22-02-2013, 02:37 AM
|
 |
عضو متواصل
|
|
تاريخ التسجيل: Sep 2012
المشاركات: 107
معدل تقييم المستوى: 26
|
|
اقتباس:
المشاركة الأصلية كتبت بواسطة جنوب الرياض
فعلا كلامك صحيح إذا الاثنين عاجبهم السعر ولا في ظرر على احد كيف يكون حرام
|
السلام عليكم ..
يخوي الربا ما فيه ضرر على أحد ويكون بإتفاق الطرفين ومع هذا حرام ومن الكبااائر
والزنا كذلك باتفاق الطرفين ومع هذا حرام ومن الكبائر وشراء الخمر وشربها باتفاق
الطرفين ومع هذا حرام ومن الكبائر لا تخدعون انفسكم انا كنت خادع نفسي قبلكم
انا كنت افكر فيها وشفتها شغلة مربحة وكلمني بنقالي عن الموضوع وقال لي أنا
أشتري منك الفيزا وأزيدك 5 آلاف وأبغى أجيب اخواني واقاربي المهم ازيدك على
كل فيزا 5 آلاف مكسب لك فقط .. واذا تبغا تكفلهم على المؤسسة وتخليهم يشتغلون
برا اخليهم يتفقون معك كل شخص يدفع لك 300 ريال شهرياً قلت كم العدد طيب
يجون 15 أو 20 ؟ قال انت المدير لو تبغى 100 واحد جاهزين .. والله طمعت وفكرت فيها
كثير يا ولد بس افتح لي مؤسسة مقاولات واجيبهم يصير راتبي 30 ألف والله طمعت
استغفر الله خصوصاً اني حارس امن .. لكن سألت من هنا ومن هنا طلعت حراااااام
وغير هذا مع إن هذا هو الأهم لكن غيره ان أغلب من تاجروا فيها متفقين ان الفلوس
ما فيها بركة وانها تطير بسرعه وتجيب لك الحسرة ..
( ومن يتقي الله يجعل له مخرجاً ويرزقه من حيث لا يحتسب )
تعرف وش معنى (من حيث لا يحتسب)!!!!
وانا والله أخجل اذا سألني الله يوم القيامة من أين لك هذا المال ؟
والله ياربي جبت بنقالية على كفالتي وهم يكدحون يعطوني كل شهر وانا جالس
في البيت لا شغل ولا مشغلة !!
شرعياً إكس على هذي الشغلة ... حرام ..
نظامياً إكس على هذي الشغلة .. ممنوع ..
اقتصادياً إكس على هذي الشغلة .. الفلوس تطير ..
اخلاقياً إكس على هذي الشغلة .. مثل التجارة بالعبيد ..
وسلامتكم
|
العرض العادي
