اذا انتي تعرفين خريجة ثانوي توظفت انا وحده معها متوسط وقديمه مره ولا تعرف تفتح جهاز الكمبيوتر وظفها قريبها مسؤول بالتعليم وطبعا وظيفه حكوميه
صدق من قال حريم يبربرن ومارواهن فايده قالت وحده حرام تحسدينها كلهن ردو اي حرام وتلاقيهن ياما جلسو ينحون ليش هذي توظفت وانا لا ولا جلسنا هالمده ولا توظفنا
الا فيه واسطه وفساد ورشاوي ولا عليك من احد مهوب يجون يعلمونا الدين هذا رزق حفظو كلمتين ع بعضها وصارو يرددونها نعرف الرزق ونعرف الظلم والدليل بلد مثل بلدنا غنيه وشعبها قليل تعاني من البطاله هل يعقل الا لان فيه ظلم وفساد واسطات وليته بالوظيفه بجميع امورنا واسطه ولا الومهم تمادو فيها سببها احنا سكوتنا سنوات على الغلط واستمرو فيه
حسبي الله ونعم الوكيل في كل من تسبب بها هالوضع والله يمهل ولا يهمل

اللهم اغنني بففضلك عمن سواك

اذا شفتو احد احسن منكم
بس قولو((((نسأل الله من فضله)))))

يا بنات لاتخافون ربي فوووووووووق راح ياخذ حقنا منهم أنا عني أتوظف بشهادتي وتعبي ولا آخذ مكان أحد لأنه ظلم

كلامكم صحيح وحده من جيرانا والله العظيم مامعاها غيرشهاده الثانويه وحطينها إداريه لان لها ناس في الطائف ومن قرايب ابوها لهم واسطه كبيره ووالثانيه تخرجت وقال لها هذا قريبهم اجلسي هذي السنه لاتقديمين على وظيفه والسنه الجايه قدمي ويطلع اسمك والله الذي لاإله إلا هوانه وظفها الواسطه موجوده وخاصه إللي في عسير بصوره واضحا مررررررره ماتتخيلون

أرزاق وحظوظ وأنا أخوك صح شي يقهر بس وش نسوي، أنا رجال وصل عمري ل32وباقي عاطل ولا لقيت إلاوظايف عمال وأشياء محد يقدر يقبلها وهو بهالعمر

روحي جامعة الاميرة نورة تلاقينهم بالهبل هناك بزران ماعندهم الا ثانوية ولا عندها خبرة واذا طلبوا منها شغل زميلاتها القديمات ماتعرف تنجزه لان اصلا ماعنده دورة حاسب وتطبع بابصبع واحد بين كل حرف والثاني 15 ثانية وموظفة في مكتب من احسن مايكون وراتبها زين لا وتلاقين عيون العرسان عليها عشان راتبها يعني متوفقه بالوظيفة والزوج كلها لان عندها رجال يدبك لها ويمررون له معاملتها من تحت الطاولة بالرشاوي والواسطات امسك لي واقطع لك ، لا وتنافخ البزر وتناظر بطرف عين .. انا ما احسدهم لكن يغبني الظلم ووضع الشخص في غير مكانه بسبب فساد ورشوة وواسطة يارب ياحبيبي بدل هالحال
وحنا يالمطلقات والعوانس واليتيمات المقطوعات من شجرة مالنا الا ندعي على من تسبب بوضعنا هذا المزري ، لكم مني يالفاسدين كل ليلة اتوضى آخر الليل واصلي ركعتين ادعي عليكم فيها بالابتلاء وادعي لنفسي وكل من هي بوضعي بالوظيفة والزواج وحسبنا الله ونعم الوكيل في كل ظالم