( آسفه على حجم الصوره )

والله مش عارفه وش أقول إلى متى هـ الظلم إلى متى هـ الإرهاب النفسي اللي تمارسه علينا وزارة الخدعه المدنيه
يعني واسطات ولعب ومحسوبيات وقلنا ماعليه
شروط تعجيزية كل سنه :

1/ إثبات أقامه ( ترشحت ولأول مره عام 1429 وفي نفس منطقتي اللي تربيت وولدت فيها بس استبعدو نئ وحطو شوف عيني موظفه تكلم وحده تقول لها فيه وحده تاريخ بنستبعدها وبحاول أحطك مكانها سبب الاستبعاد زوجي يشتغل خارج المحافظة عطيتهم صك ارض لزوجي قالو لا قالولي ناس حولي بطاقة العائلة زوجك متسبب وقلت لا مَ أزور الحرام مَ أبيه وراحت الوظيفه إستبعاد )

2/الغو الاقامه وحطو النقاط مَ عليه النقاط يمكن خدمت بنات قديمات

3/ وأخيراً القياس وترشيحات ومرمطه

انا بلعت كل اللي فوق وقلت فيه أمل الا لما جاء قرارهم الصدمة الإرهابي

(التصنيفات ) درست تخصصي سنتين في الشرقية تحت مسمى تاريخ
ونقلت للرياض وكملت تحت مسمى تاريخ وتخرجت ومكتوب بالوثيقة تاريخ وحضاره
القديمات اللي من تخصصي وش ذنبهم ينطقون تحت مسمى أولوية ثانيه
تجي وحده اقل من نقاطي ودارسه نفس اللي درسته بس اللي يفرق إسم
والله ظلم كان عندي أمل والحين باااااااح طار أحلامي ولاحققت شي

وازيدكم اني الآن بـ أشد الحاجه لها لأني عند أهلي وأفكر بـ الطلاق من زوجي لصعوبة العيش
و،مَ اقدر أقولكم وش كثر عانيت وآلان رجعت لأهلي ومعاي بنت رجعت لأهلي بعبء وهو مايصرف عليها الريال والحمدلله على قضائه وقدره ..

انا وش أسوي قولولي طرقت كل باب وماوقفت على جداره معاك واسطه تعالي مامعاك نامي بالبيت أروح اشتكيهم لمين وش أسوي فيهم
بتقولون ادعي عليهم دعيت الواحد الأحد ليل نهار عليهم لكن رب العباد يقول أسعى يا عبدي ومايرضى بالظلم

كثرت عليكم بس بنات التاريخ والحضاره لازم نتفق على يوم ونروح للوزاره ونشوف حل معاهم

ترااااااااا تعبت تعبت تعبت 9 سنوات بطاله تكفي ولا عندي استعداد اصبر اكثر مثل غيري من البنات

لا حول ولاقوه الا بالله

الله يرزقك يأخت برررروق باللي تتمنيه أنتي وكل وحده محتاجه للوظيفه وأن شاالله ربي ينصرك على من ظلمك

والله حالنا يلاجتماعيات يبكي الحجر

بطاله 14 سنه والنقاط بالعلالي شكل الدور ماراح يوصل 81 ابدا

والله وانا بعد مثلك تخصصي تاريخ وحضارة ومقهورة حيل منهم والله فوق سبع سماه يشوف وعالم بحالنا وحالم الظلم من الي سوى ها التصنيف وربي راح يفرجها علينا عاجل غير آجل ربي مايرضى بظلوم وراح يصرنا لوبعد حين وكل تأخيره خيره ربي قادرة على كل شئ الحين هونازل السماء الدنيا نلجأه له احسن من دعوة الناس الله اذا اراد شئ من سبع سموات انما ان يقول له كن فيكون محد يقدر يوقف من وجه وبيصير لووقف العالم كله ضدك اهم شئ حسن الظن بالله بإنه راح ينصرنا وراح نتعين فالله يقول انا عند ظن عبدي بي إن ظن خيرا فخير وان ظن شر فاشر ودعوة اخر الليل وسجده لله كفيله انها ترفع عننا ها الظلم والحمد الله على كل شئ...

بنات ان شاء الله الفرج قريب مع القياس الغو الأفضليات وهذا لكلام قاله مدير التوظيف في الديوان لزوجي وانه المهم الآن قياس
والنجاح فيه
وإنشاء الله ربي يسهل أمرنا ويرزقنا من عنده قادر يااااكريم

حسبي الله ونعم الوكيل

انا بعد تاريخ وربي نكبونااااااا في ذا التخصص

الله لايوفقهم وليتهم يردون عليك مثل العالم والناس يردون بنفس خايسه وكأن الشي طبيعي وريلاكس عندهم
أحياناً يجي على بالي اشقق شهادتي وأرتاح نفسياً