الله يعينك اخووووي


الخطأ دائما يتكرر مع الشباب السعودي

طلب الثراء بسرعة
فتح المشروع دون دراسة
الاعتماد على العمالة

وهذه هي اسباب فشل المشروع

وفقك الله في الدنيا والآخرة
الحمد لله ^_^ من الموضوع الخاتمة سعيدة
متشوقين جداً لبقية قصتك
وأسأل الله أن يديم نعمته عليك

اكمل بارك الله فيك

متابع بصمت

ننتظرك على احر من الجمر

ضغوووووط ارهقتني وانا اقرأ فقط


اكمل فنحن في شوق للبقية.

ننتظرك

شاكر لكم جميعا اخواني واخواتي الكرام

والله لا يحرمكم الاجر

بسم الله الرحمن الرحيم
نكمل الجزء الثالث

بعد ان وصلت البضاعه وهي 100 الف قطعه منها ما ينباع حتى لو تقول مجاني ما احد بياخذها
لكن الصالح تقريبا 90 الف قطعه
المهم كان لابد من سياره وانيت حتى احمل البضاعه واروح بها الى اماكن التجمعات
لم اجد السياره او بمعنى اصح لم اجد السياره التي تكون تحت قدمي على طول لو اخذت سياره احد الاصدقاء بيكون هو محتاجها ايضا فكانت مشكله اخرى
اذكر مره رحت عند اماكن تجمع حجاج شرق اسيا وقلت ببيع ب 2 ريال رحت وبعت شوي يمكن حق 500 ريال واذكر كان هذا في اول ايام الحج جات المشكله
ممنوع البيع وصلحوا لي فلم لكن اجنبي لا مشكله
ومرات اشرد منهم تقول اجنبي او ابيع ممنوعات وهي ملابس وخلافه
ويوم لا اجد سياره ويوم اجدها وبعد ساعه او ساعتين يتصل علي صاحبها ويلمح فاستحي وارجع له
المهم يوم 5 / 12 جاني المدعوا ............ حسبي الله عليه
جاني المستودع ووقتها كان في كم شخص يشوفون البضاعه يريدون كميات حتى يبيعونها في الحج
شخص اخذ ب 1500 ريال كتجربه وهناك امرأه اخذت ب 3000 ريال للتجربه واذكرها جيدا هذي المرأه
لانها جأت مع السواق حقها اندنوسي وقالت انا اول مره وش رايك قلت عطيها السواق وخليها يروح عند تجمعات بني جلدته صدقيني بتمشي وبيعيها ب 2 او 3 ريال
المهم اخذتها بعد يومين اتصلت قالت باخذ نصف الي عندك
لكن وقتها بعتها للشخص الي نصب علي
جأني هذا الشخص ومعه شخص وقال انا باخذ المستودع كامل حسبتها من هنا وهنا قال ب 70 الف ريال
عطاني 1500 ريال وقال الباقي بعد الحج مباشره وكتبنا العقد
كيف وافقت لا اعلم والله حتى الان كل الي اذكره جاني معاه سبحه طويله من بلاهتي وخبالتي قلت طيب وربي ويشهد علي الله اني قلت ماله داعي نكتب عقد الثقه موجود هو قال اكتب ورقه بس بيننا
كتبت الورقه وكان هذا يوم 7 / 12 وبعدها سحب علي ثلاث سنوات وانا وهو مطاردات في المحاكم
اروح المحكمه والله سكرتير الشيخ يقول وش الي طببك في هذا الشخص هذا معروف عندنا ما يعدي عليه شهر او شهرين إلا وجاي شخص يشتكي عليه
وناس تطالبه بمئات الاوف وقتها سودت الدنيا امامي
كنت اتصل عليه خلال السنوات الثلاث اذكره بالموت والقبر قلت يمكن قلبه يرق ويخاف لكن كأني اكلم جدر
قلت بشتكيك هذي كلمتي له قال تعرف عبدالله بن عبدالعزيز روحله خله يعطيك فلوسك
ياولد انت ما تخاف من ربك المشكله راتبه والله فوق 17000 ريال وخطاب التعريف معاي
المهم تعرفون المحاكم وحبالها من جلسه في جلسه وبين كل جلسه وجلسه شهرين او ثلاث شهور
وانا كل مالها الديون تزيد بسبب بحثي عن حلول سريعه اعطي الحين المعرض فقط اسكته واخذ دين اخر وهكذا
وقلت لكم وقتها صرت اتاخر في الصلاه ومرات كثيره اصليها في البيت وبدأت رحلة الضياع
لماذا كن مع الله يكون الله معك
وكنت ما اعلم احد وبذات الوالد والوالده الله يحفظهم
تركت الجامعه وجلست ادور على عمل ويوم يجر يوم واجلس سنتين وانا ابحث
جأني مندوب المعرض حتى البيت وقال ياولد لك الان اكثر من سنه ما سددت كيف السواه بتسدد او يرفع دعوى عليك
على طول جاء في بالي السجن والله خفت وقتها فكرت اهج من الدوله اروح ادور لي عمل في الامارات
بلاهه او غباء وقتها ما ادري بس ودي اطلع من المشكله باي شكل
بعد تردد المندوب علي كل يومين اخبرته وش صار معي صرنا اصدقاء من وقتها هههههههههههههههههههه
شوفوا كيف واحد يهددني بشتكون عليك اصحاب السيارتين
المهم قال لك عندنا شخص يجيب لك حقك وله في المحاكم وطرقها اتصلت عليه و اتفقت معاه على 3000 ريال
اذا سجن الادمي واخذ حقي قلت له وبعطيك عليها حلاوه لو وصلته للسياف هذا الشخص شر على الناس
كم شخص نصب عليهم كل ما اروح لمقر عمله اجد شخصين او ثلاثه قبلي ومعاناتهم مثل معناتي
المهم فعلا والله ما كمل اسبوعين واتصل علي وقال ابشرك هو الان مسجون 10 ايام
ارتحت والله انه خلاص بيجي المبلغ واسدد لكن طلع هذا كابوس وحلم مزعج
اعطيت الرجال 3000 ريال وتسلفتها وقتها قلت خلاص بسدد لو جزء من الديون
لمن اتضح غير ذلك وهو بعد 10 ايام ما احد اتصل علي ولا حاجه
رجعت اتصلت على المندوب قال راجع الحقوق المدنيه وشوف اش صار
رحت الحقوق المدنيه لقيت الصدمه عندهم تعرفون ليش
اول ما رحت والله لقيت دولاب امامي فيه ملفات كثيره وجنبه دولاب صغير مسجل على الدولاب اسم الشخص النصاب الي نصب علي والي ما هو مصدق يتواصل معاي واعطيه اسم الشخص وهو يروح للحقوق المدنيه الغرفه الثالثه يجد ما قلت لكم ويشهد علي ربي
المهم قلت للعسكري انا جاي بخصوص موضوعي على شخص مدعي عليه واسمه فلان اول ما قلت له الاسم قال انت كمان طبيت فيه
ول هو صار مشهور كذا يعني مالكم بالطويله شاف المعامله قال تحولت للمحكمه قلت ليش قال حتى يحكمون لك كم بيعطونك ههههههههههههههههه قلت يا خوي المبلغ مسجل امامك قال انت تحسب بيعطونك فلوسك كامله
بدت تجيني النفاضه ويدور بي المكتب ليش حقي قال ايوه حقك بس يمكن 33 سنه تاخذ فلوسك
جلست اضحك وانا مدري هي انا هسترت او ايش القصه
وجلسوا الكل يضحك
المهم رجعت المعامله بعد شهر او شهر ونص حكموا لي بمبلغ 140 ريال شهريا
هههههههههههههههههههههههههه ضحكت على طول
140 ريال اروح الحقوق كل شهر واجلس نصف ساعه تقريبا واخذ الشيك ثم اروح مؤسسة النقد واصرف الشيك
الله لا يعطيكم عافيه
والحرامي ذاك مفلوت يسوي الي يبغى لان النظام تاركه انا وقتها تمشكلت مع الشيخ وطردني من المكتب قلت له خاف الله هذا تتركه كذا وربي احكم عليه مؤبد لخليه يخمج ويعفن في السجن يعني الي بيعيش في الدنيا هنا يكون نصاب وملعون جدف يغتني بسرعه
المهم طلع المبلغ 140 ريال سرت اروح كل اربع شهور اخذ الشيك جلست فتره تقريبا 8 شهور
رحت الحقوق قالوا هو مسجون الان تعال بعد شهرين وارجع لهم لقيت المبلغ 135 ريال نقص المبلغ لانه نصب على واحد ثاني
وبعد فتره ثانيه وينزل المبلغ وهكذا الان صار المبلغ 120 ريال هههههههههههههههههههههههههه
تصدقون لقيت واحد يستلم 20 ريال
يا وجه الله وش ذا الي عايشين فيه احنا
والان هو مسجون وموقفين الصرف قبل فتره كم بيصير الله واعلم
الجزء القادم كيف تغير وضعي بمبلغ 15000 ريال
الحمدلله وانا رايح اذكر ما حصل معاي لو بالمستندات لو تحبون ما عندي مشكله
بس الواحد يحزن لما يشوف الوضع في نزول والواحد يريد تكوين نفسه
والحمدلله على كل حال

لاحول ولاقوة الا بالله. ايش هالاهمال. كيف مجرم زي هذا يسرح ويمرح ويضحك عالناس !!!!!!
هذا واشكاله المفروض يُشهر بهم في الجرايد وفي كل مكان. اكبر عقاب لهم. وتحذير الناس منهم.

وبعدين اكيد عنده املاك. المفروض يبيعوها ويرجعوا لكل واحد حقة.

كله كوم. واللي ينزله ٢٠ ريال كوووووم��������

بس اقسم بالله انك بطل لانك لحقت ورى حقك. استمر بسرد الحكاية. امتعتنا. ��