[align=center][/align]السلام عليكم ورحمة الله وبركاتة

كيفكم ان شاء الله تمام

تكفون يا أهل الخبرة مشوورتكم

زي ماتعرفون وش صار في المرسلات انقفلت محلات كثيرة

وودي افتح لي محل هناك وش يكلفني ومن وين استأجر المحل

وجميع ما يلزمني لفتحة وجزاكم الله الف خير

صباح الخير اخي العزيز
بالنسبه للمرسلات من الصعب ان تلاقي محل كامل واذا لقيت راح يكون تقبيل والتقبيل غالي جدا جدا
انا انصحك باخذ كاونتر لان المحلات كلها عباره عن كونترات للايجار
وبالتوفيق انشالله

مشكور على الرد

بس الكاونتر وشهو

اخوي والله انا توني جاي من هناك

الشباب السعودي استغل الفرصة , واغلب المحلات فاضية ..

قسم بالله اول اشوف البنقالية وابو يمن اللحين ما فيه احد غير السعوديين بأشمغتهم وثيابهم ..
وشوية عراقيين ومصريين ما ينعدون ,

وكلهم شباب ينرفع بهم الراس .. وأنت واحد منهم

اشور عليك رح هناك وأسأل اي واحد تلقاه هناك من السعوديين وبيدلك ..

وعلى حد علمي ان لكل محل مدير تستأجر منه الكشك الصغير بمبلغ من 500 الى 2000 في الشهر

وافضل انك تروح هناك وتسأل بنفسك , وترى فيها خييييييييييييير وساعة صدر من 4 - 10 الليل ودخل طيب

والبضاعة تشتريها بالجملة من المحلات الموجودة في المرسلات , او تاخذ جوالات من الموزعين ووقت ما تبيعها تاخذ نسبتك وتعطيه حقه
مثل ماكان يسوون البنقالية , اقوله فيه جالكسي يقول فيه وهو اساسا يبيع اكسسوارات ويروح يجيبها من الموزع وياخذ منك الفلوس ويعطيها الموزع وياخذ نسبته

الميدان يا حميدان

--

توكل ع الله اقسم بالله اني فرحت بهذا الخبر

انا من جده قبل شهرين كنت بالمرسلات لكي اشترب بعض الاجهزه

صراحه اجانب بس احسن من جده
عندي محل بجده جوالات ماتحصل سعودي يبيع للاسف
لكن اتمني ان الموضوع يستمر ويكون جد مو فتره معينه

المهم

الحق خذ لك كاونتر
او بترينه واشتر من الاجهزه لكن شرط انك تعرف تشيك ع الجهاز

مشكورين على الردود

بروح اليوم العصر اشوف واجس

النبض بس تتوقعون لازم راس مال

وبعدين هو بكيفي ادخل اللي ابي

مثل برامج واكسسوارات واجهزة

مستخدة وجديدة والا لازم

نشاط محدد

الله يوفقكم ياعيال بلدي .. وانا والله قاعد افكر لي بمشروع توني متزوج وراجع من شهر العسل وقسم بالله طفرة غير طبيعية لكن الحمد لله على كل حال


شوف كيف الاوضاع هناك وياليت تكتب وش يصير معاك وباذن الله اذا كتب ربي نكون جيران هناك انا وانت وباقي الشباب ... بس الهمة والواحد يشيل عنه الخوف والتردد ويتوكل على الله ويبدأ بمشروعه واذا خايف على الفلوس لايخسر بقوله ياكم وكم صرفنا مو ريالات الا ألوف ولا اشتفدنا منها شي

وانا من ناحيتي راح اقدم خدمه لوجه الله
ان فكرة تفتح محل او كوشك او اي شخص راح يفتح يراسلني على الخاص
واعطيه ارقام اشخاص كنت اتعامل معهم واسعارهم رخيصه وكلهم حقين جمله

بالتوفيق لكم ايها الشعب ^_^