أختي اذا بتسمعين نصيحيتي
ابتعدي عن القطاعات اللي فيها سجون وبهذله بكره تتمرمطين فيها
وبعدين الاستخبارات والمباحث ماتصلح نهائيا فيها ظلم لبعض الناس
تجيك اوامر تضربين سجينات مظلومات وماتقدرين تعصين الامر العسكري

عندك الجوازت والأحوال المدنية هي افضل قطاعين تصلح لنساء
الله يوفقك ويحقق لك اللي ببالك وييسر لك امورك وانا اخوكك

[QUOTE]

اقتباس:

المشاركة الأصلية كتبت بواسطة ضاعت ايامي ما إحب أعطيك معلومات عن الجوازات وغيرها . لكن بحكم أني في المباحث وأعمل في الشؤون العسكريه فيه وظائف نسويه في المباحث العامه . وتجي في الإماكن التاليه 1- امارات المناطق 2- المطارات 3- السجون السياسيه 4- بعض الإعمال السريه طريقة التقديم لها .. حسب الشروط التاليه 1- أن لايزيد عمر المتقدمه عن 30 عاما .. 2- ان تكون حامله لشهاده الثانويه العامه فما فوق ويفضل البكالريوس .. 3- ان يكون لديها محرم يعمل في نفس الإداره ( يعني موظف في نفس المباحث العامه ) والرواتب .. لاهي زهيده ولا شيء زيهم زي الأولاد بالضبط العيال الي موظفين في المباحث وفي المطار ( مفتشين ) يستلمون أول راتب 8600 ريال .. والبنات نفس الحكايه اول راتب لها مفتشه في المطار 8600 ريال .. اما الجوازات والقطاعات الثانيه ما ادري عنها .. هذا وصلى الله وسلم على نبينا مُحمد ..

الله يوفقّـِكُ بس بالمباحث مالي احدَ لا من قريب ولا من بعيِدَ هنـآِكَ
تسلم على افآدتك اكيد افآدت غيري و وجهتهَ , الله يوجهّ لك الخيـرْ

ارفعو الموضوع بنصيحة او دعاء بالتوفيقُ الله يرفعَ قدركِمَ

آلله يوفقك آن شاء الله وعقبال مانشووفك ضابطه هههههههه

أنا اخوي عسكري بالجوازت بمطار الملك خالد برياض
اتصلت عليه قبل شوي وخبرته قلت فيه وحده تسال تبي تقديم الجوازت كيف ووين
المهم بعد ماحشرني يقول من هي ذي قال لي كم كلمة اوصلها لك
بالاول يقول خبرها انه فيه اختلاط وطبيعة عملها تتطلب عليها تكلم الموظفين وتسولف معهم ويصير اخذ وعطاء واستلامات ليل ومن هالكلام طبعا مثلك مثل اي عسكري ماتقدرين تسافرين خارج المملكة الا باجازه خارجيه

المهم قلت له انك محتاجه الوظيفه ومن هالكلام قال خلها تستخير وانصحها تدور وظيفه باللامكان اللي مافيها اختلاط حتى لو راتبها قليل لانها بعدين بتكره نفسها ومعرضه لتحرش بالمطار والشيطان حي وبكره اذا جاك عيال تظطرين تسحبين عليهم وعلى زوجك بالليل اذا صار عندك استلام

المهم يقول تعطي ولي امرها شهادتها الثانويه الاصل وصورتين طبق اصل وشهادة الحاسب الاصل وصورتين طبق اصل وسيره وسلوك اذا عندها وكرت العائلة اصل اللي موجوده فيه امك اصل وصورتين (ويروح للمطار ويسال عن قسم القوى العامله ) يدخل ولي امرها ويقابل العقيد ويشرح له الوضع واذا كان فيه حاجه لموظفات بياخذ الاوراق الاصليه يتاكد منه ويرجعه لابوها على طول وياخذ الاوراق اللي هي طبق الاصل ويعطيه استماره يعبيها ويعطيها اوراق الاحوال والبصمات ومستشفى اتوقع انه قال لي مجرد انها تخلص اوراقها وترجعها لهم تباشر دوامها بعده باسبوع على حسب متى يعطونها موعد الوكاد انها ماتطول ابد والنساء مالهم دوره عسكريه زي الرجال لهم تدريب اول شهر في نفس الدوام يعلمونها وش اللي لها ووش اللي عليها .

الله يكتب لك اللي فيه الخير وييسر لك امرك لكن اهم شي تستخيرين وتشاورين ابوك وامك واخوانك ..

اي استفسار بنسبه للموضوع ذا راسليني على الخاص علشان ماانسى

سبحان الله وبحمده ,,,سبحان الله العظيم
استغفر الله العظيم وأتوب إليه