالت بعيده وكل ماجيت ادافع عن نفسي يسكتني ويكلمني عن المرجله انا ماقلت اني رجال لكن ابسط حقوقي ما خلاني اخذها وهي تحديد ميولي بالظائف اللي انتمي لها لعسكريه من 165 وفوق من وين بجيب هالاختراع بالله تعبت من هالحاله كل يوم عسكريه عسكريه الله يلعنها من مذله ياشيخ وتعقدت من كل شى هذا غير العياره ولد فلان توظف وهذا جالسن عند امه ويقول ابي وظيفه اقسم بالله الي رفع سبع سموات وانزل سبع اراضين انو جتني 10 شركات ورفض يخليني اروح لها وراح اوضحها لكم
(الرميزان-العبيكان-هايبر بنده-هرفي-نجد للحراسات الامنيه-سابك للمقاولين-معهد السعودي للالكترونيات-مساعد اداري مشاريع-مساعداداري بشركه كبيره-مساعد مبيعات-مغذي صرافات)
وارقامهم محفوظه بجوالي مستعد انزلها لكم كمان ايش تبون اكثر من كذا
هو مايشرب الا دخان علبتين يوميا ب18 ريال وهو مايصلي ولا يخاف ربه والكذب يوميا نسمعه منه ويطلع كلام اقسم بالله احنا ولا امي قلناه ويخليها حجه له دايما والمصيبه انو يكذب والناس تصدق كذبته الين ماوصلنا الى هالحاله ويشهد علي الله بالكلام كله انه صدق واقسم بالله ماحرفت ولا حرف

الله يصبرك يا اخوي

بس حاول انك تتصرف

روح للشرطة او للامارة واشتكي عليه

وخذ امك معك

بس لايدري هو عن شي

رووح للامير وقوله احنا جيناك ومانبي نرجع للبيت

انت ولي امرنا دبرنا وشوف لنا بيت يلمنا

اهم شي مانبي نرجع لبيت ابوي

الله يوفقك ويصبرك .

ياخوي تصرف لاتقعد جالس لاين تجي وتحصله ذبح امك ولا وحدة من خواتك

رح دورلك وظيفة في اسرع وقت واستاجر ملحق قريب من دوامك بحيث انك تداوم على رجلك

لاتقول مايكفي الراتب للاثاث ولو غرفة وحدة كل شهر تاثثها المهم ابوك ذا لاتقعد عنده نهائيا
حتى اخوانك لاتقولهم وين مستاجر وعيش حياتك