[align=center]السلام عليكم

انا تخصصي ادارة اعمال من جامعه الامام وطبعا غير تربوي وبالاصل هالتخصص غير تربوي سواء انتظام او انتساب لان ماطبقنا ولادرسنا مواد تربويه

سمعت خبر ان ممكن نتوظف معلمات في مدارس المقررات فقط بحكم انهم بينزلون مواد خاصه بالعلوم الاداريه < غير متأكده من المعلومه حكي ناس فقط

وتفاجأت ان جدول التخصصات المعدة للتدريس للدخول للكفايات من ضمنها ادارة عامه + ادارة اعمال
ولما سجلت بكفايات واخترت التخصص طلعت لي نافذه كاتبين اذا تخصصك ادارة عامه او ادارة اعمال اضغط موافق > تأكيد لجدول التخصصات

سؤالي
بحثت كثير في النت ولقيت كلام ان غير التربويات مستحيل يتعينون معلمات الا اذا اخذوا تربوي
وفي الجدول كاتبين الاولويه للتربوين او من معهم دبلوم تربوي
طيب ادارة اعمال بالاصل تخصص غير تربوي + لو اخذت دبلوم تربوي مابيفيدني كثير لانه تخصص ليس للتدريس لكنه مستحدث حسب ماقريت ..
يعني ماظن فيه احد تخصصه ادارة اعمال وماخذ دبلوم تربوي قبل الكفايات
انا اللحين ضعت سجلت في الكفايات بناءا ع جدول التخصصات
واللحين مدري ادخل الاختبار او لا ..!!
اخاف يصير مضيعه وقت او تحصيل حاصل وفوق هذا الكلام بالنت كثير محبط وترددت بسبب تخبطات التوظيف

[/align]

لا اعلم حقيقه عن تخصصك شي لكن من رائي دامك تريدين العمل فى قطاع التعليم
انك تاخذين دبلوم تربوي لاتقولين ماينفع ينفع ان مكان عشان تتوظفين حتى بكرة اذا توظفتي تعرفين تتعاملين مع وضعك كامعلمة ومربيه وايضا كاداريه فى قطاع التعليم

لان اصلا التربوي ماله علاقة بالتخصص بقدر ما له علاقة بالتعليم والعمل فى القطاع التعليمي بشكل عام

يعلمك كيف تعمل المنظومة التعليمية وكيف تتعامل مع الطلاب فى المواقف التعليميه المتنوعه
وكيف تكون اداري تعليمي ناجح غير علم النفس وطرق التدريس وتجهيزك كاشخصيه معلم ومربي عشان كذا التربوين مفضلين فى وزارة التعليم

انا فاهمه وش يعني التربوي لكن انا اقصد الفتره هاذي
اقرب للمستحيل احد تخصصه ادارة اعمال ومعه دبلوم تربوي
هل بيتم التنازل عن التربوي لـ الاحتياج او شنو ..!

بيانكا تفائلي خير يا أختي ..


أولا مسموح للتربوي والغير تربوي دخول اختبار كفايات

ثانيًا تخصصك ضمن التخصصات المعدة للتدريس

ثالثًا لو دخلتي نظام جدارة كاتبين بالأحمر إنه أي لابد من اختبار كفايات للمعلمات وماحددو بالصريح تربوي أو غير تربوي.


وبعدين معلومة.
قديما كانوا يوظفون الغير تربويات على المستوى الرابع (مستوى وليس مرتبة) والتربوي أكيد على المستوى الخامس.


هل ممكن يستحدثون وظائف تعليمية على المستوى الرابع؟ الله أعلم لكن مافي شيء مستحيل او مايصير!!


وعمومًا أنتِ المستفيدة لو درستي دبلوم تربية حتى لو صار توظيف تستحقي المستوى الخامس.


والأهم من هذا كله.. يكون لك رغبة (تعليمي).


والثانوي نظام مقررات يدرسون علوم إدارية ب4مواد (راجعي المواقع المختصة بالمناهج) شوفي كتبهم نفس اللي درستيه بس إنتِ على أعمق (تخصصي أكثر).



وش رأيك؟ وش قررتي؟ ممكن تستفسري من الخنين على حسابه بتويتر. والله يوفقك.

السلام عليكم

حبيت افيدك انا درست تربوي السنه اللي فاتت
وكان معانا ثنتين اداره مدرسات اداره عامه في منهج المقررات
يعني سجلي واختبري وحاولي تاخذي تربوي
الله يوفقك وييسر لك امرك

حبيبتي في تخصصات كثير غير تربويه مثل الكيمياء والأحياء انا اخت زوجي احياء والثانيه كيماء ما درسو تربوي الاحياء طبقت في مختبرات المستشفى والكيماء كملت تربوي بعد ماخلصت الجامعه رجعت وكملت ماجستير
اذا تبغي تتوظفي معلمه لابد من حصولك على الدبلوم التربوي ولكن ادخلي كفايات عادي واختبري لان المهم نتيجتك فيه واذا اشترطو الدبلوم التربوي ادرسيه بس المهم تعدي اختبار كفايات بنسبه طيبه
واتمنى لي ولك وللجميع التعيين

لي صاحبات تخصصهم ادارة اعمال واخذوا تربوي واختبروا كفايات
والحين تعينوا كأول دفعة تتعين معلمات ماشاء الله تبارك الله
وكثير ندمانة اني مادرست تربوي
وان شاء الله ادرسه العام القادم
والله يوفق الجميع