هذا الخبر طلع باصحف عام 2011 م بس لازال قيد الدراسة


التربية تقرّ التوظيف الجزئي .. ووظيفة واحدة لكل معلمتين براتب 3750 ريالا



علمت مصادر أن وزارة التربية والتعليم ستقر التوظيف الجزئي على الوظائف التعليمية للنساء من خلال دراسة الوضع مع عدة جهات حكومية اخرى منها المالية ،ووزارة الخدمة المدنية بحيث يتم توظيف معلمتين على رقم وظيفي واحد بشكل اختياري مقابل راتب شهري لكل معلمة في اول مربوط يصل الى حوالى 3750 ريالا،ويتيح هذا التنظيم لصاحبات الظروف الخاصة الدوام المخفض بحيث تداوم يومين في اسبوع و3 ايام في الاسبوع الاخرى وهكذا بالتدرج ،واكدت المصادر ان كل معلمتين سيكون لهما حسميات من التقاعد للاستفادة من الراتب بعد التقاعد . من جهة أخرى طلبت وزارة التربية بحسب المدينة من كافة ادارات التربية والتعليم الرفع باسماء المتعاقدات على وظائف محو الامية للكبيرات من اجل تجديد عقودهن اعتبارا من 15 رجب للعام الدراسي الجديد.




اتوقع انة راح يوظف كل العاطلات والمراءة مو محتاجة راتب ظخم مثل الرجل بالاظافة انهم راح يعطونها ايام راحة خصوصا لوكانت متزوجة تتفرغ لبيتها وعيالها اوانها متعينة بمنطقة بعيدة تريح كم يوم






انا عني اايد القرار وبشدة بس لو اني اداوم ترم والموظفة الثانية تداوم الترم الثاني احس كذا انضم لي ولها وعشان مانظلم الطالبات كل يومين معلمة

ايضاً لانة اختاري مايجبرونك تتوظفين جزئي تبين تتوظفين كذا اوصفي مع الي يبون وظايف دوام كامل






انتم يابنات ايش رايكم لو تتوظفون بهالطريقة بدال ماتروح اعمارنا على امل تجي الوظيفة او ماتجي

لاااا معليش راتب ماوصل اربعة وش يسوي
الحياة غالية وخاصة إذا وظفوك برا مدينتك يبي ايجار سكن وسواق ومصاريفك الثانية راح الراتب كله

أنا ضد هالقرار وبقووه
الدولة مو عجزانة تستحدث وظائف وتوظف جميع الخريجات برواتب تناسب شهادتنااا

امااا الراتب ماوصل اربع الاف لاوالله من حقي استلم وظيفه وبراتب كامل مثل غيري


كثيررر موظفات والله رواتبهم مو كافيه لأخر الشهر كيف تقولين الحين اقل من اربع الاف...؟

اشكر جدا تفاعلكم مع الموضوع


انا معكم انة يبي لة تعديلات خاصة الراتب والدوام يومين وثلاثة اوف بيصير فوضى


لكن الي نقاطها قليلة يبلها كم سنة عشان تتعين هذا اذا عينوها لان الاحتياج قليل جدا يعني لو الي عينو هالسنة 4000 راح يصيرو 8000 لو طبقو القرار

انا عني جغرافيا ونقاطي 77 ولي سبع سنوات متخرجة وواقفة النقاط على قسمي 85 يعني متى راح اتعين مليت من جلسة البيت والحاجة وكل من شافني ماتعينتي كنة بيدي التعيين الله يعين


وعلى العموم هم مايجبرون الوحدة انة تقاسم الوظيفة


لكن انا حبيت اشوف وجهة نظركم يمكن تنفع لو طبقو الشروط الي نطلبها

لا بصراحة ماأرضى
غيري أعمارهم فوق الخمسين وصحتها على قدها وراتبها ماشاء الله ولاهي مكتفية وأنا في هالغلا أرضى بـــ 3 الاف وشوي !!!!
والدولة مو عجزانة عن توظيفنا لكن الواسطة والمحسوبية اللي بتدمر الشعب المسكين حسبي الله على الظالم والله ينتقم من كل من وقف في طريق توظيف الخريجين والخريجات