انا تربيه فنيه بجامعة الملك سعود بالملز بعد المغرب الله يسهلها لنا جميعا

الله يوفقكم يارب ويسهل امركم

امين يارب
بنات هذا الرابط ينفعنا
http://www.qiyas.sa/Tests/ProfessionalTesting/Pages/********Test.aspx
ادعوا لي تكفون ان ربي يسهل علي واعدي الاختبار واتوظف لو بالخرخير
اللي تقولين يارب يلغون الاختبار والله ماظنيت تجي منهم ماهي عادتهم الكرم لكن جعلها حرام عليهم
وانتي اللي معي بالاختبار وبتعرفيني من خشتي ازهليها مانيب فاسخة النقاب فيني خلقة تفجع الجن من الهم

دعواتكم

وراهم ياكافي حاطين نجوم بالرابط !!
حطوا ذي الكلمة بدال النجوم ******** تراه موقع قياس ماهوب *********

وش السالفة ؟
ماعليه قوموا صلوا

هدف الاختبار:

يقيس اختبار المعلمين مدى تحقق الحد الأدنى من المعايير التي ينبغي توفرها في المتقدمين لمهنة التدريس، بما تشمل عليه من معارف وعلوم ومهارات تغطي الجوانب الأساسية للمهنة. وتستخدم نتائج الاختبار لأغراض عدة؛ منها استخدامه في عمليات الانتقاء والمفاضلة للوظائف التعليمية من قبل الجهات المختصة بوزارة التربية والتعليم .

الحمدلله عدى الاختبار امس على خير

لكن مادري متى تتوقعون النتايج قبل الدفعة الجاية او بعدها ؟؟

الحمد لله الذي لا يحمد على مكروه سواه
الاختبار والحوسة والزحمة والهوى اللي اكلناه في خشم العان وبالتحديد في ثانوية ام حبيبة لا يمكن نسيانه .. التنظيم جميل من ناحية الاشرطة اللي ملصقيننها على الطاولات عشان كل وحدة تمسك دورها ماعليه خلاف والقاعة كانت كبيرة لكن انكتمنا ماهنا متنفس يهب منه
اللي ماعجبني عدم التزامهم بالتوقيت انا يسموني البريطانية وادخل على اساس أن الاختبار على قولتهم بعد اذان المغرب بنص ساعة ويقومون يلطعونا الين الساعة 7 ونص، وفوق هذا مخلينا نقفلين جوالاتنا بعد ماصلينا المغرب وتقعد جوالاتنا مقفلة الى الساعة 10 !! بالله يعني حنا ماورانا اهل يقلقون علينا ؟
لقيت مية رسالة موجود من امي والسواق واخواني يحسبوني انصرعت بالقاعة لان خبرهم فيني ماتحمل الاختبارات من يومني اولى ومواصلة يوم ونص من الهم والعايلة مجتمعين عندهم عزيمة هههه يعني شوفوا التوقيت بس قالوا بنخليهم يدفعون 200 لقياس يمكن يرفضون ويقعدون ببيوتهم ونقوم ندفعها قالوا بنخلي الاختبار يوم الخميس ماهوب الصباح الا المساء يمكن يقعدون عشانه يوم سهرات وجمعات والا والله ماااش مصرين نتوظف عجزوا فينا
الحمدلله عدى الاختبار على خير صحيح ان كل ماحكتني اذني والا يدي مايمديني احكها دقيقة تروح علي تفوت علي سؤال حاطين 130 سؤال ساعتين ونص والله مامدانا ناخذ وقتنا بالتفكير خاصة بالاسئلة المنطقية والحساب
انا موقعة على شي واعدت كتابة سطرين كاتبينها هم لنا من قياس فيما معناها ان اي تسريب من طرفي للاسئلة او اي شي يقولون بي وانا عاد اباري الساس ودي اتوظف والا كان علمتكم بالاسئلة الكوارثية
اللي بيختبرون بعدنا اوصيكم بتقوى الله اولا ثم بمراجعة كتب طرق التدريس من الجلدة للجلدة اغلب الاسئلة جاية منه
وفقنا الله واياكم

سؤال وجيه ياسفيرة التطوع
اتوقع مافي نتايج الاختبار امتصاص لغضبنا كعادتهم مثل الاختبار اللي سويناه عشان لقاءات التابع لحافز اختبرونا وبهذلونا ولا وظفونا ولا صرفوا لنا حافز .. مدري وش مسوين لهم حنا بدل مايعوضوني عن 10 سنين عطالة يقمون يحرموني من حافز ويدفعوني 200 ريال لقياس ، اللهم أنا نسألك الجنة

ههههه
الله يسعدك ويوفقك
ان شاء الله تكونين وصلتي للمكان بسلام