السلام عليكم اولاً : اسأل الله لك الرزق الحلال الكثير الطيب المبارك
وان يرزقك من حيث لاتحتسب ويغنيك بحلاله عن حرامه وبفضله عما ً سواه

ثانياً : لو تشوف لك احد يدخل معك شريك ويعطيك مثل مبلغك
بحيث يكون (عندكم) 60 الف ريال وتفتحون مغسلة ملابس
بشارع عام او تحت شقق عزااب ولو تدور بتلقى أو بوفيه
هذي المحلين اللي سوقها ماشي اذا توفقت بالعامل الأمين

أو ب 30 الف يمديك تفتحلك (مخبز) معجنات صغير وليس مطعم تبيع
زعتر - لبنه - بيتزا - سبانخ - .... إلخ مثل هالفطاير
وتتعاقدلك مع مقصف مدرسه ومخبز الفطاير دايم اسعاره
رخيصه ويصلح فطور الصباح ويصلح العصر والمغرب مع القهوه والشاهي
ويصلح عشاء واسعاره حلوه ومناسبه للجميع وغالب المشاريع اللي فيها
اكل نادر ماتخسر والعجنات الكل يحبها العماله الأجانب والصغار والكبار والنساء والرجال

ثالثاً واخيراً واهم شيء : اوصيك اخي بكثرة الإستغفار والصدقه
واسأل الله لك ولجميع المسلمين التوفيق والسداد في الدنيا والآخره

الله يوفقكم ويقضي دينك ودينا اخوي مشروع الغنم معروف فلوس لكن تبي اللي يلاحظ عليها يوميا ويكون عندها اما التكسي يبيلك يوميا تنظم وقتك وتصبر عليه الله يوفقك

السلام عليكم ورحمة الله ..

بالنسبة للتاكسي شغلتها مربحه وعن تجربة شخصية إذا كونت لك زباين من النساء راح تطلع ذهب ، لأن ماهوب كل العوايل عندها سواق وفي مثل ظروفنا المحرم مسافر وكل تنقلاتنا بالتاكسي أقل مشوار نطلعه بعشره ريال وفيه بعض الأحيان مشوار نص ساعة بس بمائة ريال يعني متوسط شهريا على المواصلات 200 ريال تقريبا ، لاحظ هذا زبون واحد .. لكن يعيب هذه المهنة الصيانه وتصليح السياره في حالة حدوث حوادث لاسمح الله راح يكلفك كثير ..

اقتراح .. لو الأهل لهم في الطبخ والمعجنات والحلويات ممكن يساعدونك ، لأن الناس يحبون طبخ البيت لأنه أنظف وأطعم .

ولاتنسى الدعاء وكثرة الاستغفار فإنهما من أسباب الرزق وقضاء الديون ، أسأل الله أن يرزقك رزقا طيبا مباركا فيه .