التكسي حط في بالك انه بس مصروف يعني ماتكبر ولاتزيد دخلك بالعكس لو خرب يوم وماعندك حق التصليح بتقعد بالبيت

ابحث لك عن مشروع يكبر ويصرفك والتكسي كد كد عشان كذا سموه كداد

مشكورين كل من شار علي ورد

شوف اللي تفهم فيه اهم ششي اكيد بتمشي اهم ششي حاجه تحبها

المشروع على حسب ظروفك انت يعني التكسي يبغاله اول شي سيارة جديدة عشان تفتك من الخرابات ويبيه وقت وهو اهم شي يعني اذا تقدر وكل ماكان الوقت اكثر زاد دخلك وحاول تكسب زباين


الأغنام يبغالها معرفة بالسوق ومن وين تشتري وين تبيع ويفضل تاخذ بالجملة ويكون خارج الرياض وتبيع بالرياض يبغالها مصاريف تغذية الأغنام يبغالك وقت تشرف عليها

بالأخير انا أقول تعتمد عليك شخصيا شف وش الأنسب لك وتوكل على الله والواحد مايدري وين الله كاتب رزقه فيه ,,,,,

بارك الله فيكم وننتظر الاراء

بارك الله فيكم وننتظر أراء الاخوان
للرفع

لي رجعه ياعبدالله لك بمشروع يحبه قلبك ان شاء الله

بحكم خبرة الوالد بالاغنام
الاغنام هذه الايام اذا ماكانت فوق ١٠٠ راس ما تنفع تجارة
و لازم لها اهتمام و مراعاة و راعي مخلص

بالنسبة للتاكسي ما عندي خبرة فيه

بالتوفيق

طيب مشروع تربية ارانب انا ناوي ادخله ان شاءالله ماعندي خبره مره ولاكن النت يعلمك كل شي الارانب تتكاثر بسرعه واكلها مو كثير هي ماراح تكلف الي راح يكلف شوي المكان اذا عندك استراحه او حوش كبير ياسلام تشتري لك 100 انثى 15 ذكر خلال شهر تلد كل وحده اقل اقل شي 5 او 6 ارنب طبعن خلال شهرين تاخذ اذكور الصغار وتبيعهم وتخلي الانثي عشان تجيب انتاج اكثر ونت احسبهم واكيد تبي اهتمام تعطيهم فيتامين وعلاجات مع الاكل والماء طبعن بصيف اذا كنت بنجد يبيلك مكيف ولا بتموت من الحر وتتكاثر الامراض فيها تحياتي لك