احنا نبغى مثل الامارات بالضبط المواطنين بوظائف ممتازه او على الاقل على حسب مؤهلاته والاجنبي يجي في المرتبه التاليه بعد المواطنين هذا اللي نبغاه بس
واذا الحكومه تقول لا احنا نبغى سعوديين عمال وسباكين وحلاقين وسواقين اوكيه ماعندنا مشكله بس لا تعطي الاجنبي كل التسهيلات والامكانيات وتقول يلاه يالسعودي اشتغل ويتفاجئ ان قدامه جبال من الحواجز والمعوقات اقلها ان الاجنبي يكفيه القليل من المال لان ديرته اللي جاي منها مستوها المادي اقل بكثير من المستوى المادي بالسعوديه


للأمانة منقول: https://www.btalah.com/showthread.*****..#ixzz2L2ENqeqf

اخوي بروسيوس ياليت تقول السبب بعدم تطبيق الكلام الي قتلة ..


طيب تدرى انا لمى رحت لطاقات جتنا المستشارة الي هناك مسوية عقار نسائي وكانت تقول تبي توظف نساء ولمى جينا قلنا لها وظفينا عندك تدرى وش ردت علينا ..

قالت انا ماعندي استعداد اوظف متزوجات وكل شوي تقولى زوجي ومدرى وشوو وانا ما دفعت فلوس عشان تخسروني انا ابي وحده تشتغل صح وتكرف ..

كأنها تتهمنا اانا ماحنا حقين شغل ونخسرها ..

وكانت طول الوقت تقولنا الي تبي تشتغل تلاقي بس انتو تبون رواتب عالية وعلى وشوو على مهاراتكم ولا خببراتكم الزايدة .. يعني زبدة الكلام تجيب اجانب احسن ( جوده عمل _ اقل رواتب ).....
بس من جد خسارة الشهادات الي اخذناها وبالاخر نشتغل سباكين وعمال انا ادرى ان شهاداتنا المفروض تكون غير معترف فيها لان تعليم زفت بس ضيعنا عمرنا لين حصلناها ادرى ان شهاداتنا الي ياخذها حتى سباك كبيرة عليها شهاداتنا ذى ما تنفع ابد حتى التدريس ماتصلح لها ذا التعليم الي متعلمينة متخرجين تنك بس الشكوى لله هذا المكتوب ..

انا رحت لجامعه سعود مسوين دورات ببلاش تخيل حق دهانات جدار وتصليح اجهزة واسلاك كهرب يعني كهربائية مخلينها ببلاش ويوظفون بعدها .. والدورات الي عليها الكلام الحاسب والانجليزي هذه مستحيل احد يياخذها الا بشرروط

المهم انا رحت اسوي مقابلة عندهم على بالي انها شئ حلو راحت تسالني الي تسوي المقابلة :

س/ لو جتك المديرة قالت شغلك شين وانتي غبية وش تردين عليها .؟
س/ لو نادتك المديرة وقالت صلحي ديكور غرفتي وبعدين قالت ماعجبني انتي ما تفهمين وشلون تتصرفين .؟
وبالاخر راحت قالت لي انتي جامعية ترضين تشتغلين هذه المهنة حرام عليك وصارت زي الي تحاول تفهمني حرام تخصصك علمي وجاية هنا ..

الصراحة انا طلعت ولا عاد رجعت ان التعامل يكون معي بهالطريقه ارفض المهنة كلها وشو الي غبية وماتفهمين ..
غير انها نعم مهنة لا تناسب مؤهلي ..
ياليتني دارسة برا على الاقل احس اني تعلمت زين واكون متخرجة متهيأة للعمل ..

اخ بروسيوس انا ماقلت نجلس بالبيوت او نشتغل بالبيوت الموضوع بشكل عام يتكلم عن الاجانب في بلدنا وليس عن الاجانب الي ماسكين مناصب وانا وضحت الكلام بكذا رد
ولاكن بختصر التوضيح بسطرين

احنا سبب وجود الاجانب لمن نرفض بشكل قطعي تعامل اهلنا مع السعودي والدليل ع كلامي شوف كم حلقه صارت تتكلم عن اكثر السعوديين يفضلون الاجانب لقضاء مصالح اهلهم
حتى مسلسل سكتم بكتم مسوي حلقه عن ذا الشي وطاش ماطاش بعد

وضربت لك مثل عن الموزينات اكثر البنات اهليهم يفضلونه اجنبي بذي الحاله وزير العمل يلاقيها حجه ان السعودي غير مرغوب فيه وان الكل يبي اجنبي

اكون صريحه معاك ولو ان الصراحه والله تزعل حتى انا تزعلني بس الشكوه لله هذا الواقع وان ماطاعك الزمن والى طعه الي هو حتى اخواني يرفضون الموزين السعودي والسائق السعودي كان عندي سواق سعودي بس لمشوار الجامعه فقط ويشهد الله فيه احترام وادب ماشفته باحد بس ماكمل معانا والسبب نظرات الاهل واهل صحباتي الي كانوا معاي وصلوا لدرجة انهم يطفشوه لين تركنا

هذا مقصدي نرفض وجود الاجنبي في بلدنا ونحن نرفض التعامل مع بعض السعوديين وش يؤدي هذا كله ضغوطات وتشويه لصورة السعودي وتحطيمهم هذا مقصدي الى بالعكس السعودي ابوي واخوي وخالي وعمي
وللمعلوميه كل الشغالات الي ماعجبتكم ابوي اشتغلها وقالها لي ليش الكل يتعايب منها اشتغل حمال اشتغل كداد اشتغل مقاول اشتغل بياع اشتغل فوال اشتغل معقب اشتغل دعوجي عشان كذا انا اشوفها وظائف عاديه
وانا عندي بكالريوس واحلم اني اكون موظفة امن بالجامعه بس للاسف رفضوني بدون سبب يعني نرضى بالقليل والله راح يبارك لنا فيه اعتذر عن الاطاله

الشعب السعودي ذبحه الفقر والجوع
ما يعقل السعوديه من الدول العشرين وفيه فقر
وين العقلاء يا ناس
وضع المواطن با المملكة مهضوم مكبوت مأكل حقوقه المشكله من اجنبي ولا من سعودي ما يهمني
بس الوضع عندنا مزري وبقوة وظايف شركات من عرفتها وهي ضد المواطن وفيه ملعنة الفساد في كل شبر حتى الهيئة الي استحدثو باقي مو معترف فيه با مسماها هيئة
الأجنبي فيه الزين والشين
لكن انا ما اقيس على اجنبي دام ثروات الوطن تقدر با الملايين
السرق جاري من الروسس الكبيره الله لا يوفقهم ويجعل ما اخذوه شوكة لهم ولمن ساندهم

مثال بسيط على الاجنبي والسعودي في هالبلد
مثال لو انت عندك اخو وانسان ثاني غريب عنك
عندهم نفس المؤهلات وعندهم نفس الشهادات
وعندك وظيفتين وحده مدير مطعم والثانيه مقدم طعام (جرسون)
طبعا مع فارق الراتب
من راح تختار اكيد اخوك
طيب لو اخترت الغريب بمصب المدير وقلت لاخوك ماعندي الا هالوظيفه جرسون اذا تبغها اهلا وسهلا واذا ماتبغى مع السلامه ايش راح تتوقع ردت فعل اخوك اكيد بيكرهك وبيكره الاجنبي وبيكره واقعه اللي عايش فيه
ان شاء الله وصلت فكرتي

قبل النكبه في فلسطين

كان اهل الخليج يذهبون للقدس واليمن للتجاره وطلب الرزق

واسالي من تجاوز عمره 90 ونيف