موضوع الاجانب عندنا شئ مانقدر نستغني عنه وان استبعدناهم من مكان معين لكن في مكان اخر مانقدر نستبعدهم ..

وفعلا الانسان رزقة يجده في اي مكان وهالاجانب لهم رزق عندنا مكتوب من ربي ولازم ياخذونة ..

بس عندي ملاحظة على السعودين والسعوديات ( بعضهم ) مايعرفون اداب العمل والامانة ,,

هذا الشئ الوحيد الي يفتقدونة او الي ينقصهم بعضهم مو قصة انهم ما يعملون او ماعندهم رغبة بالعمل لكن ماعندهم أمانة واخلاص في العمل بالاضافه الي الادب والاسلوب في التعامل غير موجود عندد البعض ..

بقول اشياء شوفتها بعيني لمى صارو الحريم يشتغلون في محل المكياج وغيره والله يا محلات المكياج صارت دمااااار وين الامانة في العمل خسرو صاحب المحل والله العظيم ان البودرات الماركة منثرة بالارض والمناكير كل من دخل قاعد يلعب فيه والله ان البنات نفسهم الي يعملون يلعبون في المكياج والزوار في السوق الحريم يدخلون بالمحل يتمكيجون ويطلعون ( وش هذا التصرف هو انتقام )

ومحلات البودي شوب في سعودين يشتغلون فية قاعدين يضحكون صوتهم واصل للبوابة وين الادب واحترام المكان وفي نفس المحل فيه مغاسل عشان الناس تجرب الصوابين وكذا والله العظيم ان المغسلة كل من دخل قاعد يلعب بالادوات لدرجة اخوي الصغير نشوفه رايح جاي هناك مستغربين وش يسوي اثاريه قاعد يغسل من علبة كبيرة صابون وجمبو مرطبات ومدرى وشو وقاعد يلعب فيهم وذولا يضحكون ولا همهم >> هذا تصرف غلط

غير اساليب بعضهم الشينة اذا طلبت من احد شئ رد بكل نفسية خايسة ,, ولا سواق تاكسي يحط اغنية ويرفع رجلة ولا محترم زباين ولا شئ ..


طبعامو كلهم كذا بس هذه صرفات تعطي انطباع سئ للبقية ..

الله يعطيك العافية اختي اترجة على الموضوع .. : )

[gdwl]طيب حلو تفكيري قديم لاكن للاسف تفكيرك اقدم

الموظف الاجنبي الي شفتهم كلهم وش شهادتهم لو عندك انت شركه وعندك اجنبي عنده شهاده لنفس التخصص الي انت طالبه وبامتياز والسعودي اذا عنده دبلوم تقنيه كويس مررره

مين بتحط ياخوي احنا بالعقل لو رحنا مستشفى وخشينا لدكتور بنخش عند واحد مبتدئ
والى بنخش عند واحد عنده شهادات وامتياز
[/gdwl]


انا اقولك اخوي بالتقنيه جالس بالبوابه واللبناني بالثانويه مدير بالشركه وش بتقولين بهالحاله اكيد بتقولين هذي حاله نادره لكن للاسف هذا اللي حاصل وهذا الواقع بكل الشركات
وانصحك لترددين كلمه وانتي ماتعرفين من فين مصدرها اللي كذب عليك وقالك السعودي مايشتغل هذا انسان كذاب وحاقد على المجتمع

بذكر لك مثال
لو وقفوا جميع سواقين اللموزينات الاجانب كان اشتغل السعودي من كل قلب
لكن الشركات للاسف عندها نفس نظرتك ان السعودي مايشتغل للاسف توفر للاجنبي سياره وتسلمه المفاتح ويبدا يشتغل الاجنبي وهو مادفع ريال واحد لكن السعودي في البدايه لازم يجيب السياره وبعدين يفكر يسدد قيمتها وبعدين يفكر بلقمة عيشه
شفتي كيف الفرق
نرجع لشغلة السباك وعامل النظافه مااحد قال عيب
لكن العيب اني اشتغل عامل نظافه بشهاده جامعيه والبلد مليان اجانب شغالين بوظائف مغريه وبدون شهادات هذا العيب بعينه


بالمناسبه انا لست عنصري تجاه اي اجنبي حاب يترزق في هالبلد مهما كانت جنسيته في النهايه كلنا بشر وانسانيتنا تمنعنا عن التفكير بلقمة عيشهم لكن للاسف انا اللوم النظااااااااااااااااااااااااااام فقط في هذه المشكله ابن البلد اولى بالوظائف من اي شخص اخر

صدقتي امل جده في هذه المشكلة ان لو فيه سواق سعودي واجنبي العوائل يفضلون الاجنبي اكثر ..

فعلا شئ محير بس اتوقع ان هذا راجع للشئ الي تعودنا عليه ,,

شوفي انا بقولك انا عن نفسي لمى يكون السواق مثلا سعودي او دكتور او او

المشكلة انك تكوني ماتاخذى راحتك تستحين وتحسي بإحراج انا كذا احس ..

لكن مع الاجانب ما احس بهذا الشئ اكون براحتي وعادي تمامما

ماشاء الله ردودكم كتاب بقراءة إذا فضيت ~ بليز تناقش بهدوء بدون نصافق بعض : (
لكن بقول لكم شغله بسيطة لو أنا صاحبة شركة مستحيل أوظف فيها أجنبي إلا إذا مره مره مره أعذرت القى سعودي أو سعودية
أنا كنت أقصد الإجنبي الا خلاص شاف نصيبة لا نحقد ولا نكره ولا نسب ونستهزئ
يعني اللي طاح في الراس طاح وأنتهى ومايحتاح نزعل وهذا ربي كتب رزقه والله يرزق ولد البلد بلي تغنيه