هذا مشروع كان في بال وحدة من زماان وهي ماعندها عضوية بالمنتدى
لذلك طرحت الأسئلة نيابة عنها : وتحملوا كثرة الأسئلة واحتسبوا أجر المساعدة: جاوبوا لو على بعض الأسئلة المهم لاتطنشون الله يرضى عليكم ويوفقكم

عندها مبلغ 20 ألف فقط وبتجيب سيارة عائلية وبتجيب سواق يووصل عليها


1/كم تكلف نقل الكفالة؟

2/هي تفضل الجنسية السودانية لأنه يعرف العربي ولأن السوداني أفضل من اليمني لكن كم تعطيه راتب؟

3/هل سكن العامل عليها ؟ ولا غير ملزومة فيه بما أنها تدفع له راتب فهو يوفر لنفسه سكن ويستأجر؟

4/هل يكون له رخصة أو تصريح ولا يسوق السيارة عادي ؟

5/بما أنها امرأة ولاتستطيع مراقبته فهي تقول ستتبع طريقة تشترط عليه أن يجيب لها مبلغ معين يوميا والباقي له + تعطيه راتب
لأنها لو قالت كل ماتجيبه لي يقدر يكذب عليها ويعطيه مبلغ قليل يقول هذا اللي جبته اليوم
س/ طيب تقوله تجيب لي في اليوم كم ؟ 100 ريال ولا أقل ولا أكثر؟

6/وبما أنها في مكة وش رايكم تقوله في الحج ورمضان لازم تجيب لي في اليوم كم؟ 1000 ريال ؟
والصيفية كم يجيب يومية؟
هل يحتاج تصريح اذا يوصل الحجاج ؟ بس احنا نشوف اسخاص بسياراتهم الخاصة أو حتى باصات يوصلون في الحج بس مايدخلون أظن المشاعر صح؟

7/طيب توصيل بنات الجامعة هل يأخذ من بنات الحي فقط؟ طيب لو الحي ماجاءت غير وحدة. وش يسوي يأخذ من الأحياء البعيدة شوي ولا كيف؟

8/كيف تعرف أنه أي خراب في السيارة كان متعمد أو إهمال منه ؟

9/عطوني مواقع تعلن فيها.

10/ماهي تكاليف الاقامة وتجديدها والرخصة وغيرها يعني هي سنوية ؟ كم تكلف ؟

11/هي ماعندها لامؤسسة نقل ولا شيء فهل لو قبض على السائق لاقدر الله وش العقوبات؟

12/ لو فكرت تستأجر سيارة تستأجرها باسم أي أحد يقرب لها أو باسم السائق ؟ ولو السائق فعل شيء بالسيارة المحل اللي استأجرت منه بيحاسبها هي ويقاضيها؟ ولا على السواق