السلام عليكم ورحمه الله وبركاته

اخواني اليوم طلعت مع الاهل مواقف السيارات وطبعا اخوي الصغير الله يحفظه يبغى يركب دباب المهم مواقف السيارات والله فيها اكثر من 6 او 7 دبابات

المهم في الكبير والصغير سألت بكم النص ساعة الكبير قالي بي 100 والصغير 50

والناس عليه زحمه وربي

واسعار الدبابات ماتكون اكثر من 6 او 7 الاف

نفترض لو انك اشتريت 3 دبابات صغيرة كل واحد ب 5000

المدفوع =15000
الايجار نقول اشتغلت في اليوم 6 ساعات كحد أدنى وحطوا تحتها خطين

طيب نقول الساعه ب 100 لو اشتغلت الثلاثه 6 ساعات يعني 300 × 6 = 1800
1800 نخصم البنزين 100 على كل دباب كحد اعلى وحطو تحتها خطين

يعني يصفى لك 1500 في اليوم غير مواعيد الاجازات والمهرجانات

طيب 1500 قيمة اليومية وكمان كحد ادنى شغلتها 15 يوم بالشهر
1500 × 15 = 22500

يعني الربح
22500 - 15000 = 7500
في 15 يوم فقط
تقدر تجيب اي اثنين معاك يراقبون الدبابات

وانا حاسبها كــ أقل مبلغ واسف طولت عليكم حبيت افيدكم واستفيد انا باقي مادخلت عالم التجارة والمشاريع بس في القريب العاجل ان شاء الله

ربي يوفقك الجميع ويرزقنا من حيث لانحتسب

سامحوني طولت عليكم



نشوف الحماس الحين وهاذا مشروع بسيط والله

شطحة

تتوقعون يبغالها بلدية وزحمه ولا لا ؟

والله وانا اخوك قريب لي يشتغل فيها يقول الدبابات الكبيرة هي اللي تمشي

بس فيها مشاكل وقلق وباعها واللحين يشتغل على الصغيرة بس مدري كم يطلع والله

بس مايطلع مثل منت حاسبها يطلع اقل لكن فيها عيش وهو مايشتغل عليها الا يوم الخميس والجمعة

والله فكرة