لاتستعجل .... ماظنتي بينزل قبل اعلان حركة النقل الداخلي

السنة الماضيه الاحتياج طلع في اي شهر ؟

مااتوقع لحركة النقل الداخلي اي صلة بالاحتياج ، الكلام على النقل الخارجي والى له علاقة مباشرة بالاحتياج
ولنفرض مجازاً ان الاحتياج سوف يعلن عقب حركة النقل الداخلي ، فعليه فان اغلاق حركة النقل الداخلي سوف تكون في 6/19 من هذا الشهر ، فانا ارى باذن الله ان الاحتياج في شهر سبعه ان شاء الله
وكذلك فان الخدمة المدنية اعلنت امس دفعه الاداريين وتنتهي المطابقة في 6/21
فخلاص مابقى الا احنا ويارب وفقنا ياكريم

اسعد الله اوقاتكم بكل خير


رحت يوم الثلاثاء الماضي لوكاله الوزاره وسالتهم عن الاحتياج ومتى بينزل ولكن رفضوا يعطوني اي معلومة وكاني اسال الواحد عن اسرار بيتة حسبي الله عليهم , المهم بعد حب الخشوم ومن مسئول الى مسئول وبعد ما شكيت معناتي وقلت لهم اني ضارب 1200 كيلو عشان اطلع بمعلومة , حصلت واحد فيه خير ودخل ع الجهاز وطلع لي احتياج الاعاقه السمعيه , وللاسف طلع احتياج الاعاقه السمعيه هذا العام 22 فقط وفي قرى وليست مدن وللعلم ان الخريجين المجتازين للقياس العام الماضي كانوا تقريا 300 اضف الليم خريجين الصيف والفصل الاول والثاني من هالعام , هل يعقل احتياج عامين 22 شخص فقط !!
يا اخوان اقسم بالله ان لي زملاء في مدارس حكومية وعندهم معلمين اجانب يدرسون نفس تخصصي بالله عليهم هذا الشي ما يقهر , ما اقول الا لعنة الله على كل فاسد ..

انا صراحه خلاص طفشت وتعبت وقررت اقدم ع الكليات العسكرية واذا ما كتب الله بروح رقيب والمشكى لله والله تعبنا من مهانة المدارس الاهلية والخمسة الف اللي ما بقى جريدة ولا قناة الا اعلنوا فيها وكانهم اعطونا 10 الف اسالكم بالله 5 الف وش تسوي (اجار بيت والا اقساد سياره والا مصاريف شخصية والا مصاريف زوجه والا والا )

حسبي الله على الظالم

الله يعطيك العافية معلم صم والله يوفقك ويكتب لك الخيرة يارب

اخوي ماسالتهم متى راح ينزل الاحتياج ، بمعنى موعد الاعلان عنه
ولك جزيل الشكر