السلام عليكم ورحمة الله وبركاته ...

صباحكم سعادة يا حلوين ..

انا بدخل في الموضوع على طوول ..

اليوم رحت الضمان عشان اجدد بطاقة الوالده وكمان اقدم انا ..

والله العظيم اني رجعت وانا بموت من القهر من التعامل السيء ..

اول شي حابه اسالكم يااهل الخبره هل فعلا المساعده المقطوعه السنويه تكون سنه وسنه لا <<<طبعا هذا كلام الموظفات
والله العظيم تكلم الحريم الكبار وكانها بتعطيها من جيبها .. للاسف الوحده ما تعتبر ان الحرمه الكبيره هاذي امها او خالتها او عمتها .. والدنيا اللي حدتها تجي وتطلب شي لها في الاساس ومن حقوقها ..هاذا غير رفع الصوت اللي ما له داعي وكان الحرمه في الدور العاشر ..

وكمان الحكايه الثانيه تجديد بطاقة الصراف .. الشي اللي يقهر ان البنوك لمن نجدد عندهم بطايق اكثر شي 24 ساعه والبطاقه تشتغل وهذا وهم قطاع خاص البنوك .. والضمان الاجتماعي للاسف
لازم المستفيده تستنى 10 ايام عشان تشتغل البطاقه .. والله وحده قطعت قلبي تقول ما عندي الا الضمان وعندي 7 بنات كلهم يدرسون وش يصبرهم 10 ايام .. يعني احنا في زمن الانترنت والسرعه يعني في دقيقه تقدر تجيب المعلومات وتحدث وتنهي الموضوع بدال ما تجلس 10 ايام .. لو فيه اطفال رضع وش يسكت النونو اذا جاع ويبغى حليب او حفايظ وانتو بكرامه .. وبغض النظر عن الاهمال هذا والمواعيد الطويله .. فيه موظفات بالهبل اتوقع فوق 60 موظفه والله من الفضاوه ان ضحكهم واصل اخر الدنيا و وجالسين ورا القزاز يطالعو في الحريم لاشغله ولا مشلغه .. اذا هذا الكم الهائل من الموظفات ليش احتاج 10 ايام عشان تشتغل بطاقة صراااف .. وليت الملبغ يكون شي كبير كلها 800 ريال لا تسمن ولا تغني من جوع في هذا الوقت ..
والادهى والامر قدمت عالضمان بحكم اني مطلقه .. طلبو مني اوراق وجبتها لهم بعد اسبوع تقريبا
وديت الاوراق واعطيتها كل شي .. قدامها عقد ايجار شقه وتسالني بيت شعبي والا شقه واقولها شقه .. قالت ايجار والا ملك .. قلت ايجار .. يعني باللهي قدامك عقد ايجار شقه وفيها كل المعلومات تسالني بطرف خشمها ليش ؟؟؟ كاني طلبتها شي من جيبها وربي واللي يقهر اكثر بكل ثقه تقولي راجعينا بعد شهرين .. والله لو اني طالبه 20 مليون مااخذ شهرين .. يعني الاوارق كامله وكل شي موجود استنى شهرين لييييييش ...؟؟ يعني انا طالبه جامعيه وابغى اخذ عفو من الضمان وراح ينتهي السداد بعد شهر تقريبا استنى شهرين يعني راح عليا الترم .. والله شي يقهر
يعني حكومتنا ما قصرت تعطي ووكل شي بس البطانه الفاسده حسبنا الله عليهم .. لكن المثل يقول اذا كان خصمك القاضي من تقاضي ..

والله ان كل كلمة كتبتيها يل اختي صحيحة ومريت انا بنفسي في هذا التجربة وعانيت نفس معاناتك وفعلا مانقول الا حسبنا الله ونعم الوكيل
بالنسبة للمقطوعة سنوية وليست كل سنتين بس هذول حراميه ماعليك فيهم اذا مر سنه على استلامك المقطوعه روحي قدمي من جديد غصباً عنهم يرفعون اوراقك
والله يغنينا عنهم من واسع فضله

الله يعين عليهم وبس كانها من جيوبهم وربي شي يقهر

الله يعين وبس للآسف أكثر الدوائر الحكوميه تعاملهم سئ جداً

بالنسبه للمقطوعه سنويا اذا كنتوا تبع الضمان بس هم يماطلون فينا وتعاملهم سيء للغايه والله الله يعين ويغنينا عنهم

انا جددت بطاقتي يوم السبت ووالله العظيم بعد ثلاث ايام صرفت فلوسي واالوالده نفس الشي
فلايهمكم يوم يقولون عشر ايام اصلا مايضر الصرافه لو دخلتيها الصراف اول ماتستلميها بس حركات لعانه مدري ليش حتى انها قالت لي اسبوعين وتصرفين

الله يكون بعونك ..بس ماعليك منها كل اسبوع اتصلي وطفشيهم حتى يخلصو معاملتك بسرعه

فعلا أسوأ تعامل شفته بحياتي عند موظفات الضمان حسبنا الله عليهم ونعم الوكيل
ولا يراعون حتى الكبيرة في العمر ما ياخذون إلا الدعاء عليهم ربنا حسيبهم

اختي المقطوعة تطلع كل سنتين للارمله والمطلقه اللي مالهم عيال
وهذا نظام توهم مقررينه هالسنه..
امابطاقة الصراف على حسب ناس تشتغل بدري وناس تتأخر لكن مارح تتعدى15يوم.

__________________
"لله دُر أمي إذا ابتسمت
تهادت جروح قلبي والتئمت"