[align=center]السلام عليكم ورحمه الله وبركاتة

الله يعطيكم الصحة والعافية عندي استفسار بخصوص


الموضوع وما فيه :

انا شغال بشركة صغيرة عبارة عن مصنع بالدمام صار لي تقريب سنة براتب 3000 - مخصوم التأمينات الراتب الصافي = ( 2730 ) وقبل شهر طلب مني المدير اروح مركز التأهيل الشامل لدوي الاحتياجات الخاصة اجيب مثل التعريفة باني مسجل بالمركز

# (المهم استفسرت من المركز هناك وقال لي اهو بيستفيد من الورقة دي انه بيعطوه 4 عمال تقريبا )

المهم المدير لما سئلته عنها ليش ؟ قال ضرورض والتأمينات طالبتها علينا وممكن تجي غرامات على الشركة بسببها ( وهدد بأيقافي وسحب بطاقة التأمين الطبي )

# (ورحت التامينات الاجتماعية واستفسرت قال لي : لا ما نطلبها من الشركات وغير ملزوم بها انت لما تعطيها اياه يستفيد منك بأنك شغال عنده عن 4 عمال سعوديين بالشركة واطلب منه يزيد راتبك او ينقص ساعات الدوام )

ورحت بعد مكتب العمل الدمام ملاحظة ( ما شفت اي اهتمام ابد الموظف الاول الي اهو *** جاوبني بالاول وبعدها طلع من المكتب وراح يسولف مع بنت وضل يسولف معاها ويتمشى معاها وحقر الموضوع والثاني ما لقيت منه جواب ابد وكانه مع الشركة علي )

المهم مكتب العمل كان جوابهم من موظف عادي : بانه انت مسجل بالشركة دايركت انك من ذوي الاحتياجات الخاصة وانت عن 4 عمال بالشركة ما تحتاج دي الورقة !!!
قلت طيب ليش يبي الورقة وملزم اعطيها وياه واهو ما بيفيدني يبي يستفيد اهو بس قال اعطيها وياه حتى لو ما زاد راتبك او استفدت منه اي شي !!!



ف ابي استفسر عن هذا الموضوع

ايش تستفيد الشركة من دي الورقة الي من المركز ؟
واقدر اعارض ولا اسلمه الورقة الا لما يزيد الراتب مثلا ؟
واذا وقفني عن العمل او سحب بطاقة التامينات اقدر اشتكي عليه ولي الحق ولا انا ملزوم اعطيها وياه ؟



وشكرآ
[/align]