السلام عليكم
اولا أشكر اخواني اللي ردوا علي بلباقه
اما البقيه فالرد كالتالي:
انا مادخلت المنتدى اتهاوش مع احد عشان تجيني هالردود السلبيه للأسف,وما قلت شي حرام
أو عيب عشان تهاجموني بدون علم او درايه بوضعي,وش نرفزتك فيه اخوي المتنرفز انت وياه
اللي ماعنده جواب فيه خير يسكت سكوته اجر له يكف لسانه ويتقي الله في نفسه..
يوم كتبت موضوع اني ابي عامل هندي لاني ادري كذا بتكون ردودكم رد علي اخ فاضل في احد المنتديات بلباقه اني مفروض اطلب سعودي للعمل وان فيه سعوديين ماعندهم مشكله يدورون رزقهم وين ماكان لكن هذي النتيجه واللي توقعته...
الكشك اللي تتكلم عنه تعبت ودفعت فيه لاني ابي الرزق حالي حالكم ولولا ان ظروفي حاجزتني
عن العمل ما احتجت اني اطلب عامل الحمدلله مو شي يعيبني ولا يقلل من شأني الا اذا كنت احس بالنقص اصلا..
أما سالفة الراتب فهي تعتمد على مدخول الكشك فقلت مبدئيا لشيء اضمنه من جيبي
الخاص للي بيشتغل لأني للآن مدري كم بيكون مدخوله بالضبط وماطلبت احد استغله انا عرضت اللي عندي وبأمانه وتوضيح ومدخول الكشك لو طلع عالي اكيد اني بزيد راتب الاجيرلثلاث او اربع اضعاف حتى ماراح ابخس احد حقه..
ومو شرط يكون الكلام موجه لك يافلان عشان تعصب وتشتم كأني قلت جريمه ياخي نرفزك موضوعي اطلع بسلااااام ولا يعز عليك تطلع بدون ماتكسب ذنب..!
عموما ارجع اشكر اللي ردوا بتهذيب واطلق السماح للي كانت ردودهم سلبيه..