هذا مشروع كان في بال وحدة من زماان وهي ماعندها عضوية بالمنتدى
لذلك طرحت الأسئلة نيابة عنها : وتحملوا كثرة الأسئلة واحتسبوا أجر المساعدة: جاوبوا لو على بعض الأسئلة المهم لاتطنشون الله يرضى عليكم ويوفقكم

عندها مبلغ 20 ألف فقط وبتجيب سيارة عائلية وبتجيب سواق يووصل عليها


1/كم تكلف نقل الكفالة؟

2/هي تفضل الجنسية السودانية لأنه يعرف العربي ولأن السوداني أفضل من اليمني لكن كم تعطيه راتب؟

3/هل سكن العامل عليها ؟ ولا غير ملزومة فيه بما أنها تدفع له راتب فهو يوفر لنفسه سكن ويستأجر؟

4/هل يكون له رخصة أو تصريح ولا يسوق السيارة عادي ؟

5/بما أنها امرأة ولاتستطيع مراقبته فهي تقول ستتبع طريقة تشترط عليه أن يجيب لها مبلغ معين يوميا والباقي له + تعطيه راتب
لأنها لو قالت كل ماتجيبه لي يقدر يكذب عليها ويعطيه مبلغ قليل يقول هذا اللي جبته اليوم
س/ طيب تقوله تجيب لي في اليوم كم ؟ 100 ريال ولا أقل ولا أكثر؟

6/وبما أنها في مكة وش رايكم تقوله في الحج ورمضان لازم تجيب لي في اليوم كم؟ 1000 ريال ؟
والصيفية كم يجيب يومية؟
هل يحتاج تصريح اذا يوصل الحجاج ؟ بس احنا نشوف اسخاص بسياراتهم الخاصة أو حتى باصات يوصلون في الحج بس مايدخلون أظن المشاعر صح؟

7/طيب توصيل بنات الجامعة هل يأخذ من بنات الحي فقط؟ طيب لو الحي ماجاءت غير وحدة. وش يسوي يأخذ من الأحياء البعيدة شوي ولا كيف؟

8/كيف تعرف أنه أي خراب في السيارة كان متعمد أو إهمال منه ؟

9/عطوني مواقع تعلن فيها.

10/ماهي تكاليف الاقامة وتجديدها والرخصة وغيرها يعني هي سنوية ؟ كم تكلف ؟

11/هي ماعندها لامؤسسة نقل ولا شيء فهل لو قبض على السائق لاقدر الله وش العقوبات؟

12/ لو فكرت تستأجر سيارة تستأجرها باسم أي أحد يقرب لها أو باسم السائق ؟ ولو السائق فعل شيء بالسيارة المحل اللي استأجرت منه بيحاسبها هي ويقاضيها؟ ولا على السواق

الشغله تحتاج متابعه فكري بحاجه بسيطه تقدري تديريها بنفسك . اقترح عليك فتح محل اصلاح كمبيوترات للنساء

والله ماعندي خبرة في هالموضوع. لكن المبلغ مايكفي سيارة عائلية وفيزة سواق كمان.
فيه نقطة انا ماارتاح لها. ان صاحب المشروع يطلب من السايق او العامل مبلغ كل يوم وهو ياخذ الباقي. ترى فيه ظلم لك. او له.
رأيي تحدد له مبلغ مثلا ١٨٠٠ اذا كان مو على كفالتها. او راتبة المعروف لو كان بفيزا.
لو قررت وبدأت. خليها تكون قوية الشخصية ومحترمة معاه وماتظلمه وتهينه. وتستخير قبل تبدأ وربي يوفقها.

كمان لازم تستشير رجل عاقل من معارفها افضل.

وبانتظار البقية

يااخوان
الاخت متأملة فيكم خير تردون وتساعدونها لو بفايدة واحدة

والله يا اختي نصيحة لوجة الله الشغله هذي متعبه خصوصا لما تتابعها امراه لان بيدخلها في متاهات كثيرة وثانيا اذا صار حادث لاقدر الله بيتحمل الكفيل الا اذا السواق عنده تأمين .. لكن سيارتك انتي بتتحملي تصليحها .. بالاضافة لساهر ومخالفات المرور .. الافضل مبلغ 20 الف هذا تاخذي فيه شي نسائي وتبحثي عن افكار تقدري تشتغلي فيها بنفسك .. والشباب والبنات هنا ماراح يقصروا بنصحهم لك ..

جزاكم ربي الجنة

اقتباس:

المشاركة الأصلية كتبت بواسطة lg_lg والله يا اختي نصيحة لوجة الله الشغله هذي متعبه خصوصا لما تتابعها امراه لان بيدخلها في متاهات كثيرة وثانيا اذا صار حادث لاقدر الله بيتحمل الكفيل الا اذا السواق عنده تأمين .. لكن سيارتك انتي بتتحملي تصليحها .. بالاضافة لساهر ومخالفات المرور .. الافضل مبلغ 20 الف هذا تاخذي فيه شي نسائي وتبحثي عن افكار تقدري تشتغلي فيها بنفسك .. والشباب والبنات هنا ماراح يقصروا بنصحهم لك ..

اذا التأمين يجوز مو حرام بتستخدمه

اما ساهر والمخالفات تخصم من راتبه
هي ماعندها مشروع يدر دخل ثابت ومضمون وغير متعب غير هذا

اقتباس:

المشاركة الأصلية كتبت بواسطة االمستكشف 11/هي ماعندها لامؤسسة نقل ولا شيء فهل لو قبض على السائق لاقدر الله وش العقوبات؟ اذا على كفالتها والسياره باسمها وش المشكله

لا هي تقصد هل في عقوبات لأنه ينقل ؟ يعني شغلة نقل لازم مؤسسة ولا عادي تشغل سواقها؟

اهلا اختي

بخصوص نقل الكفالة هذه شروطها

الأوراق المطلوبة لنقل كفالة سائق خاص على إمرأة كفالة فردية

طبعا يتم نقل الكفالة عن طريق الجوازات دون الرجوع لمكتب العمل

1-المطلوب من الكفيلة أو الكفيل السابق
تنازل عن خدمات السائق لصالح الكفيلة الجديدة من الجوازات اومقرالعمل

المطلوب من الكفيلة الجديدة
1- صورة كرت العائله أو الهوية الوطنية طبعا مع احضار الأصل للمطابقة
2 - إحضار مايثبت الحالة الإجتماعية - إما أن تكون أرملة أو مطلقة أو متزوجة من مقيم
3 - تعريف بالراتب اوكشف حساب لثلاث شهور (فيجب أن يكون هناك دخل شهري)
4-تعبئة استمارة الجوازات مع ارفاق صورتين شخصية للسائق.(طبعا صور حديثه)
5- إحضار اصل التنازل .
6-صورة الاقامة والاصل ساري المفعول.
7-صورة الجواز والاصل ساري المفعول.
8- إذا كان السائق المراد نقل خدماته سبق وأن نقل خدمته ودون ذلك في جوازات سابقة فيجب إحضار جميع الجوازات السابقة .
9- تسديد رسوم الدولة للمرة الأولى 2000ريال وللمرة الثانيه 4000 ريال وكذلك الثالثه 6000 ريال وهكذا
10- تسديد المخالفات أيضا إن وجدت مخالفات .

ملحوظه
طبعا إذا كان عندك سائق غير هذا السائق اللي راح تنقل كفالته عليك فيجب إحضار إثبات مقدرة مالية وسبب إحتياجك لسائق ثاني وهي كالآتي :
1-وجود أبناء بالمدارس أو بنات غير متزوجات يعملن .
2-اعالة الوالدين أو أحدهما .
3-وجود أحد أفراد الأسرة الذين تعوليهم يعاني من العجز أو المرض لاقدر الله.(طبعا إحضار إثبات طبي)
والافضل تعطينها مكتب خدمات عامة يخلصها لك

الراتب من 1000 ريال الى1500 اذ هو على كفالتك لانك تتحملين جميع تكاليف اقامته وسكنه وان لم يكن على كفالتك فراتب سوف يرتفع لانه هو سيتحمل تكاليف اقامته وسكنه

لازم رخصة وتصريح ولكن الاغلبية شغالين بدون تصاريح