بسم الله الرحمن الرحيم

ناتي قبل كل شيء لتسديد بعض الدويون وبالذات الي كانت متاخره علي

والله ثم والله كنت حريص ان ما احد يدري عني وبالذات الوالد والوالده الله يحفظهم

بعد التردد من الشخص المندوب والمطالبه بحق السياره كان المتبقي 20 الف للسياره الاولى

والثانيه المتبقي 45000 الف ريال

وهي الي كانت شاغله تفكيري
ووجب وقت سدادها واصحابها بشتكون علي لكن المندوب مصبرهم شوي
كان يجني مبلغ لو 500 ريال اروح اسدد لو جزء
المهم صار الوضع خلاص تاخرت زياده ووجب وقت السداد وانتهت المده ب 3 اشهر كمان
وقتها على طول رحت اخذت دباب او ما يعرف بحمار الحلقه وبعته وسددت الوانيت الاول او 20 الف ريال
وسددت 10 ريال للوانيت الثاني حتى يصبر شوي علي
وطحت في الدباب وجلست اسدد الدباب وجزء من حق الوانيت الثاني اذا توفر مبلغ
المهم مرات اتاخر في الدباب حتى اصبر الوانيت وهكذا
فتحت المحل الثاني مغسله بعد الاولى واشتغلت فيها مرات طبعا معاي عامل وسرت اعرف اكوي واغسل وكان ما يطفشني غير الشماغ اذا جاء واحد وقال مرزاب مقلوب ولا تكثر نشاء
بيني وبينكم تعلمت حتى اجيب عامل تاشيره واكون عارف المحل وشغله
المهم تعرفون مسئلة الحسد والبعض يمكن جرب هذا الشيء اذا كنت فاتح محل في نفس حارتك تلقاهم يروحون للمحل الثاني ويتركوك
ما ادري هل هذا خاص بحينا او في اغلب الاحياء ممكن من جرب يفيدنا في هذا الشيء

المهم تعلمت الشغله تقريبا 70 % اعرف اكوي واغسل طبعا
ومره جاني شغل مسؤل عن حملة حجاج وشافني شغال وجاب لي شماغ وغتره وثوب اذكرها بالتفصيل لانه جزاه الله خير فادني كثر كيف بعلمكم
قال تقدر تخلصهم بدري قلت ابشر هاتها وانا اكوي كان العامل يغسل جوا المحل المستعجل
المهم وسوالف انا وهو قال من صاحب المحل قلت له انا
قال طيب عندك ملابس حقت حمله او شيء من الحج قلت لا اول مره اسمع منك
قال طيب عندي حمله حجاج داخل وش رايك اجيبها وتقدر تخلصها بدري قلت يارجل لو اجلس عليها يوم كامل ما اقفل المحل ما عندك مشكله
حبستها معاه طبعا اول مره حسبناها شيله بيله كذا يعني ما فندناها المهم اشتغلت حق 10 ايام كل يوم يجيب جزء ويستلم اليوم الثاني ما عدا البطانيات كانت بعد يومين
المهم عطاني 3500 ريال
فادتني في الدباب بصراحه
المهم الوانيت الثاني باقي له تقريبا 35 الف ريال ويوم جاء ويقابل الوالد وجلس يتكلم معاه
الوالد سئله انت كل فتره تسئل عنه على باله خويي المهم بلغ الوالد
وجزاه الله الف خير
وربي سددها عني ولا دريت ولا كلمني ابدا
استغرب الرجال ما عاد جاء اسبوع الاسبوع الثاني
وقتها خفت ياولد شكله راح اشتكى للمحكمه بتروح السجن خفت اتصل عليه اكون فتحت باب على نفسي ومرات اقول هو صابر علي ممكن كم شهر
شافني الوالد متلخبط وافكر كثير حس فيني وخبرني انه سدد اقسم بالله ذقت وقتها طعم النوم صح دين وانزاح عني كنت اخاف اموت والدين هذا في ذمتي
لكن الحمدلله
وبعد كذا تفرغت للدباب والمكيفات
الدباب سدد جزء منه عن طريق المغسله وبعت المغسله وكملت حق الدباب والحمدلله
اما المكيفات ورجعت جزء من دين الوالد الله يحفظه عن طريق المشروع الي سوالي نقله في حياتي
الحمدلله وهذا من فضل الله وليس اخبي شيء لانه اقسمت بذلك ل
لانها نعمه من الله وهو المتفضل علي
رايح اذكر لكم
التسديد والمشوع الي عندي الان والمشروع الي بسويه بعد ذلك وانا جالس اجمع له
لانه صارت عندي قناعه ابدء بمبلغ فوق حاجتك ولا تتسلف من احد حتى لو قال لك لا ترجعه الا بعد 20 سنه ابدء بنفسك ولنفسك اهم شيء ابعد عن الدين وبالذات الدين العالي والمبلغ الكبير
نصيحه لوجه الله تعالى في احوج الظروف واذا اظطررت خذ لك مبلغ لا يتعدى 10 الاف ريال
اكثر من ذلك بتطيح في دوامه الدين
ما ادري هي نصيحه مني وممكن لك واحد له وجهة نظر تختلف
رجعت تفلسفت صح

ماشاءالله عليك.. الله يزيدك من فضله
ومن نوى سداد الدين سدد الله عنه
انا عندي اخوي عمره 18سنه في ثاني ثانوي
من السنه الماضيه وهو مايبي الدراسه ويحاول انه يتركها
حاط فكره في راسه ان الدراسه مامنها غير التعب ويبي يتاجر
ويقول شوفو اكثر التجار مامعاهم شهادات
والله تعب ابوي منه ولايبيه يترك الدراسه
وفي نفس الوقت خايف عليه من الشغل وهو في هذا السن
وش نصيحتك له الله يحفظك

الحمدلله انها جت سليمة

اخوي بقايا راجل اتمنى ان تكتب في تعليقك القادم نصائحك كامله بشكل نقاط من خلال تجربتك المريرة

والله يجزاك خير

السلام عليكم ورحمة الله وبركاته

ان شاء الله رايح اكمل لكم النقله الي صارت في حياتي

وبحمدلله بمبلغ 15000 ريال بدأت حياتي تتغير الى الاحسن

ومازلت اعمل على الي خطط له

وماهو مخطط له .......

وما تحقق من الاهداف الي كنت مخطط لها

وما هو في راسئ

رايح اذكر كل شيء في الايام القادمه

وكيف نستفيد من بعض

لا بد من وضع ايدينا مع بعض

والله يوفق الجميع

ما شاء الله

الله يرزق الجميع

الاخ بقايا راحل
.. ماشاء الله عليك .. امثالك يجبرون الواحد ان يضرب لهم تعظيم سلام .. بغض النظر ان ما ربحت او خسرت .. ولكن قصص الكفاح وعدم اليأس تستهويني واشعر ان اصحابها يستحقون الاحترام والتقدير

واصل بارك الله فيك .. لنستفيد من تجاربك

فعلا اخي انت رائع بكل ماتعنيه

قال تعالى(( والذين جاهدوا فينا لنهدينهم سبلنا)

كل ماكنت قريب من الله كل ماكان الله معك,,,

الى الامام اخي..

مشآء الله عليكك ، رجآل كفوو ، عرفت وشلون تتصرفَ وجزء الله وآلدك كل خيُر زآح عنك هم الدين بعد الله

وإلله يوفقك ويغنيك من حلآله ويجنبك الحرإم

أعشق قراءه قصص الكفاح والنجاح ... وباذن الله يومآ ما سيكون لي نصيب منها


استحضرت بيت في هذا الاثناء حفظته منذ زمن :



إن الفتى من قال ها أنا ذا .... ليس الفتى من قال كان ابي



بانتظارك ....