السلام عليكم ورحمة الله وبركاته
صبحتم بالخير يا جماعة الخير
ومسيتم بالنور والسرور

خروج عن دائرة الحديث والهروب من الحقيقة للوصول للعطالة !
هذرة واجد الله يعينكم علي
ولكن الموضوع اليوم دسم على شركات التوظيف [ بشكل عام ]
ونحن كـ [ باحثين عن العمل ] واتمنى ان يتم النظر للنقطة هذه . .

مستحيل تحصل وظيفة مطروحة من قبل اخوانا الله يجزاهم الخير ماهم طالبين [ خبرة ] !!
الخبرة اتوقع هي التي تبحث عنآ !!
مآ تكفي شهادة دورة يعني !!
للدرجة ذي صارت الخبرة اهم من الدورة او الدبلوم ! !
بعطيكم وظآئف كثيرة مطروحه وعلشآن يكون فيه ثبآت بالموضوع رآح اطرح اثبآت لمدينة الملك فهد الطبية بالريآض
هذآ نموذج للوظائف المطروحةة



ي قدعآن يلهوي : )
خبرة الي مطلوبة 3 سنين والي مطلوبة 7 سنين وآلي وآلي
الحين استفسآر جد لحس مخي
[ الشهادة مب كافية ] ! !
[ الدورة مب كافية ] كاثبات اني قد المسوؤلية ولو مو قدها ما حصلت على الشهادة ليه الخبرة
يعني علشان يجينا جوزيف ولا فرانك ولا من الدول المجاورة ياخي ارحلو وش تبون مزعجينا على وظايفنا ودولتنا
غبنه يوم تشوف ابن البلاد ما يحصل لقمة العيش بينما جوزيف ما يدري وين يصيف السنة هاذي كل ديرة جاها وحاب يطلع ديرة جديده ! !

وعلشان اخوانا ما يقولون مو كل الشركات ولا المستشفيات تطلب خبرة
راح اعطيكم اقل شي
معروضة وظيفة [ معقب ] والشروط خبرة 7 سنين ! !
اتوقع الخبرة صارت شي اساسي وعلشان كذا الموليدين الجدد من يطلع من بطن امه بنوظفه علشان تكون عنده خبرة كافية
صورة للوظيفة المذكوره ^









+
الراتب يبدء من
الراتب : يبدأ من 4800 حتى 7000 , وذلك حسب سنوات الخبرة والشخصية
حنا عارفين لو يعجبهم العجب مب راح يوصلونه ل 5000 لذالك سبع سنوات خبرة كحد ادنى والراتب 5 الاف خل اقول 7 الف ! !


ي رقالة ي رقالة ارحلو خلونا نسنع انفسنا بديرتنا وربي قهر يوم تشوف غيرك ماسك مكانك بالدولة
لا احد يقول مب حقين عمل عطني العمل انا يا صاحب الموضوع وشوف قد العمل ولا لا
لا تقول لي خبرة لاني لو توظفت خلاص بطور نفسي بوظيفتي ليه افصل علشان احصل على خبرة ! !
اطور نفسي بالوظيفة الين امسك الادارة


نقطة اخيرة وهمسة لطلبة الخبرات ! !
علشان تتوظف لازم يكون عندك خبرة ! !
وعشان يكون عندك خبرة لازم تتوظف ! !
من انتم
نفسي اشوف اي دارة اجيها ما احصل فيها اجنبي كلهم سعوديين ان شاء الله يتحقق الطلب بعد سنة [ ضوئية ] باذن الله

واخر وليس اخيرا
دعوتي لكم ان الله ييسر لكم اموركم ويرزقكم برزق لا يسد له باب
ويجعل الفردوس الاعلى داركم بالاخرة


تحملو قلمي وكلامي
واتاسف كثير الاسف اذا غلطت على احد او اصحاب الشركات
ولكن ما يصح الى الصحيح
ومن يزعل من الحقيقة ! !

وهذا وصلى الله وسلم على سيدنا وحبيبنا محمد عليه افضل الصلاة والتسليم
اخوكم من خلف القبضان/ اقصد من خلف الشاشة
[ برب تيت ] يعني متواجد وطالع نفس سالفة خبرة وظيفة وظيفة خبرة

كلامك سليم وفي الصميم دائماً يطلبون خبره حتى لو الوظيفه ماتستاهل اهميه

اوقات افكر اني اشتغل اي شغله لو الراتب مو زين اهم شي احصل خبره سارت مهمه مثل باقي الشهادات اعتقد

وفي استفتاء لموقع وظيفة كوم قبل فتره كان السوال ماهو العائق امامك للحصول على وظيفة وثلاث اختيارات اعلى اختيار كان طلب شهادات خبره

فعلاً الكل يعاني هذا عائق كبير اذا هي وظيفة معقب واداري يعني وظائف بسيطه يطلبون خبره !!!!

لو الوظيفه هي طب ممكن كهرباء ممكن يعني لو يخطئ يجيب مشكله لكن وظائف سيئة ورواتب متدنية
ولهم وجه يطلبون خبره !!!

انا الحين مرشح لوظيفه خدمة عملاء في شركة دوام شفتات و ٨ ساعات وراتب ٢٦٠٠ وبعد ثلاث شهور ٣٦٠٠ الصافي بعد التامينات وغيره تقريباً ٣٣٠٠ ايش رايكم برغم من التحاقي بالوظيفه رح التحق بصندوق الموارد البشريه بس ٣٣٠٠ !!!!

المفـروض المعاهد والجامعات اثناء درسات الطلاب
يكـون فيه تدريب عملي
يعني يكـون فيه اتفاق مع مجموعة من الشركـات او بعض الدوائر الحكومية
انه فيه سنة قبل تخـرج الطالب يبدا فيها تطبيق الاعمال اللي كـان يدرسها
ويـكتسب الخبره منها والعمل الفعلي
واذا تخـرج من الجـامعه او المعهد تكـون معه خبره لمدة سنة اللي قضاها بفترة التدريب والتطبيق العملي
اذا تخرج يكـون بيده شي من الخبره فاكر شي اشتغل عليه يقدر يسابق على الوظـائف المطروحه
بس للاسف ما شفت هـذا الشي اللي المفروض يطبق ويبدا العمل فيه
وش ذنب اللي تعب بدراسته واجتهد ويفرح اذا شاف مسابقة وظيفية
وبلاخير يتحطم بسبب خبره سنه وما فوق
والله شي يقهر وحــرام اللي نشوفه
طلب خبره اقل شي سنتين طيب والمتخرج ؟؟؟
الله يعطيك العافية على الطرح القيم

وعليكم السلام ورحمة الله وبركاته..

شوف اخوي انا ابي اختصرها لك هذه اخطاء تراكميه من عدة جهات

وفيه البعض يحتاج الي خبره ففي المجال الطبي اتوقع لو تبي تروح تسوي اسنانك اول شئ تسال الدكتور هذا جديد او قديم قديم =يعني عنده خبره
ع العموم توجد بعض الوظائف لا يسمح فيها ان الواحد يجي يتعلم اذا كان الخريج له 6 سنوات عاطل هل تتوقع انه يتذكر 50 % من الي درس

لاكن بعض الوظائف استغرب من وجود الخبره لديها

طبعا المواطن ليس له ذنب في انه ما توظف لاكن الحل موجود مثل الي يبي خبره نقوله خبره ما فيه يجب عليه اختيار الاشخاص واخضاعهم لدوره تدريبيه في اختصاصه لمدة 3 اشهر بعدها يا يرسمونه او يجاب بديل له

هذا من وجهة نظري