بسم الله الرحمن الرحيم
الحمدلله والصلاة والسلام على رسول الله محمد بن عبدالله صلى الله عليه وسلم
السلام عليكم ورحمة الله وبركاتة
حبيت اذكر لكم قصتي ومعناتي بكل ماتحمله الكلمه من معنى وربي ويشهد علي شاهد الشهود انه كم مره فكرت اهج من الدوله واروح اي مكان وجاء في بالي انه الي ينحرون وصلوا لمرحله تعطل فيها كل انواع التفكير البشري وقتها عرفت ليش الناس تنتحر وبخاصه في مجتمعنا والله يحفظنا ولا يصل احد للمرحله هذي نحن مسلمون ومؤمنييين بقضاء الله وقدره
وهي اقدار الله على العباد فلا سخط من قدر الله
ولكن الواحد يحاول بقدر المستطاع انه يغير شيء في حياته
مارايح اطول عليكم بدخل في القصه مباشره وكيف تغيير الوضع بعد ذلك بفضل الله وحده والحمدلله
اولا اناشاب مثل اي شاب له طموح ونظره للحياه وتحسين الوضع المعيشي ومن ثم تكملت مسيرة الحياه من زواج وخلافه
وقتها كنت ( لاحظوا كنت )في الجامعه تخصص كيمياء بدأت رحله التخطيط للحياه المعيشيه والاعتماد على النفس
في احد الايام مريت بجانب احد المحلات ( الله لا يوفق صاحبه ) يا اخوان لا احد يجي ويقول لا تدعي على احد والله اني جالس ادعي عليهم هم شخصيين خربوا حياتي وضاعت بسببهم وكدت ادخل سجن وتغيرت حياة ايضا من ناحية الزواج وخلافه
المهم دخلت المحل واذكر اني اخذت عصير توت وقتها المحل هو حق مكسرات جلست اتكلم معاه وقلت له مافي محل هنا حق اريد استاجر محل في هذا الشارع قال هذا المحل صاحبه بيتركه ويبغى حق المحل فقط
قلت له كيف المحل انا طالب جامعي وبتسلف المبلغ قام يحلف وايمان اشكال والوان وكلام معسول وكم شاهد جاب يشهدون عنده دخلوا عرض ويمدحون في المحل
تسلفت مبلغ اذكره حتى الان 15000 ريال واعطيه صاحب المحل وانا كنت مندفع وقتها
والله جلست شهرين دخل المحل في اليوم لا يتعدى 20 ريال واذا جابها ياسلام تحس من رجال الاعمال
انكبت وقتها وتهت وش السواه المبلغ متسلفه وقلت اني بقسطه لصاحبه ويعلم الله لم يطلبه مني ابدا لكن نفسيا تعبت مهما كان دين في ذمتك والواحد قدامه موت
بعدها اخذت افكر كيف ادبر مبلغ وارجع من جديد لانه ما عندي مشكله بس قدام قدام بدون تخطيط
المهم ويجيني احد الاخوان قال وش رايك ناخذ سياره من معرض ونبيعها تجيب لنا 45000 الف
ياولد من جد قال من جد ونفتح مغسله وش رايك قلت حلو المهم اخذنا السياره طبعا غير موظفيين لكن عن طريق معرفه اخذنا السياره
وبعناها وجابت 44000 الف ونحطها في المغسله وبعدها بدت المعناه جلسنا كم شهر وفجأه جاني ولد عمي وقال ما اقدر اكمل معاك وانت تعرف وضعي وش رايك تاخذ انت المحل وتتحمل السياره وش رايك
طبعا القسط كان 1500 ريال
والله طبيت في بنقالي نكبلي المحل حسبي الله عليه كرهني فيه دخل المحل 15 ريال واذا خاصمته جابلك اليوم الثاني 25 ريال
هو لم يكن على الكفاله لكن تورط ما قدرت اطرده وملابس العالم في المحل والمشكله كل اسبوعين ننزل طلبيه ووين تروح ما ادري
حست اني بضيع الجامعه وانا اطارد فيه كل يوم
سويت اعلان في وسيط عن عامل ووقتها جاني يماني بدون اقامه وشغلته بس اريد المحل يشتغل وازبط اموري لي شهرين مادفعت حق السياره
وقتها خاف البنقالي وقال انا استاجر المحل واعطيك 500 ريال صافي شوفوا الخول ايش يقول
المهم قشعته من المحل وحطيت اليماني بدون اقامه وما عند الله عنده
والله يا اخوان ماشاءالله عليه امين بكل ما تعنيه الكلمه وحاولت اجيب له فيزا لكن مكتب الغفله له شروط
المهم صار دخل المحل مابين 100 الى 250 يوميا

رايح اكمل الجزء الثاني
ماحصل للمغسله
ومعانات بضاعة الحج

والجزء الثالث كيف غير الله حياتي بمبلغ 15000 ريال

الحمدلله

بالتوفيق و الحياة لابد مغامرة بس لازم تحط في بالك أسوأ الظروف و كيف تقدر تتعامل معاها

الله ييسر أمرك و يرزقك

الله يعطيك العافية ياخوي

في انتظار الجزء الثاني

بالتوفيق

بالتوفيق أخي الكريم
تذكر قوله تعالى
( وعى أن تكرهوا شيئاً وهو خيراً لكم )
لا تتأخر علينا بالباقي

الله القوي
وربك يغير من حال الى حال
والله يوفقك ويرزقك من اوسع ابوابه يارب

شاكر لكم مشاركاتكم ومروركم

ورايح اكمل الجزء الثاني وهو ما يتعلق قالمغسله

ويشهد الله على كلامي هذا ماحصل معي من محطات مررت بها

لكن الحمدلله يبدل الله من حال الى حال

نكمل الجزء الثاني
وهو مايتعلق بالمغسله
كما ذكرت لكم جأني اليماني واسمه حميد واشتغلت المغسله من احسن مايكون لكن كانت هناك مشكله وهي انه العامل بدون اقامه حاولت ابحث له عن فيزا لم اجد المهم اعطاني فكره انه اجيب عامل باقامه ويكون هو الي في الواجهه من اجل البلديه والجوزات .
وعلى فكره كان موظف البلديه ياخذ كل فتره والثانيه مبلغ مرات 20 ريال ومرات اكثر حق الدخان وخلافه واذا رفض العامل تكون الغرامه جاهزه اما المحل غير نظيف او العامل ليس بالزي او اي شيء هو يريده
المهم جبت العامل وكان يمني ايضا حتى يساعد حميد لفتره لانه كانت الفكره والمخطط له بيني وبين حميد انه نبيع المغسله وونقلها لمكان اخر تكون قريبه من سكني حتى اقدر اتابع معه
وفعلا جلسنا تقريبا شهر وجاء زبون وشاف المغسله وشاف الدخل وراقب المحل
وبعدها اتفقنا على البيع .
وفتحت مغسله قريبه مني لكن حميد سافر من اجل الحصول على فيزا وجبت بنقالي بسبب مكتب العمل رافضيين وجيب سعودي
بعد كذا رجع وكرهني في المحل سرت اترجاه واطارده انا تقول هو كفيلي
شافني وصلت حدي وقتها رمى لي الطعم وقال انا استاجر المحل منك واتفقنا على 1000 ريال اهو مع مكافة الجامعه تمشي لكن هناك قسط في ظهري وش اسوي مالقيت حل غير كذا
تراكمت الديون بعد 7 اشهر تورط في مشاكل السياره وديون اخرى
فرجعت ادور حلول سريعه اخذت دين اخر سياره اخرى وبعتها ب 40000 الف وانحسبت علي ب 70000 الف
وهناك السياره الاولى ايضا 70000 الف وايضا 15000 ريال
وديون متفرقه تقريبا 20000 ريال
حبيبي صار المبلغ 175000 ريال وانا ليس لدي الا المكافه حقت الجامعه و1000 ريال اخذها من عمي البنقالي طويل العمر

المهم اخذت السياره حتى اسدد وجاء في بالي مشروع البضاعه في الحج
وقتها لقيت اعلان في عكاظ
100 الف قطعه ب 25000 ريال
واشتريتها
وحسبت حسبتي لو بعتها ب 1 ريال او 1.5 فانا كسبان تقريبا 75 الف او 125 الف ريال
قلت خلاص بسدد الديون كلها
لكن حصل مالم اتوقعه وغير حياتي 380 درجه
اشبه بسقوط فيليكس سقوط في ديون ومشاكل عائليه ومع الاصحاب كرهت كل شيء
كنت وقتها من المحافظين على الصلاه والحمدلله
بعد تلك النكسه سرت اتاخر عن الصلاه واتكاسل عن الذهاب للمسجد ووالله اقولها والله يغفر لي
وهذي من باب النصيحه يا اخوان كل شيء يهون الا الصلاه لست ملتزم او كما يقال لهم مطاوعه واتمنى ذلك لكن المحافظه على الصلاه انت اخي وانت اختي الله الله في الصلاه
اقسم بالله اول ما تاخرت عنها وسرت اصليها في البيت ليش ما ادري هو هم وغم او ايش ما ادري نفسيه تعبت
تاخرت عنها فتلخبطت حياتي وليس هناك بركه في اي شيء اسويه
لا حول ولا قوة بالله
تركت الجامعه وقتها خلاص سرت مثل التايه والضايع ما ادري انا وش قاعد اسوي
طبعا بسبب هذا المشروع الي نصب علي شخص طلع اكبر نصاب
والله لو تروحوا الحقوق المدنيه وتسأل عنه رايح تشوفوا العجب له اكثر من 7 ملفات دعاوي وكل ملف فيه مايقارب 15 شخص
رايح اذكر كيف نصب علي وضيع حياتي

وش الي حصل بالبضاعه ياليت توضح القصه لكي نستفيد حبيبي

متاابع وننتظرك يالغالي