[align=center][/align]بعد قرائه مواضيع كثيره في المنتدى عن عمل الوسيط في العقار قررت

ان اصبح وسيط واتمنى انكم تساعدوني من فين ابداء .!

هل اذهب لشركه عقار واخبرهم بان اكون وسيط لديهم او ماذا .؟

علما ان اخوكم موظف في شركه وراتبي 4500 الحمدلله على كل حال

يا اخوان والله العظيم انني في شركه مسيطر عليها من جنسيه عربيه يتم الترقيه للعمال من نفس الجنسيه اما السعودي مكانك راوح

ياخوان واقسم بالله العظيم تم كشف قبل 3 اسابيع ان احدهم حاول سرقه مبلغ كبير والنتيجه لتلك العمليه ظهرت هذا الاسبوع بترقيته وعدم محاسبته أي ظلم اكثر من كذا انا للامانه اتحطمت ابغى افتك من هاذي الشركات فارجو المساعده بفكره او رائي

مشكور اخوي بس ما فهمت ايش هيا العروض والطلبات ؟ انا فين ربحي من المكتب الاول ولا الثاني وكم نسبه الربح

شوف هذا الموضوع ان شاء الله يفيدك https://www.btalah.com/t491512.html

نسبة الربح المعروفة هي 2ونص بالمئة

ماعليك منها كبداية

روح لمكاتب العقار وقولهم انك تسوق العقار بطريقتك الخاصة واطلب منهم عروض موجوده عندهم ما حصلوا لها زباين

وقولهم انك باذن لله بايعها لهم بطريقتك الخاصة

واتفق معهم انك تاخذ 1 ونص من النسبة او 2 وله النص وهكذا

وربي يوفقك

الله يوفقك اخوي
شوف انا بعطيك حل جدا ممتاز

روح الاي شركة عقارية تبيع بلكاش وبلاقساط
قولهم ابي اصير مندوب
طبعن انت راح تستفيد في الحالتين الحل الاول
تبيع بلكاش
الطريقة الثانية بلاقساط البيوت الاراضي وغيرة
وهذي راح تمشي كثير باذن الله انت راح تاخذ خبرة
وتستفيد علاقات ووخبرة تاهلك ان تكون عقاري ناجح ان شاء الله

اخوي علي

انا في فتره اشتغلت بموضوع العقار والحقيقة انه ذهب ولكن يحتاج الى صبر وصبر وصبر

شوف اذا انت متفرغ بعد العصر وما عندك التزامات تقدر تمارس هالشغله

فيه مكاتب لديها عروض مثل عنده عمارة عارضها للاجار او الاستثمار او البيع ولكنه كسول صاحب المكتب لا يسوق لها

هنا يكون دورك انك تزور المكتب وتقول لهم انا بسوق لكم العمارة بشرط اخذ نسبه وقدره بالعادة السعي يكون 2.5 بالميه لكن انت قلل في البداية خوذ 1.5 حتى تتمكن من السوق والكل يعرفك بعدها تقدر ترفع سعيك حتى لو تبي 10 % الامر واقف على شطارتك


طبعا التسويق كيف يكون للعمارة
1- عندك مكاتب ثانيه تذهب لها وتسالهم هل عندكم زبون يبي عمارة استثمار او شراء اذا عندهم اعرض عليهم العمارة ولكن لا تعطيهم رقم صاحب العمارة او المكتب الاول حتى لا يضيع حقك بل كن وسيط بينهم

2- مواقع الانترنت مثل عقار ستي وغيره سوق للعمارة وضع رقمك

3- الاصدقاء والاقارب

4- اذا كانت العمارة في موقع ممتاز وتجاري سوقها على الشركات مثل المطاعم المعروفة واكسترا وجرير وغيرها اذا لم يكن لهم فرع قريب من العمارة

وهناك طريق تسويق كثيرة

الفائدة اللي تحصل عليها غير المبلغ المادي راح تكون علاقات غير طبيعية مع التجار واصحاب العقارات والمكاتب وهذا يفيدك مستقبلا بامور كثيرة



فيه فكرة حلوه وبسيطه ممكن اعطيك هالفكرة على الخاص

بشرط

تكون شاب نشط وتتحرك وصبور

طبعا المقابل

دعوه بظهر الغيب لي ولوالدي

مشكورين يا اخوان الله يوفقكم دنيا واخره

اخوي نجادي انا فاضي ان شاءالله من بعد العصر الساعه 4 الين 12 في اليل والله اني ابغى اشتغل و قدمت في شركه دوام جزئي في اليل عشان ازيد دخلي بس بعد ما دخلت هذا المنتدى كنسلت الموضوع اتمنى انك تزودني بخبراتك على الخاص ولك دعوه بظهر الغيب

سؤال 1 : انا ابغى ابدا بكره بس ما ادري فين اروح ما اعرف ايش شركات العقار الي يكون عندهم عروض ؟ في بنفس الحي الي اسكن في مكاتب عقار صغيره هل هاذي الي ممكن احصل عندهم العروض ام المقصود المكاتب لشركات كبيره ؟

شكرا للإخوان الي راسلوني على الخاص الله يرزقكم الجنه

بس سوال لك مباشره هل عندك فن التسويق لان العقار يبيلة مسوق جيد لكي يقنع الزبون بالبضاعة